¿Imanötan shamoq tiempu kanqa?

BIBLIACHÖ YACHATSIKUNQAN

Teyta Diosmi nawinkunapita “llapan weqita limpianqa, y nunakunaqa manam wanuyanqanatsu o wañuyanqanatsu, llakikuyanqanatsu, waqayanqanatsu ni nanatsikuyanqanatsu. ¡Teyta Diosmi llapan sufritsimanqantsik kaqkunata ushakätsinqa!” (Apocalipsis 21:3, 4).

¿IMANÖTAN TSËTA MUSYANQANTSIK YANAPAMANTSIK?

Alli y kushikuypaq trabäju kanampaq kaqtam musyashun (Isaïas 65:21-23).

Manam sufrishuntsu ni qeshyashunnatsu (Isaïas 25:8; 33:24).

Familiantsikkunawan y amïguntsikkunawanmi imëyaqpis kushishqa kawakushun (Salmus 37:11, 29).

¿IMANIRTAN BIBLIA NINQANMAN CREISHWAN?

Këkunarëkurmi:

• Diosqa änikunqanta cumplinmi. Bibliachöqa nin, Jehovälla “Llapanta Puëdeq” kanqantam y poderninqa manam ushakantsu (Apocalipsis 15:3). Tsëmi kë Patsachö imëka cambiukunata ruranqa y tsënömi änikunqanta cumplinqa. Bibliachö ninqannömi, ‘Teyta Diospaqqa llapampis puëdikan’ (Mateu 19:26).

• Diosqa änikunqanta cumplita munanmi. Jehoväqa wanushqakuna kawariyämunantam munan, tsëtam Biblia willakun (Job 14:14, 15).

  Tsënöllam willakun Diospa Tsurin Jesus qeshyëkaqkunata alliyätsinqanta. ¿Imanirtan tsëtaqa rurarqan? Nunakunata kuyarmi (Marcus 1:40, 41). Tsëchömi rikätsikurqan wanëkaqkunata, Teytannö yanapëta munanqanta (Juan 5:19).

  Tsëmi rikätsimantsik, Jehoväwan Jesusqa shamoq tiempuchö kushishqa kawakunantsikta munayanqanta y yanapamënintsikta munayanqanta (Salmus 72:12-14; 145:16; 2 Pëdru 3:9).