4 Perdonarina

¿IMATA CAN?

Perdonashpaca na chaitalla yarishpa, na risintirishca canatami shina nin. Shinapash, na importante cashcata, o na imapash pasashcajpishna saquina cashcataca na nijunllu.

BIBLIAPICA NINMI: “Caishujhuan chaishujhuan [...] llaquichirishca cashpapash, perdonarishpami causana canguichi” nishpa (Colosenses 3:13).

Andresca ninmi: “Pitapash juyashpaca, pai imapi pandarijujta ricunapa randica mejorangapaj imashina esforzarijujtami ricuna capanchi” nishpa.

¿IMAMANDATA MINISHTIRISHCA CAN?

Risintirishcalla causajcunaca, sano caitapash, tranquilo sintiritapash na ushanllu. Paicunapa matrimoniotapashmi huaglichin.

Juliaca ninmi: “Ñuca cusaca ñucata llaquichishcamandami perdonahuai nirca. Perdonangapaj na munashpapash perdonarcanimi. Na uchalla perdonashcatallami arripintirini. Uchalla perdonashpaca na sufrinajunchimanllu carca” nishpa.

¿IMATATA RURAI USHAPANGUI?

PENSARIPAI

Quiquinba huarmi o cusa imatapash rurashpa llaquichijpica...

• ...¿ñapashchu risintiripangui?

• ...¿perdonahuai nichunbachachu munapangui o cungapanguillachu?

PARLARIPAICHI-

• ¿Mashna tiempopita perdonarinata yachanchi?

• Uchalla perdonaringapaca ¿imatata rurai ushanchi?

CAICUNATA RURAPANGUICHI

• Imatapash rurashpa llaquichijpica, llaquichina munaihuanmi llaquichihuarca nishpaca na yuyajunachu capangui.

• ‘Tucuicunallata imagupipash pandarijtaca’ yaipimi charina capangui (Santiago 3:2).

Karinaca ninmi: “Ishcandillata culpata charimanda perdonarinaca facilmi can. Shinapash chaishujmi culpata charin yashpa perdonanaca shinllimi can. Disculpahuai nijpi, ari nishpa perdonangapaca humilde canami minishtirin” nishpa.

BIBLIAPICA NINMI: ‘Ucha ali tucungui’ nishpa (Mateo 5:25).