¿Jesusga pidi gan?

Jesusga ñaupa tiempomundami rrijsishca importante jari gan. Pero, ashalla gentegunami paidaga alli rrijsin, en cambio cutishujgunaga Jesusmunda diferente yuyaigunadami charin. ¿Biblia paimundaga imadadi yachachin?

1. ¿Jesusga pidi gan?

Jesusga jahua cielobi causaj poderoso espiritumi gan. Jehová Diosga imadash narij rrurrashtimi paida rrurrarca. Chaimundami “Paiga tucui rrurrashcagunamundaga punta Churimi gan” (Colosenses 1:15). Jehová Dioslladimi Jesusdaga rrurrarca, chaimundami Bibliabi paidaga Taita Diosbu “shujlla Churi” nin (Juan 3:16). Jesusga paibu Taita Jehová Diosda tucuida rrurrash ayudarca (Proverbios 8:30-da liyi). Paigunaga siempremi alli apanajushca. Jesusga Diosbu “Palabrami gan”, chaimundami Taita Dios nishcagunada tucuida yachachirca (Juan 1:14).

2. ¿Jesusga imabudi cai allpamun shamurca?

2.000 huataguna huashamunmi Jehová Diosga shuj milagroda rrurrangabu paibu espíritu santoda utilizarca. Shuj poderoso ángel gajpibish Jesusbu causaidaga, María shuti jovenbu huijsabi churarca. Shina bendiciashcamundami Jesusga aichayuj shina huacharirca (Lucas 1:34, 35-da liyi). Paiga Cristo o Prometishca Mesías tucush gentegunada salvangabu shamurca.a Bibliabi Mesiasmunda parrlashca profeciagunaga Jesusbimi fajtarirca, chaimunda gentegunaga “Cristo, causaj Diosbu Churi” gashcada rrijsi pudirca (Mateo 16:16).

3. ¿Cununga Jesusga maibidi causajun?

Jesús causarishca jipaga, jahua cielobi shuj espíritu shina causangabumi vueltarca. Chaibimi “Taita Diosga paimun shuj importante puestoda curca” (Filipenses 2:9). Jesusga cununga, shuj jatun autoridad gana puestodami charin; shinabish solo Jehová Diosllami yalli poderta charin.

4. Jesusga na tucui poderta charij Diosllu gan

Jesús jahua cielobi shuj poderoso ángel gajpish, Bibliabiga paibu Taita Jehová Diosda cazuj gashcadami nin. ¿Imamundadi cashna ninchi? Biblia Jesusmunda y tucui poderta charij Diosmunda ima yachachishcada intindingabuga cai VIDEODA rricui.

VIDEO: ¿Jesucristoga Diosllu gan? (3:22)

Cai textogunami Jehová y Jesús imashina gashcada ashtaun intindichin. Cada textogunada liyish, chaimunda parrlaichi:

Lucas 1:30-32-da liyichi.

• Ángel nishca shinaga, Jesusga tucui poderta charij Jehová Diosbuga ¿imadi gan?

Mateo 3:16, 17-da liyichi.

• ¿Jesús bautizarishca jipa jahua cielomunda shuj vozga imadadi nirca?

• ¿Chai vozga pibushi garca?

Juan 14:28-da liyichi.

• ¿Majindi más autoridadta charin: shuj taita o shuj churi?

• Jehová Diosda ñuca “Taita” nishaga, ¿Jesusga imadadi nisha nirca?

Juan 12:49-da liyichi.

• ¿Jesusga paibu Taitaun igual gashcadallu yuyarca? ¿Canga imadadi yuyangui?

5. Jesusga Mesiasmi garca

VIDEO: Jesusmunda huaquin profeciagunami fajtarirca (3:03)

Bibliamunda cai profeciagunada liyish, chaimunda parrlaichi:

Miqueas 5:2-da liyish, Mesías maibi huacharina gashcada yachai.b

• ¿Cai profeciaga Jesús huacharijpillu fajtarirca? (Mateo 2:1).

Salmo 34:20 y Zacarías 12:10-da liyish, Mesías imashina huañuna gashcamunda huaquin profeciagunada rricui.

• ¿Cai profeciagunaga fajtarircallu? (Juan 19:33-37).

• ¿Cai profeciaguna fajtarillunllu, Jesusga gentegunada engañarca?

• Caida yachashaga, ¿canga Jesusmunda imadadi yuyangui?

RESUMEN

Jesusga shuj poderoso espíritu, Diosbu Churi y Mesiasmi gan.

Repaso

• ¿Imamundadi Jesusdaga “tucuimunda punta rrurrashca gan” nin?

• ¿Jesús cai allpamun narij shamushaga imadadi rrurrarca?

• ¿Jesús Mesías gashcadaga imashinadi yachanchi?

ASHTAUN YACHAI

Jesús Mesías gashcada imamunda crishcada rricui.

“¿Prueban las profecías de la Biblia que Jesús fue el Mesías?” (Artículo de jw.org)

¿Bibliabiga imamundadi Dios Jesusbu Taita gashcada nin?

“¿Por qué se le llama a Jesús el Hijo de Dios?” (Artículo de jw.org)

Bibliabi Taita, Churi y espíritu santo na shujlla gajta yachachishcada rricui.

“Jesús: ¿es Dios?” (La Atalaya, 1 de abril de 2009)

Shuj huarmi Jesusmunda Bibliabi investigash imashina paibu causaibi cambiashcada liyi.

“Una judía explica por qué se replanteó sus creencias” (¡Despertad!, mayo de 2013)