Mahwen nan Ukraine Wiawihkier Sounpar Ehu—Koapworopwor Dah me Paipel Kin Kasalehda?

Nialem, February 24, 2023, e pahn sounparehr ehu sangete ahnsou me mehkot suwed ehu tepida wiawi, me iei mahwen nan Ukraine. Nin duwen me ekei ripoht kasalehda, mpen sounpei en Ukraine oh Russia 300,000 me mehla de ohla oh ele mpen aramas me sohte iang sounpei 30,000 me mehla nan mahweno. Ahpw, met kakete tohtohsang.

E kansensuwed me e sohte mwomwen me mahwen wet pahn uhdi ni ahnsou keren.

•  “Kereniong sounpar ehu sangete ahnsou me sounpei en Russia kan pedolong nan Ukraine, e sohte sansal ma mahweno pahn uhdi ni ahnsou keren. E mwomwen me sohte emen rehn pali riau pwukat pahn kana nan mahweno, oh pil e sohte sansal ma ira pahn kak diarada mehkot me ira pahn pwungkipene.”—NPR (National Public Radio), February 19, 2023.

Aramas tohto kin pwunodki medek oh lokolok me mahwen wet oh kahpwal teikan kin wiahiong aramas akan nan sampah pwon. Koapworopwor dah me Paipel kin kasalehda? Mahwen pahn kak sohla wiawi?

Mahwen me pahn kauhdi mahwen koaros

Paipel kin mahsanih duwen mahwen ehu me pahn doarehla aramas a kaidehn kauwehla. Mahwen wet kin adaneki Armakedon oh Paipel kin kawehwehda nin duwen “mahwen me pahn wiawi ni rahn lapalap en Koht, me Keieu Manaman.” (Kaudiahl 16:14, 16) Koht pahn ketin doadoahngki mahwen wet pwehn kaimwisekala koperment en aramas akan, me kin kahrehda mahwen laud tohto. Pwehn kalaudehla omw ese ia duwen Armakedon eh pahn wahdo popohl poatopoat, wadek oaralap pwukat:

•  “What Is the Battle of Armageddon?”

•  “Armakedon Wia Rohng Mwahu Ehu!”