Ia Uwen Kehlail en Omw Pwoson Sapwellimen Siohwa Inou kan?

Sosua oh Solomon koaros kasalehda me sohte ehu sapwellimen Siohwa inou me sohte pweida. (Sos. 23:14; 1 Nan. 8:56) Mehn kadehde kan en sounkadehde likilik riemen pwukat kin patehng poahsoan kehlail me kitail kak kalaudehkihla atail pwoson.​—2 Kor. 13:1; Taitus 1:2.

Ia duwen Siohwa eh ketin kapwaiada sapwellime inou kan ni mwehin Sosua? Iang omw peneinei kilang kasdo ‘Not One Word Has Failed.’ Mwuri, medemedewe duwen peidek pwukat: (1) Ia duwen omw kak alasang ahn Reap wiewiahn pwoson? (Ipru 11:31; Seims 2:24-26) (2) Ia duwen mehn kahlemeng en Akan eh kasalehda me sapeik kin kahrehda kahpwal laud? (3) Mendahki ohlen Kipeon kan wia sounpei kei, dahme kahrehda irail pitihdi Sosua oh wiahda popohl rehn mehn Israel kan? (4) Ia duwen mahsen en Siohwa eh pweida rehn nanmwarki en Amor limen ko me uhwongada Israel? (5) Ia duwen Siohwa eh ketin sewese iuk ni omw kin mwohneki mahs Wehin Koht oh sapwellime pwung nan omw mour?​—Mad. 6:33.

Ni atail kin medemedewe duwen soahng koaros me Siohwa ketin wiadahr, me e ketin wiewia oh me e pahn ketin wia, atail pwoson sapwellime inou kan pahn kekehlailla.​—Rom 8:31, 32.