Jatun Tandanajuiman invitangapaj

Cada huatami Jatun Tandanajuipi alipacha yachajunataca cushijushpa shuyanajunchi. Shujcunapash Jehová Dios llaquishpa juyashcata yachachunmi ashtaca gentecunata invitangapaj munanchi (Sal. 34:8). Chaimandami cada congregacionbi ancianocunaca ashtaca gentecunaman invitaciongunata saquingapaj ima ashtahuan ali cajta ricushpa arreglocunata ruranga.

CAICUNAPI PENSARIPAI

• Jatun Tandanajuica ¿ima punllata canga?

• ¿Ima horamandata ñuca congregacionga invitaciongunata saqui callaringa?

• Villachingapaj llujshina tandanajuicunaca ¿ima punllashi canga?

• Invitaciongunata saquina punllacunapica ¿ima metacunatata pactachigrini?

• ¿Picunatata invitagrini?

¿IMASHINATA INVITACIONDACA SAQUISHUN?

Saludashca jipaca nita ushapanguimi:

“Mundo enteropi gentecunatami shuj alipacha jatun tandanajuiman invitanajupanchi. Maipi, ima punlla, ima horas canataca cai invitación hojagupimi villajupan. Quiquinbash shamuchunmi munapanchi”.

ALICACHISHPA UYAJCUNATA AYUDASHUNCHI

Ashtaca gentecunata invitangapaj munashpapash, ashagutallapash alicachishpa uyajcunata ayudanataca yaipimi charina canchi.

Revistacunata saquina punllacunapica invitaciondapash saquita ushapanchimi.