Invitashunchi
1. ¿Ima horata Quimsa Punlla Jatun Tandanajuipaca invitai callarishun?
1 Pensaripashunchi, ñucanchi familiacunata, rijsicunata invitangapaj shuj mishqui, ali micunata yanunajushcanchiman. Mishqui, ali micunaguta yanungapaca ashtaca tiempomi minishtirin. ¿Nachu tucuita ña listo charishpaca cushijushpa invitapanchiman? Quimsa Punlla Jatun Tandanajuimanda parlashpapash, chai tandanajuipi yachachishcacunaca shuj mishqui, ali micuna cuendami can. Chai yachachishcacunata segurangapaca ashtaca tiempomi minishtirirca. Chaimandami Jehová Diosca chai jatun tandanajuipa quimsa semanacuna faltajujpillata tucui gentecunata invitachun munan. Shinapash ¿imashinata chai tandanajuimanga cushijushpa invitai ushashun?
2. Cushijushpa taucacunata invitachunga ¿imata ayudanga?
2 Jatun tandanajuicunapi Jehová Diospa ali yachachishcacuna ñucanchita imashina ayudajta pensarinami, cushijushpa taucacunata invitangapaj esforzarichun ayudanga (Is. 65:13, 14). Shinallata taucacunata invitana ali cashcatami yarina capanchi (“Alimi cashca” nishca recuadrotapash ricupangui). Invitajpipash huaquin gentecunaca na ringachu. Shinapash huaquingunaca ringami. Invitashca gentecuna na rijpipash invitangapaj ninanda esforzarishpaca Jehovatami jatunyachinajunchi. Shinallata ashtaca gentecunamanmi Jehová Dios na mitsa cashcata ricuchinchi (Sal. 145:3, 7; Apoc. 22:17).
htaca gentecunaman invitaciongunata saquingapaj imata ruranataca cada congregacionbi cuerpo de anciano huauquicunami ricuna can. Paicunami ninga, huasipi pipash na cajpi invitaciongunata saquinata o na saquinatapash. Shinallata paicunami ninga, congregacionba territoriopi predicación pública nishcapi hojacunata saquinalla cashcata na saquinalla cashcatapash. Sabadocunata revistata saquinajushpaca shuj invitación hojatapashmi saquinalla capanchi. Invitaciongunata cushijushpa, ashtaca gentecunaman saquingapaj esforzarishpaca, ashtacacunatami Jehovamanda yachajuchun invitarcani nishpami, invitaciongunata saquina punllacuna tucurijpica ninanda cushijushun.