Kawehwehda Dahme Kitail Kamehlele Duwen Pahr 1914
Paipel kin kangoangehkin kitail en “onopada ahnsou koaros” pwehn kawehwehda dahme kitail kamehlele “ni tiahk en kadek oh wahu.” (1 Pit. 3:15, 16) Ni mehlel, ele kitail pahn diarada me e pahn apwal en kawehwehda padahk loal kan en Paipel, me duwehte ia duwen atail ese me Wehio tepida kakaun nan pahr 1914. Pwehn sewese kitail, ire riau me oaralape koasoia “Koasoakoasoiong Mehn Mpatail—Iahd me Wehin Koht Tepida Kakaun?” wiawihdahr. Ni omw tehk iren onop pwukat, tehk peidek kan me ntingdi pah me pid mwomwen sounkalohk men me adaneki Cameron eh koasoiong tohnihmwo.
Ia duwen eh . . .
doadoahngki lokaiahn kaping kan pwehn koasoanehdi dahme ira koaros kak pwungkipene?—Wiewia 17:22.
kasalehda aktikitik ni ahnsou me e kawehwehda dahme e kamehlele?—Wiewia 14:15.
Dahme kahrehda e mwahu me e . . .
kousapahl mwohn eh koasoia ire teikan?
uhdi ekei pak oh idek ma tohnihmwo wehwehki dahme e kawehwehda?
sohte song en koasoia ire kan me nohn tohto?—Sohn 16:12.
Ia uwen atail kalahngankihong Siohwa, atail Sounpadahk Lapalapo, eh ketin padahkihong kitail ia duwen atail pahn kawehwehda padahk loal kan en Paipel ong irail kan me men esehla met!—Ais. 30:20.