2009 watachö Jehoväpa Testïgonkunapa Hatun Asamblean
1. a) ¿Ima bendicionkunataraq chaskishun hatun asambleaman llapan hunaq ëwarqa? b) ¿Kanankunallapitana imatataq rurëkänantsik?
1 Llapantsikmi kushishqa shuyarëkantsik 2009 watachö hatun asambleata, tsëchö noqantsiknö Jehová ‘Diosta wanaqkunawan’ ëllukärinapaq o gorikärinapaq (Mat. 5:3, NM). Jehoväpa piñakïnin hunaq hanantsikchöna këkaptinmi, llapan hunaq asambleachö kanantsik alläpa precisan, y tsëchömi wawqikuna panikuna kuyakoq kayanqanta rikäshun y yachatsikayämonqanta wiyanqantsikkunam yanapamäshun fënintsikchö alli jinchi o sinchi tsarakunapaq (Sof. 1:14). Profesorkuna y patronkuna musyayätsun asambleantsik Diosta adoranapaq alläpa precisanqanta. Puntallapitana alistakï y Jehoväpa bendicionninta mañakï, ama qonqëtsu, Pëqa yanapashunkim (Isa. 50:10).
2. Atska nacionkunapaq asambleaman mana invitamashqapis, ¿imanirtaq tsë asambleanölla hatun asambleantsikpis kanqa?
2 Atska nacionkunapaq asamblea: Yupashqa nacionkunallachö y markakunallachömi kanqa atska nacionkunapaq asambleaqa, tsëmanqa invitashqa kaqkunallam ëwayänan. Këta wiyakïmi alläpa precisan asamblea rurayanqanchö mana huntakurkuyänampaq (1 Cor. 14:40; Heb. 13:17). Imanö karpis, atska nacionkunapaq asambleanöllam, wakin hatun asambleakunapis kanqa, tsë hatun asambleamanqa kutiyanqa tsë markapita huk nacionchö këkaq misionerokuna, betelïtakuna y siervos internacionales nishqankunapis.
3. ¿Congregacionnintsikchö imata rurartaq kuyakoq kanqantsikta rikätsikushwan?
3 Wakinkunatapis yanapë ëwayänampaq: ¿Pillapis congregacionnikichö yanapëpaqnö kanku asambleaman ëwanampaq? Wawqikunata panikunata yanaparqa kënö nenqantam rurëkantsik: “Ama meqequicunapis quiquiquicunapa bienniquicunallaqa imatapis rurayëtsu. Tsepa rantenqa imatapis rurarqa, rurayë waquincunapapis bienninpaq” (Fili. 2:4).
4. ¿Hatun asambleakuna mëchö y imë kananta imanötaq musyashwan?
4 Imanötaq musyashwan imë y mëchö kanantapis: Asamblea imë y mëchö kanampaq kaqta musyëta munarqa, 2009 wata kaq 1 de marzo La Ataläyata rikäri, o congregacionpa secretarionta tapuri manaraq sucursalman qayakurnin.
5. a) ¿Imanirtaq nimanqantsik asambleaman ëwanantsik? b) Huk asambleaman ëwarqa, ¿imatataq ruranantsik?
5 Atska asientokuna, publicacionkuna, posädakuna y imakunapis mana pishinampaqqa, llapëki publicadorkunatam mañayaq congregacionnikikunapa asambleanman ëwayänëkipaq. Kikikipa asambleëkiman mana ëwëta puëder huk markachö asambleaman ëwarqa, congregacionpa secretarionta huk formulariota mañë posädapaq y tsëman qellqanëkipaq. Ewanëkipaq markachö más asambleakuna kaptenqa, churë imë ewanëkipaq kaqtapis. Secretariotam qonëki qellqashqa formulariota, pënam apatsenqa asamblea kanan markaman.
6-8. ¿Ima yachatsikïkunatataq yarpänantsik posädakorqa, y imanir?
6 Posada: Posädapaq Departamentom, wawqikunapa wayinkunachö posädakunata ashiyan, alli publicadorkunapaq y alli portakoq wambrankunapaq, këtaqa rikanqa Congregacionchö Comité de Servicio nishqanmi. Kë posädakunaqa hotelchö posadakuyänampaq mana qellëta tareqkunallapaqmi. Kënö ruranapaq nimanqantsikqa imëpis allim kashqa, posadakoqkuna y wayiyoqkuna shumaq yanapanakuyaptin.
