Jatun tandanajuipa invitaciongunata saquishunchi
Jatun tandanajuipa quimsa semanacuna faltajujpica, gentecuna richunmi invitación hojacunataca cushijushpa saquina canchi. Shinapash ¿imamandata cushijuna canchi? Ñaupa huatacunapica invitación hojata chasquishpa, jatun tandanajuiman rishpami discursocunata uyashpa, voluntariocuna ali ayudajujta ricushpa, tucuicuna ali portarijta, tandanajushcacuna cajta ricushpa huaquingunaca jatun tandanajuita alicachishca (Sal. 110:3; 133:1; Is. 65:13, 14). Caruta rina cajpipash huaquingunaca invitacionda chasquishpami jatun tandanajuicunaman rishca.
Huata 2011pi ima tucushcata ricushun. Shuj huarmiguca Jehovata sirvijcunahuan na parlangapaj munashpami pacajun carca. Shinapash paipa pungupi invitación hojata tarishpa, jatun tandanajuiman rishpami shuj sucursalmanga cashna nishpa escribirca: “Ñucaca shuj juyailla huasiguta charishpa, cusapash ali ali cajpimi cushilla causangapaca na imatapash ministinichu yarcani. Shinapash causaimandami causajurcani. Chaimandami sabadotaca rishalla yashpa sujta horas yalita carrota manejashpa rina cashpapash jatun tandanajuiman rircani” nin. Discursocunata ninanda alicachishpami, cusata cayashpa nirca, cunan tutaca na tigrai ushagrinichu domingotapashmi jatun tandanajuipi canayan nishpa. Paica ninmi: “Tucui discursocunatami uyajurcani, Jehovata sirvijcunataca ashtacacunatami rijsircani. Jatun tandanajui tucurichunga na munarcanichu” nishpa. Huasiman tigrashpaca Bibliamanda yachajui callarishpami chuscu quillacuna jipaca villachingapaj llujshi callarirca. Paica ninbashmi: “Antsicarin invitación hojataca ñuca pungupi tarircani. Cunangarinbash cushijushcapachami causajuni” nishpa.
Invitación hojata chasquijcunaca jatun tandanajuiman ringami. Shinaca cushijushpa invitación hojacunataca saquipashunchi. Invitacionguna puchujpica, chai llactapipash informalmente saquingapami invitaciongunataca jatun tandanajuiman apashpa rina canchi.
[Epigrafe de página 4]
Invitaciondaca ¿imashinata saquishun?
Territoriopi tucui gentecunaman invitacionda saquingapaj munashpaca, uchallami parlana canchi. Cashnami ninalla canchi: “Buenos días, mundo enteropi gentecunamanmi cai invitación hojaguta saquinajupanchi. Quiquinmanbash saquingapami munapani, caipimi ashtahuan villachijupan” nishpa. Cushillami saquina canchi. Invitaciongunata sabadota o domingota saquinajushpaca revistacunatapash saquinallami canchi.