Viuda huarmigupa churitami causachin

Na tamiashpa chaquishca tiempopimi Jehová Diosca Eliastaca: ‘Sarepta llactaman ri. Chaipimi shuj viuda huarmigu canman micunata caranga’ nirca. ‘Chaiman chayashpaca, yamdata tandachijuj shuj viuda huarmiguta ricushpami’ Eliasca asha yacuguta carahuai nirca. ‘Yacuta apamungapaj ña rijujpimi, Eliasca cutin cayashpa: Shuj tortilla tandagutapash apamupangui nirca’. Chaimi chai viuda huarmiguca: ‘Tortilla tandagutaca na charinichu. Jacuta y aceitetapash ashagutallami charini. Cunan, tandata rurashpa, ñuca churihuan micungapajmi yamdaguta tandachijuni’ nircami. Chaimi Eliasca: Jehová Diosca, ñucaman shuj uchilla tortillata rurajpica ‘tamiachina punllacamanmi jacupash, aceitepash na tucuringa’ nirca.

‘Shina nijpimi chai huarmiguca, Elías imashna nishcashnallata rurangapaj rirca. Chashna rurashpami Eliaspash, chai viuda huarmigupash, paipa churipash tamiana punllacaman micushpa causanajurca. Eliasman Jehová Dios prometishcashnami jacupash, aceitepash na tucurirca’.

Chai jipaca shuj llaquimi chayamurca. Chai huarmipa churigumi ungüi japijpi huañurca. Chaimi chai huarmiguca Eliasta ayudahuai nirca. Shina nijpimi Eliasca canba churiguta apamui nirca. Chaimi Eliasca chai huarmipa maquimanda huahuaguta marcashpa, pai causajuj cuartoman aparca. Chaiman apashpami paipa camapi sirichishpa Eliasca: Jehová Dioslla cai huahuaguta causachipai nishpa mañarca. Chai punllacamanga pitapash na causachishca carcachu. Chaimandami chai huahuaguta Jehová Dios causachishcata crinaca na fácil carca. Shinallata chai viuda huarmigupash, paipa huahuapash na Israel llactamanda carcachu.

Shinami chai viuda huarmigupa churiguca causarirca. Viuda huarmigumanga Eliasca nircami: “Ricui, cambaj churica causarircami” nishpa. Shina nijpimi chai huarmiguca ninanda cushijushpa: “Taita Diospa runagu cajtaca, cunanmi yachani”. Jehová Dios imata nishcataca na llullashpa tucuitami pactachin nirca.