Jehovamanta Sutʼinchaqkunapta 2009 watapaq Jatun Tantakuyninku
1. a) Kimsantin pʼunchay jatun tantakuyman rispaqa, ¿ima tʼinkasta japʼisunman? b) ¿Imatataq ruwasunman kunanmantapacha?
1 Tukuy 2009 watapi, jatun tantakuy ruwakunanta suyachkanchik, wakkuna Jehovata yupaychaqkunawan khuska may kusisqa kananchikpaq, imaptinchus paykunapis ñuqanchikjina ‘wakcha sunquyuq kasqankuta reparakunku’ (Mat. 5:3). Kay kimsantin pʼunchay tantakuyman rinanchikpuni tiyan, jinamanta hermanosninchikwan kallpachakusunchik, kusisqa ima, kasunchik, imaptinchus Jehovap pʼunchayninqa may usqhayta qayllaykamuchkan (Sof. 1:14). Yachachiqkuna, patrones ima, chay tantakuy Diosta yupaychanapaq kasqanta yachachunku. Kunanmantapacha wakichikunayki waliq kanman, Jehovap tʼinkanta japʼinaykipaq, tukuy imapi yanapasunanta suyaspa (Isa. 50:10).
2. Achkha suyuspaq tantakuyman mana riptinchikpis, ¿imaynamanta jatun tantakuykunapi wak suyusmanta hermanos kankuman?
2 Achkha suyuspaq jatun tantakuy. Achkha suyuspaq jatun tantakuykunaqa, wakin suyusllapi ruwakunqa, chayrayku pikunatachus waqyarinku paykunalla rinanku tiyan. Ajinata ruwasunchik chayqa sumaq kanqa, imaptinchus chay tantakuypi tukuy tiyanayuq kanqanku (1 Cor. 14:40; Heb. 13:17). Chantapis, misioneros, betelitas, siervos internacionales ima, suyunkuman kutipuspa jatun tantakuykunaman rinqanku, ajinamanta chay tantakuykunapiqa wak suyusmanta hermanos kallanqankutaq.
3. Qutuchakuypi hermanosman, ¿imaynamanta munakuyninchikta rikuchisunman?
3 Wakkunata yanapay rinankupaq. ¿Qutuchakuyniykipi pillapis jatun tantakuyman rinanpaq yanapanachu kachkan? Wak hermanosta yanapaspaqa, “Amataj pipis maskʼachunchu paypa allinnillantaqa, astawanqa sapa uj maskʼachun ujkunaj allinninkutapis” nisqata kasukuchkanki (Fili. 2:4).
4. Jatun tantakuy ima fechapichus, maypichus ruwakunanta, ¿imaynatá yachasunman?
4 Maypi ruwakunanta yachasunman. Maypichus, maykʼaqchus, jatun tantakuy ruwakunanta yachanaykipaq, niraq sucursalman waqyachkaspa, kay Torremanta Qhawaq abril-junio 2009 watamanta qhawariwaq chayri qutuchakuyniykimanta secretariota tapuriwaq.
5. ¿Imaynatá khuyakuyninchikta wak hermanosman rikuchisunman?
5 Pikunata astawan yanapasunman. Provervios 3:27 nin: “Pichus imapi khuyayniykita mañakusojtenqa, ama: Mana, niychu, ruwanaykipaj jina kashajtenqa”. ¿Imaynatá wakkunaman khuyakuyninchikta jatun tantakuypi rikuchisunman? Machitus willaqkuna, unqusqas, juntʼata llamkʼaqkuna, wakkuna ima, ichapis paykunata yanapayta atisunman wasipi qhipakunankupaq, jatun tantakuyman rinankupaq ima. Kayta ñawpaqtaqa familiankuraq ruwananku tiyan (1 Tim. 5:4). Chaywanpis mana atiqtillanku, wak hermanos yanapayta atinkuman (Gal. 6:10).
6. Jatun tantakuyman rinapaq wakichikuchkaspa, chaypi kachkaspa ima, kay 2009 watapi, ¿imapitaq yuyayninchik kanan tiyan?
6 Ruwasqanchik Diosta jatunchan. Espiritup puquyninta chay pʼunchaykunaspi rikuchisun chayqa, astawanpis parlasqanchikwan, kasqanchikwan ima, hotelpi llamkʼaqkuna, wak runas ima chay llaqtamantaqa, Jehovap llaqtanta astawan jatunpaq qhawanqanku, chantá wakkunatapis mana miskʼachisunchu (1 Cor. 10:31; 2 Cor. 6:3, 4, 5). Jatun tantakuypi kay 2009 watapi sapa jukninchik, chayman rispa, kʼacha runas kayninchikwan ima, Diosta jatunchana (1 Ped. 2:12).
[5 paginapi recuadro]
Wakichikusqanmanta horarion
Jueves (Achkha suyuspaq jatun tantakuylla)
1.20, 4.55 tardekama
Viernes, sábado ima
9.20 paqarinmanta 4.55 tardekama
Domingo
9.20 paqarinmanta 4.00 tardekama
[6 paginapi sutʼinchaynin]
Qillqanapaq