Canaán alpataca 12 jaricunami ricugrirca

Sinaí urcumanda israelitacuna llujshishpaca, Parán shuti jichushca pambata yalishpami Cadés nishca pushtuman chayarca. Chaipimi Jehová Diosca Moisesmanga ‘Canaán llactata rijsichun, canhuan tianajuj runacunata cachai. Chai llactatami israelitacunaman caragrini, paicunataca cada aillumanda shuj mandajta [12 jaricunata] cachai’ nirca. Chaimi Moisesca 12 jaricunata agllashpa Canaán alpacunapi granocuna fucujta na fucujtapash ricugrichi nirca. Shinallata chaipi causanajun gentecuna shinlli o na shinlli cajta, huasicunapi o carpa huasicunapi causanajujtapash ricugrichi nishpa. Chaimi paicunaca Canaán llactaman rirca. Josuepash, Calebpashmi paicunapurapica rinajurca.

Canaán llactata chapangapaj rishca jaricunaca 40 punllacuna jipami jigoscunata, granadillacunata, uvascunatapash apashpa tigramurca. Shinallata paicunaca, Canaán llacta alipacha alpa cajpipash, ‘ninan shinlli runacunami causan. Pueblocunapash jatun pircahuan jarcashcami can’ nirca. Shinapash Calebca: ‘Ucha vichai rishunchi’, paicunataca mishai ushashunmi nirca. Calebca ¿imamandashi shina nirca? Josuepash, Calebpash Jehovapi confiashcamandami shina nirca. Cutin chaishuj 10 jaricunaca: ‘Ama vichai rishunchichu chai llactapi gentecunaca manllanai jatun, shinllicunami can. Paicunahuan ricujpica ñucanchica langosta juru shinami canchi’ ninajurca.

Chaita uyashpami israelitacunaca desanimarishpa caishuj, chaishuj ‘cunanga, ñucanchipuramanda shuj mandajta churashpa, Egiptoman tigrashunchi. Pero Canaán llactaman rishpaca huañuchi tucushunchimari’ ninajurcami. Chaimi Josuepash Calebpash: Jehovatami cazuna canchi. Paimi ñucanchitaca ayudanga. “Paicunataca, napacha manllanachu canchi” nircami. Shina nijpipash israelitacunaca na cazushpami Josueta, Calebtaca huañuchingapaj munarca.

Chaita ricushpami Jehová Diosca Moisesmanga nirca, paicunamanda imatalla rurashcatapash cungashpami israelitacunaca ñucata na cazushpa causanajun. Chaimandami paicunataca 40 huatacunata cai jichushca pambapi huañungacaman saquisha. Israelitacunaman cusha nishca alpapica paicunapa churicuna, Josué, Calebllami chaipica causanajunga.