LECCIÓN 4

Textocunata lii callaringapaj

Mateo 22:41-45

¿IMATATA RURANA CAPANGUI? Shuj textomanda yachangapaj munachunga na yangata liinachu capangui. Imagutapash nishparami lii callarina capangui.

Shuj textota imapa liigrijushcataca aligutami pensarina capangui. Imata intindichingapaj munajushcata cuenta japichunmi, chai textomanda imagutapash nishca jipara chai textotaca liina capangui.

Liigrijushca textopa ñaupa textocuna, o cati textocuna imata nijujtami seguro cana capangui. Pi imata nishcata nigrijushpa, o Bibliapa shuj librota pi escribishcata nigrijushpaca, pi nishcata, pi escribishcataca seguromi cana capangui.
Bibliata respetachun ayudapangui. Taita Diospi crij gentecunahuan parlajushpaca, “‘Taita Diospa Shimi’ Bibliaca cashnami nin” nishpami parlaita ushapangui. Shinami gentecunaca, Taita Diospa yuyaicunata yachachijushcata ricunga.
Texto imata nijta yachangapaj munachunga, shuj tapuita rurapangui. Shinallata, shuj problemamanda parlashpami Biblia imashina ayudajta, o Taita Dios imata pensajta shuj textopi ricuchita ushapangui.

Quiquin parlajuj temamanda o textomanda gentecuna imata ña yachajta, imata nara yachajtaca yaipimi charina capangui. Ña rijsishca texto cajpipash, imapash yachanai yuyaicunata nishpami, chai textotaca lii callarina capangui, o shuj yuyaicunahuanmi chai textotallata ashtahuan aliguta intindichina capangui.