Sises Ketin “Sukuhlki Peik”

Sises kin ahnsou koaros ketin peikiong Siohwa. (Sohn 8:29) Eri, dahme kahrehda Paipel mahsanih: “E ketin sukuhlki peik sang ni mehkan me e ketin lokolongki”?—Ipru 5:8.

Ni eh ketiket sampah, Sises ketin lelohng irair kan me e sohte kin lelohng nanleng. Karasepe, semeo oh ineo nin sampah kin poakohng Siohwa ahpw ira sohte unsek. (Luk 2:51) Sises pil ketin dadaur pahn wiewiahn mwersuwed me kaunen pelien lamalam oh lapalap en koperment suwed ko wiahiong ih. (Mad. 26:59; Mark 15:15) E pil pwoula ni ahl kamedek ehu. Paipel mahsanih: “E ketin aktikitikla oh ketin peik lao e pwoula.”—Pil. 2:8.

Eri, Sises ketin sukuhlki peik ni ahl ehu me weksang ahnsou me e ketiket nanleng. Ihme kahrehda e kak ketin wia Nanmwarki oh Samworo Lapalap unsek men me uhdahn kak ketin wehwehki duwen kitail. (Ipru 4:15; 5:9) Mwurin Sises eh sukuhlki peik sang soahng kan me e lelohng, e uhdahn kesempwalla rehn Siohwa oh kalaudehla en Siohwa kak ketin doadoahngki ih. Kitail pil kak kesempwalla rehn Siohwa oh kalaudehla eh kak ketin doadoahngki kitail nan soangen pwukoa koaros me e kakete ketikihong kitail ma kitail kin peikte pahn ahnsou apwal.—Seims 1:4.