Jatun asamblëapaq yarpätsikïkuna
Asamblëa qallanampaq. Punkuqa 8:00 a.m. kicharëkanqanam. Müsicaqa 9:20 a.m. kiman (kimsan) junaq qallanqa, qallëkuptinllam llapantsik jamakurinantsik, tsënöpam Jehoväta respetanqantsikta rikätsikushun. Viernischö y säbaduchöqa ushanan canticu y mañakïqa 5:00 p.m. kanqa, y dominguchönam 4:00 p.m. ushanqa.
Canticukunawan Jehoväta alabashun. Unë tiempuchöqa canticukunawanmi Jehoväta markan alabaq. Kanan witsampis müsicakunaqa alläpam precisan adoranantsikpaq (Sal. 28:7). Jatun asamblëa manaraq qallaptinmi, qallanan müsicata wiyantsik. Y tsëqa manam wiyanallapaqtsu, sinöqa Jehoväta alabanapaq y pëpita yachakunapaqmi. Tsëmi asamblëata qallatsimoq wawqi müsica qallanampaq kaqta willakamuptinqa llapantsik ras täkushwanna y wiyakunapaq listuna këkashwan. Tsëta rurarmi, Jehoväta adoranapaq më tsëpita cristiänu mayintsikkuna imëka sacrificiuta rurëkur tsë müsicakunata grabayänampaq ëwayanqanta agradecikunqantsikta rikätsikushun. Pëkunaqa Patterson (Nueva York) markamanmi watachö ishkë kuti ëwayan kë shumaq müsicakunata grabayänampaq y kikinkunam pasäjinkunatapis pagakuyan. Tsë qallanan müsicakunata wiyar usharirmi, Jehoväta alabashun canticukunata cantarnin.
Cärru cuadrakunan. Manam atska cärrukuna cuadrakuyänampaq sitiu kanqatsu, tsëmi juk cärrullachö atskaq ëwëta procurayänëki.
Asientukuna. Qamwan cärruchö ëwaqkunallapaq o juntu yachayanqëkikunallapaq y qamwan Bibliata estudiaqkunallapaqmi asientutaqa rakinëki (Juan 13:34, 35; 1 Cor. 13:5; 1 Ped. 2:12).
Limpiu y shumaq vistikushun. Asamblëapaq vistikunqantsik röpaqa, manam Diosta mana sirweq nunakunapanötsu kanan, sinöqa shumaq y sencïllullam kanan (1 Tim. 2:9). Jina posadakunqantsikman ëwanapaq y asamblëachö mana këkarpis shumaqmi vistikunantsik. Tsënöpam soläpantsikta churakïta ni Jehoväpita nunakunata parlapëta penqakushuntsu. Kë wata jatun asamblëantsikpaq ëwanapaq shumaq altsapäkunqantsik y alli portakunqantsikmi yanapakunqa, nunakuna Bibliapita yachakuyänampaq, jina Jehovätapis alabanqam (Sof. 3:17).
Celular y maskuna. Asamblëaman celularkunata y maskunata aparqa wiyakuyänanta mana pantatsinampaq kaqllaman churari. Fötuta tomanëkipaq cämarata, celularta, tablëtata utilizarqa plataformapita yachatsikayämunqanta rikäkuyänantaqa manam tsapashwantsu. Wakinkunata respetarninqa, ama mana precisaq mensäjikunata asamblëa höra celularnintsikpa apatsishuntsu.
Mirkapa. Waqtaman ranteq mana yarquyänëkipaq y mana kichkipäyäshunëkipaq täperkunallachö mirkapëkikuna apakuyë. Manam asamblëaman ëwashwantsu atska mikïnintsikwanqa, ni manam apashwantsu pakina botëllakunata.
Qellëwan yanapakushun. Jatun asamblëapita agradecikunqantsiktaqa rikätsikushun, ëkallatapis cäjakunaman winarmi.
Jampikuna. Jampita doctor recetashushqa kashuptikiqa mana qonqëllata asamblëaman apë, porqui Primërus Auxiliuschöqa manam tsë jampikuna kanqatsu. Diabëticu karnin awjakunata y jeringakunata utilizarqa, asamblëachö o hotelchö këkarpis basurërukunamanqa manam jitarinëkitsu, tsëkunaqa alläpa peligrösum kayan.
