Ezequiasca shinlli feta charimandami Jehová Dios imashina ayudajta ricurca

Asiria llactamanda rey Senaqueribca Rabsaqué shuti runatami Jerusalenman cacharca. Paica Ezequiastaca ninami carca, na macanajushpallatami asiriocuna cangunapa llactaman yaicuchun saquina canguichi nishpa. Judiocuna ama macanajuchunmi asiriocunaca imacunatapash nishpa paicunata manllachingapaj munarca.

• 

  Shuj llactacunahuan ama tandanajuchunmi asiriocunaca nirca, egipciocunaca na ayudai ushangachu nishpa (Is. 36:6).

• 

  Ishcai shungu tucuchunmi asiriocunaca nirca, Jehová Diosca cangunahuan culirami can, na salvangachu nishpa (Is. 36:​7, 10).

• 

  Manllarichunmi asiriocunaca nirca, asirio soldadocunaca shinlli shinllimi canchi, mishaitaca na ushanguichichu nishpa (Is. 36:​8, 9).

• 

  Paicunapa lado tucuchunmi asiriocunaca nirca, ñucanchihuan tandanajushpaca ashtahuan alimi causanguichi nishpa (Is. 36:​16, 17).

Ezequiasca Jehová Dios ayudanataca tucui shunguhuanmi confiarca

37:​1, 2, 14-​20, 36

• Contracuna shamujpi ama llaqui apangapami rey Ezequiasca huaquin cosascunata segurarca.

• Ezequiasca Jehová Diostami salvahuangui nishpa mañarca. Shinallata Jehová Diospi ashtahuan confiachunmi gentecunataca ayudarca.

• Jehová Dios paipa angelta cachamushpa 185.000 asirio soldadocunata shuj tutapilla huañuchijpimi Ezequiasca shinlli feta charina ali cashcata ricurca.