Jehovapa Testigonkunapa Asamblea de Distrito 2007 watapaq “¡Cristo ruranqanta qatishun!”
1, 2. a) ¿Imatataq nerqan Moisés israelitakunata ellukëpaq? b) ¿Ima arreglokunatataq ruranantsik kananllapitana?
1 Moisesmi mandarqan llapan israelitakunata y forasterono täraqkunata, ellukäyanampaq cada qanchis watata wiyayänampaq Ley nenqanta. ¿Ima rekur-raq? Pëmi nerqan: “Wiyayänampaq y yachakuyänampaq” (Deu. 31:10-12). Këcho rikanqantsiknomi, Jehovapaqqa allapa precisom markan atskapa ellukäyanan. Kanampita ichikllatanam, Diospa markan yapë ëllukanqa Asamblea de Distritocho “¡Cristo ruranqanta qatishun!”.
2 ¿Alistakur qallëkorqonkinaku? ¿Permisota mañakunekiku uryanqekicho? ¿Yanapankimanku estudiantekikunata o mana creyente familiekikunata asambleaman qamwan ewayänampaq? ¿Kanku congregacioncho yanapakita nesecitaqkuna asambleaman ewayänampaq? ¿Huk congregacionpa asambleanmanku eweta pensëkanki? ¿Precisotsuraq kanqa posadata mañakuneki asamblea kaq markacho? Kecho yachakonqekim yanapashunki ima arreglokunatapis ruranekipaq.
3. a) Kanan tiempocho, ¿imanötaq cumplikëkan Isaías 25:6? b) ¿Imataq rikakashqa punta hunaq asambleacho, y imatataq noqantsik rurashwan?
3 Kiman día completo ewë: Jehovaqa atskapam espiritual mikïta markanta qon (Isa. 25:6). Tse mikïllam hina cada wata asambleakunacho yachakonqantsikkunapis. Tseno kaptimpis, rikakashqam wakin hunaqkunapitaqa, punta hunaqmanqa wallkaqllam ewayan. Tsemi llapekita animayaq kiman hunaq asambleaman ewayänekipaq, Jehová Diospa markan noqantsikpaq ruramushqanman. Uryanqekicho permisota mañakuneki kaptenqa, oracionnikikunacho tsepaq mañakï. Tsepita ‘valorta horqï’ patronnikiwan parlanëkipaq, asambleapa fechanta congregacionnikicho willakarayämunqanllacho (1 Tes. 2:2; Neh. 2:4, 5). Allim kanman patronnikita willaneki cada wata asambleakuna religionnikillapa kanqanta. Puntallapitana patronnikita permisota mañakuptikeqa, itsa pëpis shumaq arreglokunata ruraramonqa.
4. ¿Imanöraq yanapashwan Biblia estudiaqkunata y familiantsikkunata asambleaman ewayänampaq?
4 Imanöraq yanapashwan familiata y Biblia estudiaqkunata: Pensë, imaraq kushikunkiman asamblea de distritocho estudiantekikuna ladikicho tëkayamuptin, kikinkuna rikarnin imanomi “hatun congregacioncho” llapankuna kuyanakuyan (Sal. 22:25). Asambleaman ewayänampaq puntallapitana wille arreglokunata rurëkayanampaq. Wille imanirmi qam kushikunki kë asambleakunaman ewarnin. Imano tse asamblea kanqantapis musyayänampaq, rikätsi pasaq asambleakunapita videokunata, pero más alleqqa kanman video Unidos gracias a la enseñanza divina nishqanmi. Arreglo ruranqëkipita parle mana creyente familiekikunawampis. Itsa qamwan ewariyanman drama rikaqllapis o huk hunaq asambleallamampis.
5. ¿Imakunata rurartaq rikätsishun alli kanqantsikta 1 Timoteo 6:18 nenqanno?
5 Pani wawqikunapaq yanapaki: Kapoqyoq cristianokunatam apóstol Pablo keno willaparqan: “Alli kaqta rurayatsun, kapoqyoq kayätsun alli rurëkunacho, qarakoq kayätsun, listo rakipänakuyanampaq” (1 Tim. 6:17, 18). Pablo nenqannömi alli kaqta rurantsik wakinkunapaq yarpararnin, awkinyashqa tsatsayashqakunapaq, y qeshyëkaqkunapaq, precursorkunapaq, warmi o ollqu hapallankunalla wambrankunata qeshpitseqkunapaq, y wakin asambleaman ewayänampaq yanapakï necesitaqkunapaqpis. Razonmi, pekunataqa cristiano kaq familiankunam rikäyanan imachöpis yanapayänampaq, pero ancianokuna y wakin poblicadorkunapis alleqmi rikäyanan y ofrecikuyänanmi yanapayänampaq ima necesitayanqanchopis (Gál. 6:10; 1 Tim. 5:4).
6. a) ¿Imanirtaq congregacionnintsikpa asambleanman ewanantsik? b) ¿Imakunataraq rurashwan, huk markacho asambleaman ewanapaq?
