Wiahiong Uhk Ken Paiekihda Laud Pein Omw Onop

DAHME KAHREHDA E KESEMPWAL: Pein onopki Mahsen en Koht kin sewese kitail en “wehwehkihla douluhl uwen tehlap oh uwen reirei oh uwen ile oh uwen loal” en padahk mehlel. (Ep 3:18) E pil kin sewese kitail pwe kitail en sohte mie karaunpatail oh sohte sapwung kis rehtail nan sampah suwed wet oh kitail en “kin kolokol teng mahsen en mour.” (Pil 2:15, 16) Pein onopki Mahsen en Koht pahn mweidohng kitail en pein pilada soahng dah me kitail anahne pwehn onopki. Dahme kitail kak wia pwe kitail en paiekihda laud atail kin wadawad oh onopki Paipel?

IA DUWEN OMW PAHN WIA MET:

• Kilelehdi iretikitik kan oh ntingihediong kisin mehn kataman kan nan pein noumw Paipel, sohte lipilipil ma nan uhdahn pwuhko de nan tablet ape

• Pein idek rehmw peidek pwukat ni omw kin wadek Mahsen en Koht: ‘Ihs? Dahieu? Iahd? Ia Wasa? Dahme kahrehda? Ia duwen?’

• Alehdi ire mehlel kan. Doadoahngki mehn roporop kan me mieier, oh wia roporop duwen oaralap de iretikitik en Paipel kan

• Doudouloale dahme ke wadek pwe ken wehwehki ia duwen ireo eh pid kowe

• Doadoahngki dahme ke sukuhlki nan omw mouren ehuehu rahn.—Lu 6:47, 48

KILANG KISIN KASDO KEEP “A TIGHT GRIP”—THROUGH EFFECTIVE PERSONAL STUDY, OH MWURI SAPENGALA PEIDEK PWUKAT:

• Ia duwen ekei ar kawehwehda ar paiekihda ar pein onop?

• Dahme kahrehda kitail anahne kapakap ahnsou koaros mwohn atail tepida onop?

• Dahme kak sewese kitail en kalaudehla atail wehwehki mwahu iren Paipel ehu?

• Soangen mehn kilel dah me kitail kakete kihong ni pein neitail Paipel en onop?

• Dahme kahrehda doudouloale uhdahn kesempwal ni ahnsoun onop Mahsen en Koht?

• Dahme kitail pahn wiahiong soahng kan me kitail sukuhlki?