Jehová Diosmi Eliastaca ayudarca

Baal diospa profetacunata ima pasashcata Jezabel yachaj chayashpacaninandami culirarca. Chaimi Eliasmanga: Baalta catijcunata huañuchishca shinami canbash cayapaca huañungui nirca. Shina nijpimi Eliasca ninanda manllarishpa chaquishca pambapi pacajugrishpa Jehovata cashna mañarca: Jehová “Dioslla, caicamanllami causangapaj munani. Ñuca causaita quichuhuailla” nishpa. Shina shaijushca cashpami shuj jatun yura ucupi puñushpa quedarca.

Chaipimi Jehovapa shuj angelca Eliasta rijchachishpa alillaguta nirca: “Jatarishpa micui”. ‘Shina nijpimi Eliasca ñapash ricushpa paipa uma ladopi cusashca shuj tortillata y yacu tiajujtapash ricurca. Chaita micushpa y ufiashpami paica cutin puñurca’. Chashna puñujujpimi chai angelca cutin tigramushpa: ‘Jatarishpa micui, can rina ñanga’ faltanrami nirca. ‘Shina nijpimi jatarishpa micurca, yacutapash ufiarca. Chai micunata micushpa,40 punllacunata, 40 tutacunata Taita Diospa Horeb urcuman chaquilla rijurca. Ña chaipi cashpami paica, shuj jatun utujuman yaicushpa chaipi pacarirca’. Chaipimi Jehová Diosca, Eliasta cai shimicunata nirca: “Elías ¿imatata caipica rurajungui?” nishpa. Chaita uyashpami Eliasca: ‘Israelitacunami, canhuan ari ninajushcatapash, canba altarcunatapash shitashpa saquishca. Canmanda profetacunatapash espadahuan huañuchishca. Shinallatami ñucatapash huañuchingapaj mascanajun’ nirca.

Jehová Diosca Eliastaca: ‘Canllaman Ilujshishpa shayari’ nirca. Chaimi ‘ninan huaira ñapash shamurca, alpa mamapash chujchurca y ninapash ricurirca’. Chai jipallami alillaguta parlamujta Elías uyarca. Chaita uyashpami, paipa jahualla churajushcahuan ñavita quilparishpa, canllaman Ilujshishpa shayarirca. Elías chaipi shayajujpimi, cashna nij uyarirca: “Elías, ¿imatata caipica rurajungui?” nishpa. Chaita uyashpami Eliasca: “canba profetacunamandaca, ñucallami puchushcani” nirca. Shinapash Jehová Diosca: Na canlla canguichu, ñucata sirvijcunaca 7 mil runacunami Israelpica tianra nirca. Shinallata canba jipaca Eliseomi profeta tucunga nishpa villagri nircami. Shina nijpimi Eliasca Jehovata cazushpa ñapash villagrirca. Imatata yuyangui, ¿Jehová Diosta cazujpica candapash ayudangacha? Ari ayudangami. Cunanga na tamiashca chaquishca tiempopi ima pasashcata yachajushun.