Partis di livru Bu Pudi Tene un Vida Filis pa Sempri! ku pudi judanu

Sera ki bu gosta di videos ku purguntas di opinion, ku sta na livru Bu Pudi Tene un Vida Filis pa Sempri!? Ke gora di partis, “Alguns jintis ta fala,” “Tenta fasi es,” ku “Tene mas informason”? Kal utrus partis ku bu pensa kuma i pudi sedu di ajuda, ora ku bu na diriẑi studu di Biblia? — Mat 28:19, 20.

Videos, artigus ku audios: Si bu misti usa livru mprimidu pa diriẑi studu di Biblia, kuma ku bu pudi oja ku fasilidadi tudu videos, artigus ku audios na un kau? Na livru diẑital selesiona un di kuatru seson. Na fin di lista di tema di kada lison, bu pudi selesiona tudu videos, artigus ku audios di ki seson. (Jubi diseñu 1.)

Formatu di “Edison mprimidu”: Si bu sta na usa apareliu eletroniku pa studa ku un algin, talves i na sedu di ajuda usa manga di bias, formatu di “Edison mprimidu” duranti studu. Ora ku bu sta na lison, toka na tris pontu ku sta riba di paẑina i dipus toka riba di “Edison mprimidu.” Es formatu pudi judau pa bu kontinua pensa na kuma ku materia sta ligadu ku tema di lison. Pa riba pa edison diẑital, toka mas na tris pontu i ripiti toka “Edison diẑital.”

“Sera ki N sta pruntu?”: Es kuadrus ku sta kuas na fin di livru, mostra kusas ki pirsis fasi pa pudi prega ku kongregason i batisa. (Jubi diseñu 2.)

Notas: Notas da splikason di alguns asuntu importanti. Livru na formatu diẑital tene tambi link na fin di kada nota, ku na pudi ribantau na parti di lison ku bu staba nel. (Jubi diseñu 2.)