7 Asamblea kaq markakunachö tärarqa, kushishqam posadatsishwan karu markapita shamoq wawqikunatawan panikunata. Wakin asambleakunapaqqa wanayan atska cuartokunatam. Kuyakïwan posadatsikoq karnenqa, atska bendicionkunatam chaskishun Jehoväpita, Hebreus 13:16 textom kënö nimantsik: “Tsenolla jina ama qonqayëtsu allicuna rureta, y cayäpushonqequicunawan jucniqui jucniquipis yanapanaquicuyë; porqui tseno rurayanqequim Diospaq allapa alli qareqa”. Tsëmi congregacionpa secretarionwan parlashun, y formulariochö qellqashun posadatsikunapaq.
8 Posädaqa asamblea hunaqkunallapaqmi; manaraq asamblea qallaptin o ushariptimpis, huk cösaskunata ruranantsik-rëkur o huk markakunata reqipakïta munanqantsik-rëkur manam atska hunaq posädatsimänantsikta shuyarashwantsu. Hinamampis, wayiyoqta agradëcikuyanqëkitaqa rikätsikuyanki más hunaqkuna mana quedakurmi. Hina wambrakunatapis willapäyänëkim o yätsiyänëkim posadatsikoqpa wayinta respetayänampaq, y wayinkunaman lluta mana yëkïkachäyänampaq. Kë llapan yachakonqantsikta shumaq wiyakurnenqa, wawqintsikkunawan panintsikkunawan kushishqam huknintsik huknintsik yanapanakurishun (Rom. 1:11, 12).
9, 10. a) ¿Imanö kanqantsiktaq yanapamäshun asientokunata churakïchö? b) ¿Imata rurartaq kuyakoq kanqantsikta rikätsikushwan?
9 Alli portakonqantsikpitam Dios alabashqa kanqa: ¿Wakinkunapaq asientota churanapaq yachatsimanqantsikta wiyakïkantsikku? Wiyakuyarqonkiraqmi, tsëmi alläpa kushikuyä. Tsëpis, yachakonqantsikkunataqa manam qonqanantsiktsu. Atska kutina këkunapaq yachakushqa këkarpis, wiyakoq kanqantsikmi yanapamäshun alli kaqta ruranapaq.
10 Tsatsakunapaqwan awkinkunapaq y tsëraq yachakïkaqkunapaq yarparmi kënö tapukunantsik: “¿Punta puntachö y munanqächö tärëtaku ashï? O yamë këkarqa y mana imapis precisëkaptenqa, ¿wakin täkuyänampaqku karuman ewkü? ¿Rasllaku horqarï asambleapaq 10 ó 15 minuto pishikaptinlla wakinkunapaq asiento churanqäta, tsënöpa wakinkunapis huk asientota manana ashiyänampaq? ¿Familiäwan juntoku këkä o musyänaku mëchö tärayänampaq kaqtapis, tsënöpa hukchö hukchö asientota mana churayänäpaq? ¿Asientokunata churakïchö wiyaköku acomodadorkuna niyämanqanta?”.
11. ¿Imakunatataq alleq yarpänantsik 2009 watachö Hatun Asambleapaq alistakurnin?
11 Asamblea kanan markachö, kikin asambleata rurayanqancho y mëchö tsëchö këkarpis santu espïrituyoq kanqantsiktaqa rikätsikuntsik parlakïnintsikchö y portakïnintsikchömi, hinamampis këkunata rurashqaqa wakin nunakuna rikäyanqam Jehoväpa markan imanö kanqanta, y tsënöpam wakinkuna yachakuyänanta qepätsishuntsu (1 Cor. 10:31; 2 Cor. 6:3, 4). Alli kawakïta tarinapaqmi Jesus kënö nerqan: “Dios llapan nenqanta cäsucurninmi cawayanqa” (Mat. 4:4). Wata wata asambleakunachömi Jehová ‘tsecho caqcunata miquinincuna örancho qaramantsic’ “mäcoq, mäcoq, cumplidu sirweqnin” ruramonqanwan (Mat. 24:45). Asambleachö espiritual kaq mikïta chaskinapaqqa alli unëpitam rurayämushqa y alläpa trabäjom kashqa. Y 2009 watachö Hatun Asambleaman ëwanqantsik y portakonqantsik Diosnintsikpa shutinta allichö horqatsun (1 Ped. 2:12).