2 NOÉ
Cai mundopi gentecuna castigai tucuna cashcatami ricuchirca
ENOC huañushca jipaca jahua cielopi huaquin angelcunaca Taita Diospa contrami tucurca. Chai nali angelcunaca cai alpapi huarmicunata munashpami ricui callarirca. Chaimandami gentecunashna tucushpa paicuna munashca tucui huarmicunahuan puñurca. Angelcunahuan, huarmicunahuan charishca huahuacunataca nefilim nishpami rijsin carca. Paicunaca jatun jatun y millai millaicunami carca. Shujcunata llaquichishpallami causan carca. Paicunapa ejemplota catishpami gentecunapash millai millaicuna tucurca. Jehová Dios gentecunaman juyailla causaiguta cushca cajpipash gentecunaca millai millai, nalicunami tucurca. Chaimi Taita Diospa ñaupapica cai alpapi causaica ninanda huaglishcarca. Shinapash Enocpa bisnieto Noé runaguca diferentepachami carca.
Enoc runagushnami Noepash alita ruraj runagu tucurca. Bibliapica paimanda parlashpaca: “Noeca Taita Dioshuanmi purirca” ninmi. Jipamanga Noeca cazararcami. Paipash, paipa huarmigupash paicunapa quimsa huahuacunamanga Jehová Diosta cazuchunmi yachachirca. Chaimandami Noepash, paipa familiapash chai tiempopi causanajuj gentecunamandaca diferentepacha carca.
Shuj punllaca Jehová Diosca Noemanga: “Ninanda tamiachishpami nali gentecunataca tucuchingapaj munani” nishpami villarca. Shinapash Jehová Diosca ali gentecuna salvarichunmi munarca. Chaimandami Noé runagutaca shuj jatun barcoshnalla shuj arcata rurachun mandarca. Jehová Diosca: “Ninanda tamiachishpa cai alpa enterotami yacuhuan quilpasha” nishcarcami. Shinapash Noeca shina tamiataca nunca na ricushcachu carca. Shinallata chashna jatun jatun arcataca ima horapash nunca na rurashcachu carca. Pero Jehovapa promesacunapi confiashpami chai arcataca rurai callarirca.
Noepa, paipa familiapa manllanai contracunaca paicunata na ricunayachishpa paicuna villachishcacunatapash na uyanayachircachu
Ashtacacunami paicunamandaca burlarishcanga. Huaquingunacarin arcata ama rurashpa catichunga jarcangapami munashcanga. Taita Diospa contra tucushca angelcunaca manllanai, millai millaicunapachami carca. Shinallata paicunapa churicunaca shujcunata sufrichinataca ninandami gushtan carca. Chaimandami Noepash, paipa familiapash na manllaj cashcata ricuchina carca. Noé, paipa huarmi, paipa quimsa churicuna, paipa jachungunapash Jehová Diostaca tucuipimi cazurca. Ochopuracunallami más o menos 50 huatacunata trabajashpa arcataca rurashpa tucuchirca.
Pero Noeca na arcatallaca rurajurcachu. Tiempohuanga paitaca “ima ali cajta predicaj” runagu nishpami rijsirca. Noeca gentecunaman predicashpa nali gentecuna ñalla tucurina cashcata villashpami paipa familiamanga shuj ali ejemplota ricuchirca. Shinapash Noepa villachishcataca nipipash na cazurcachu. Ni siquiera paipa familiapuracunapash na cazurcachu. Gentecunaca nalicunata ruranataca na saquingapaj munarcachu. Noeca shinlli feta charishcamandami pai causashca tiempopi gentecunamandaca diferentepacha carca. Chaimandami paimanda parlashpaca Bibliapica cashna nin: “Tucui shunguhuan crimandami cai mundopi gentecuna castigai tucuna cashcata ricuchirca” nishpa.
Noeca paipa familiahuanmi arcata ña rurashpa tucuchirca. Shinapash paicunapa y animalcunapapashmi yacuguta, micunaguta, shuj minishtirishca cosascunatapash tandachinara carca. Chai jipaca ‘tucuilla animalgucunaca Noé maipi cashcamanmi paicunallata rirca. Shuj jari, shuj huarmi ishcai ishcaimi arcamanga yaicunajurca’.
