Jatun tandanajuipa invitación
1. ¿Ima horata invitaciongunataca saqui callarishun?
1 Alipacha micunata yanungapaj culquita gashtashpa ninanda esforzarishca cashpaca ¿nachu ñucanchi familiata o amigocunataca cushijushpa invitanchiman? Shinallatami huata 2014pa Quimsa Punlla Jatun Tandanajuipa, Internacional Jatun Tandanajuipaca ninanda esforzarishpa chaipi yachachinata preparashca. Chaimandami jatun tandanajuipa quimsa semana faltajpillata invitaciongunataca cushijushpa saqui callarishun. Cushijushpa invitangapaca ¿imatata rurana capanchi?
2. Invitaciongunata cushijushpa saquingapaca ¿imatata yarina canchi?
2 Invitaciongunata cushijushpa saquingapaca, jatun tandanajuipi yachachishcacuna ñucanchita imashina ayudashcapimi pensana canchi (Is. 65:13, 14). Invitaciongunata saquishpa ima ali resultadocuna tiashcatapashmi yarina canchi. Invitacionda chasquishpaca huaquingunaca jatun tandanajuiman ñucanchihuan ringami. Ashtaca o ashallacuna rijpipash invitacionda saquingapaj esforzarishpami Jehovata ña jatunyachishcanchi, juyaj Dios cashcatapashmi ricuchishcanchi (Sal. 145:3, 7; Apoc. 22:17).
3. Invitaciongunataca ¿imashinata saquina capanchi?
3 Ashtaca invitaciongunata saquingapaj imata ruranata, villachijujpi huasipi pipash illajpi invitaciongunata saquinata o na saquinatapash ancianocunami ricunga. Ashtaca gentecuna yalijun pushtupi shuj mesapi o apashpa rinalla cajongunapi publicaciongunata churashpa villachijushpaca ancianocunami ninga invitaciongunatapash churanata o na churanata. Sabadocunataca revistacunahuan invitaciongunatapash saquinallami can. Invitaciongunata saquina punllacunapi estudiocunata callarina sábado urmajpica invitaciongunatallami saquina canchi. Invitaciongunata cushijushpa saquishcamanda, Jehová Dios preparashca jatun tandanajuiman usharishca gentecunata invitashcamandapash ninandami cushijushun.