6 Huk asambleaman ewar: Atska asientokuna, publicacionkuna, y posadakuna y imakunapis mana pishinampaqqa, llapeki publicadorkunatam mañayaq congregacionnikikunapa asambleanman ewayänekipaq. Kikikipa asambleëkiman mana eweta puederqa y huk markacho asambleaman ewarqa, mañë congregacionpa secretarionta huk formulariota posadakunëkipaq y raslla qellqarïkur kutiratsi. Ewanekipaq markacho más asambleakuna kaptenqa, churë ima fechacho ewanekipaq kaqtapis. Kë formularioman qellqarïkurnam secretariota entreganeki, pëmi apatsenqa asamblea kaq markaman.
7-9. ¿Imakunatataq yarparashwan posadakï arreglokunapaq, y imanir?
7 Posada: Posadakunapaq Departamentom, kallpachakuyan posädakunata ashirnin wawqikunapa wayincho, alli publicadorkunapaq y alli portakoq wambrayoq publicadorkunapaq, ketaqa rikanqa Congregacioncho Comité de Servicio nishqanmi. Kë posädakunaqa kikinkuna mana tareqkunallapaqmi. Kë arreglom alli kashqa posadakoqkunapa y wayiyoqkunapa yanapakïninwan.
8 Asamblea kaq markacho tärashqaqa, kushishqam posadatsishun wawqi panikunata karu markakunapita shamushqakunata. Wakin asambleakunapaqqa necesitayan atska cuartokunatam. Kuyakïwan posadatsikoq karnenqa, atska bendicionkunatam chaskishun Jehovapita, Hebreos 13:16 nenqanno: “Ama qonqayetsu alli rurëta y imekatapis wakinkunawan rakipänakita, tse sacrificiokunaqa allapam Diosta kushitsin”. Congregacionpa secretarionwan parlashun, y qellqashun formulariocho posadatsikunapaq.
9 Posadaqa asamblea hunaqkunallapaqmi; manam shuyarashwantsu posadatsimänantiskta atska hunaqqa manaraq asamblea qallaptin o usharenqancho, huk cosaskunata ruranantsik-rëkur o reqipakita munarqa. Hinamampis, cristiano kuyakimi rikätsenqa wayiyoqta agradecikuyanqekita más hunaqkuna mana quedakurnin. Hina posadatsikoqpa wayinta respetayanqanta rikätsiyananmi wambrankunata cuidarnin, huk cuartokunaman mana yekuyänampaq. Kë llapan yachakonqantsikta yarparashqaqa kikintsikpaqmi kanqa, y hukkunawampis kushishqam animanakushun (Rom. 1:11, 12).
10, 11. a) Manaraq asamblea localman chashqa, ¿imakunataq rurakashqana? b) ¿Imanöraq rikätsishwan valoranqantsikta y agradecikonqantsikta noqantsik-rekur uryayanqanta? (Lea Hebreos 13:17.)
10 Yanapakoq kë: Asamblea localman chärishqam rikantsik imakunatam rurayashqa noqantsik chänapaq. Kuyakoq wawqikunam acomodador kayan pekunam shumaq chaskimantsik, yanapamantsik asientokunata tarinapaq, y programatapis entregamantsikmi. Kayashqam wawqi panikuna tse localta limpiaqkuna y plataformatapis shumaq altsaqkuna. Hinamampis puntallapitanam asambleacho yarquyänampaq shumaq preparakuyashqa y wakin ichisaq cosaskunatapis alistayashqa.
11 Cada asambleapaqmi atska wawqikuna uryayashqa tukïkunata rurarnin, hina familiankunapis yanapayashqam, pëkuna kë asambleapa rurëninkunacho yanapakuyänampaq. ¿Manaku agradecikuntsik noqantsik-rekur tse llapan rurayanqampita? Agradecikonqantsikta rikätsikushunmi kecho yachakonqantsikta wiyakurnin, o manaraq asamblea chämuptin wakin yachakonqantsikkunatapis wiyakurnin (Heb. 13:17). Llapantsik shumaq kushishqa yanapakonqantsikmi ruranqa ‘llapan cosaskuna shumaqllapa y arreglowan rurakänampaq’ (1 Cor. 14:40).
12. a) ¿Imanirtaq allapa preciso kë reunionkuna kanan tiempontsikcho? b) ¿Imataraq qam rurankiman?
12 Allapa precisom Diospa markan ellukäyanan “tse hunaq këllachona” kanqanta rikarnin (Heb. 10:25). Esclavo fiel y discretom llapan asambleakunacho yachatsimantsik “shumaqllapa kë llapan palabrakunata ruranapaq”, Jehová munanqanno casokunapaq (Deu. 31:12). Tsemi alli yarpätsiyaq kananllapitana arreglokunata rurayänekipaq kiman hunaq Asamblea de Distritoman ewayänekipaq “¡Cristo ruranqanta qatishun!” y alli yachakunekipaq kawenikicho yanapashunekipaq kaqta y llapan ewaqkunawampis shumaq parlarinekipaq.
[3 kaq päginachö recuadru]
Programapa horankuna
Punta y sigueqnin hunaq:
Qoyapa 9.20 qallanqa - tardepa 5.05 ushanqa
Kima kaq hunaq:
Qoyapa 9.20 qallanqa - tardepa 4.10 ushanqa