7 punllacuna jipa tamiai callarina cashcamandami Taita Diosca Noé y paipa familiapash arcaman yaicuchun mandashcarca. Paicunaca faltashca cosascunata arca ucuman churashpa, tucuita arreglashpami seguro ocupadopacha cashcanga. Chaita ricushpaca gentecunaca ashtahuanmi burlarishcanga. Shinapash tucuita arca ucuman churajpi Noepash, paipa familiapash yaicujpica Jehová Diosllatami arcapa punguta vicharca. Chaita ricushpami gentecunaca burlarinata saquishcanga. Chai jipaca ¿imata pasarca? Ushashcatami tamiai callarirca. 40 punllacunata tamiashpami yacuca urcucunatapash taparca. Shinami Jehová Diosca nali gentecunataca tucuchirca.
Noepash, paipa familiapash shuj huata yalitami arca ucupi causarca. Chai tiempopica yacucunaca bajarishpami catirca. Chaimandami arcaca shuj jatun urcu jahuapi quidarca. Jipamanga Jehová Diosca: “Arcamandaca ñami llujshita ushanguichi” nircami. Ña llujshishca jipaca Noepash, paipa familiapash Jehová Dios paicunata salvashcamanda agradicingapami animalcunata huañuchishpa sacrificiocunata rurarca. Jehová Diosca: “Chashna ninan manllanai tamiahuanga cai alpataca nunca más na tucuchishachu” nishpami prometirca. Paipa nishcata pactachinatapacha ricuchingapami Jehová Diosca gentecuna ricuchun jahua cielopi cuichita churarca.
Noepa familia na manllashpa, paicunapa tiempopi causashca gentecunamanda diferente cashpaca alitami rurarca. Paicuna shina rurashcamandami tucui gentecunaca cunangaman causaita ushapashcanchi.
Bibliapi ima nijta liipai
¿Imatata nipanguiman?
Noeca ¿imashinata na manllashcataca ricuchirca?
Ashtahuan informacionda mascapai
1. Ninan Manllanai Tamia nara chayamujpillata cai mundopi causaica ¿imashinashi carca? (w02 1/3 5, 6).
2. Jehová Diosca ¿ima horata Noé runagutaca “arcata rurai” nirca? Ninan Manllanai Tamia ima punllapacha shamunataca Noé runaguca ¿ima horata yachaj chayarca? (w12 15/4 23 párrs. 5-8).
3. Ninan Manllanai Tamia ciertopacha tiashcataca ¿imamandata seguro capanchi? (ijwbq tema 156 párrs. 2-5 y recuadro). A
Historic Collection/Alamy Stock Photo
Dibujo A: India llactamanda shuj cuentopica ninan manllanai tamiamanda salvaringapaj shuj jari shuj barcota rurashcatami nin. Shinallata ninan manllanai tamia tiashca jipa chai jari shuj sacrificiota rurashcata y tiempohuanga tucui gentecunapa punda taita tucushcatami nin.
4. Ninan Manllanai Tamia tiashcamanda más de 100 huatacuna yalishca jipaca ¿imata pasarca? Shina pasashcata ricushpaca mayorlla Noé runaguca ¿imashinashi sintirishcanga? Paipa causaipash ¿imashinata cambiashcanga? (it “Noé” párr. 13). B
Dibujo B
Imata yachajushcapi pensaripai
Ñucanchi punllacunahuan, Noepa tiempocunahuanga ¿imapita igual can? (Mat. 24:36-39).
Noepa ejemplota ricushpaca ¿imatata yachajupanchi...
... ordenado canamanda, ñucanchi tiempota ali utilizanamanda? C
Foto C
... shinllita trabajanamanda? D
Foto D
... pacienciata charinamanda? E
Foto E
¿Imashinata Noepa ejemplota catishpa na manllashcata ricuchita ushapangui?
Ima pasashcapi pensaripai
Cai historiaca Jehová Diosmandaca ¿imatata yachachihuan?
Cai historiaca Jehovapa voluntadhuan y Bibliapa temahuanga ¿imatata ricunata charin?
Noé causarijpica ¿imatata paita tapungapaj munaiman?
Ashtahuan yachajupai
Shuj taita Noepa ejemplota catingapaj imashina esforzarishcata ricupai.
Noé runagupa ejemplomanda huahuacuna yachajuchun ayudapai.
“Noé runaguca shinlli feta charishcatami ricuchin” (ijwis tema 18)