Accidentikuna mana kanampaq. Cada watam accidentikunaqa kan jatun täcuyoq ëwayanqanrëkur. Ladërakunachö, grädakunachö, rejïllakunachö o maskunachöpis fäcil-lla purinëkipaq zapatukunam mas alliqa kanqa.
Mana alläpa wiyaqkunapaq. Wakin asamblëakunachöqa, local rurillachömi discursukunata frecuencia modulada (FM) nishqampa pasatsiyämun. Asamblëachö kaptinqa, asamblëa qallanqan höram tsëta willakayämunqa. Tsëpa wiyanapaqqa pïlayoq radiutawan audïfunutam ministishun.
Llullu wamrata puritsina y doblana sïllakuna. Manam apashwantsu llullu wamrata puritsinapaq cöchikunata ni doblana sïllakunata. Peru asientu tinkoqlla wamrakunapaq sillïtakunataqa apëta puëdiyanmanmi.
Perfümikuna. Wakin asamblëakunaqa rurakan wichqaraq localkunachömi. Tsëmi wakinkunata respetarninqa perfümita alläpa jichakushwantsu, tsënöpa alergia pitapis mana tsarinampaq o mana qeshyatsinampaq (1 Cor. 10:24).
Persona que mostró interés formulariukuna (S-43). Asamblëa junaqkunaqa, juk o ishkë formulariu Persona que mostró interés nishqanta allichi apankiman, tsënöpa pitapis parlapaptiki shumaq wiyaptinqa jutinta y mëchö täranqantapis qellqanëkipaq. Nïkurnam qellqashqa formulariuta Departamentu de Publicaciones nishqanman o congregacionnikipa secretariunta entreganëki.
Restaurantikuna. Restaurantikunaman mikoq ëwarnin shumaq portakunqantsikwanmi Jehoväpa jutin reqishqa kanqa. Shumaq vistishqa y juk cristiänunö ëwë. Markëkichö costumbri kaptinqa propïnata jaqipï.
Hotelkuna:
Wananqëki kaq cuartukunallata raki, y qoyäshunqëki cuartumanqa ama mana pagakïkaqkunataqa posadatsitsu.
Rasumpa precisaptinlla manana quedakunëkipaq kaqta willakuri (Mat. 5:37). Tsënö willakurqa, cancelanqëkipa nümerunta apuntë. 48 hörakuna pasashqanchö rakinqëki cuartuta cancelaptikiqa, paganqëki qellëta mananam kutitsiyäshunkitsu.
Cuentachömi katsinëki posadakunqëkichö tarjëta de crëdituwan o dëbituwan pagakuptikiqa, wakin qellënikitam rakir quedaratsiyanqa tsëchö kanqëki junaqkuna imapis accidentikuna pasakuptin o imatapis pakipakuptiki pagakunëkipaq. Tsë quedatsiyanqan qellëtaqa manam jorqëta puëdinkitsu hasta ëwakunqëkiyaq.
Markëkichö costumbri kaptinqa, malëtëkikunawan yanapayäshoqnikikunata y cuartu limpiaqkunata propïnan qoy.
Hotelchö cocinayänanta permitiyaptinllam cocinayänëki.
Hotel-llachö desayünuta, cafëta o maskunata mikunëkipaq qoyäshunqëkitaqa ama asamblëaman apakïtsu.
Jehoväpa santu espïritumpa wayïninta rikätsikï hotelchö trabajaqkunata shumaq tratarnin. Yarpë, mëtsikaq posadakoqkunatam tsëchöqa atiendikämantsik, tsëmi kuyakoq, entiendikoq y pacienciakoq kanqantsikpita alläpa agradecïdu kayanqa.
Hotelchö këkarqä teytakunaqa wamrankunatam, ascensorkunapa, piscïna lädunkunapa o mëpa ëwayanqantapis rikäyänan.
Hotelkunapaq listata qoyäshunqëki preciuqa cada junaqpaq preciunmi. Masta cobrayäshuptikiqa Departamento de Alojamiento de la asamblëa nishqanman willakuri mana masta paganëkipaq.
Posadakunqëki cuartuwan ima problëmallapis kaptinqa, asamblëallachöraq këkarqä Departamento de Alojamiento nishqanta willari.
Yanapakïta munaqkunapaq. Asamblëachö yanapakïta munarqa, Departamento de Servicio Voluntario nishqanman witirishun. Jina 16 watayoq wamrakuna yanapakïta munayaptinqa, teytan, maman o wätaqnin o pipis mayor kaqkuna rikäyänan.