GENTECUNATA JUYACHUNGA ¿IMATA AYUDANGA?
3 | Ñucanchi yuyaita cambiapashunchi
Bibliapica ¿imatata nin?
ROMANOS 12:2pica cashnami nin: “Cangunapa yuyaicunata cambianami canguichi. Shinami Taita Diospa voluntad maijan cashcataca cangunallata ricunguichi. Porque Taita Diospa voluntadca ali, paita cushichij, perfectomi can”.
Caica ¿imata significan?
Taita Diosca ñucanchi imata nijta, imata rurajtaca alimi ricujun. Shinallata ñucanchi imata pensajtapashmi ali yachan (Jeremías 17:10). Y como ñucanchi mentepi y shungupi pitapash odiana, contrana y culiraicunapash callarin. Ñucanchi pensamientocunata, ñucanchi sentimientocunatapash cuidana capanchi. Shinami chai nali sentimientocunataca saquitapacha saqui ushashun.
Caita rurapai:
Caipi pensaripai: Shuj llactamanda gentecunamanda o shuj culturata charij gentecunamandaca ¿imatata yuyani? ¿Imashinata ricuni? ¿Imatata yachani? ¿Paicunamanda gentecuna imata nijta uyashpallachu paicunataca tratani? Tucui gentecunata juyaihuan, igual, ali tratangapaca redes socialescunapi o peliculacunapi o imapash cosascunapi macanajuicunamanda o violenciacunamanda parlaj cosascunata saquipai.
Bibliaca ñucanchi yuyaimanda, shungumanda nali sentimientocunata anchuchichunmi ayudan.
Huaquinbica ñucanchillata ñucanchi yuyaita cambianaca shinllimi can. Shinapash Bibliami ñucanchitaca ninanda ayudaita ushan. Porque Bibliaca Taita Diospa shimi caimandami ‘imata pensajta, ñucanchi shungupi imata munajtapash ricuchita ushan’ (Hebreos 4:12). Shinaca Bibliata yachajushpa quiquinba yuyaita cambiangapaj esforzaripangui. Bibliami ñucanchitaca pitapash nimamanda na ricunayachina sentimientocunata yuyaimanda, shungumanda anchuchita ushan. Porque Bibliaca gentecunata cambiana podertami charin (2 Corintios 10:4, 5).