Jesuspa Chaquita Catishpa Causashunchi Yachachishunchi Tandanajuipi Yachajungapaj Hojapa referenciacuna
© 2023 Watch Tower Bible and Tract Society of Pennsylvania
4-10 DE SEPTIEMBRE
BIBLIAPA VALISHCA YUYAICUNA | ESTER 1, 2
“Ester huarmigushna humilde cangapaj esforzaripashunchi”
Shinlli cajpipashmi humilde caita ushanchi
11 Ciertopacha humilde cashpami, shujcuna alicachishpa ricujujpipash humilde cashpa catita ushashun. Ester shuti huarmigupa ejemplota ricupashun. Esterca Persia llactapi huarmicunamanda ashtahuan juyaillagumi carca. Shuj huata enterotami Estermanga reypa ñaupajpi ashtahuan juyaillagu ricurichun nishpa mishquilla ashnajuj shuj shuj aceitecunata churarca. Shuj huarmicunapashmi reypa ñaupajpica juyaillagu ricuringapaj munanajurca. Shinapash reyca Estertami reina cachunga agllarca. Chaimandami ashtaca gentecuna Estertaca alicachishpa tratan carca. Shinapash Esterca na cridayarcachu, na paipilla pensarircachu. Chaipa randica humildemi cashpa catirca, shujcunatapash cushilla respetohuanmi tratashpa catirca (Ester 2:9, 12, 15, 17).
ia-S 130 párr. 15
Taita Diosta sirvijcunatami difindirca
15 Ester huarmigu reypa ñaupaman rina tucushpaca, ashtahuan aligu ricuringapami talvez shuj shuj cosascunata churajuita ushanman carca. Ester huarmigu humilde caimandami Hegai runa cushca ropagutalla churajushpa rirca (Est. 2:15). Ester huarmiguca reypa ñaupapi ali ricuringapaca juyaillagu canalla na minishtirishca cashcata, ashtahuanbachaca humilde cashcata ricuchina ashtahuan importante cashcatami cuenda japirianga.
Shinlli cajpipashmi humilde caita ushanchi
12 Humilde cashpaca ñucanchitapash respetohuan tratachun munashpa, shujcunapa yuyaitapash respetashpami aliguta mudarishun, aliguta portarishun. Jariyashcata mudarinapa randi, o shujcuna alicachishpa ricuchunllu mudarinapa randica ‘shungu ucupi na huaglita yarijushcata, cushijushpa juyailla causajushcatami’ ricuchina canchi (1 Pedro 3:3, 4, liingui; Jeremías 9:23, 24). Ñucanchicuna na ciertopacha humilde cajpica, ñucanchi parlocunata uyashpa, imashina portarijta ricushpami shujcunaca ñucanchicuna imashina cajta cuenta japinga. Shuj ejemplota ricupashun. Huaquinbica alimi imatapash yachanchi. Cutin huaquinbica alimi imatapash ruranchi. Huaquinbicarin, privilegiota charij rijsicunatami charinchi. Shinaca ¿chaicunamandallachu shujcuna ñucanchita alicachishpa tratachun munanchi? ¿Shujcuna ayudashca cajpipashchu ñucanchilla alipi ricuringapaj munanchi? Jesusta yaripashun. Jesusca ashtaca cosascunata nishpami shujcunapa ñaupajpi ali ricurita ushanman carca. Shinapash Jesusca shujcuna paita alicachishpa ricuchunga na munarcachu. Chaimandami paica cutin cutin Diospa Shimipica cashnami nin nishpa parlan carca. Jesusca siempremi gentecuna Jehová Diosta alabachun munarca (Juan 8:28).
Bibliapa Valishca Yuyaicunata Mascashunchi
¿Yachaparcanguichu?
Paicunaca persa idiomapi shuj escribishcatami tarirca. Chaipica Marduka shuti runamandami parlajurca. (Marduka nishpaca españolpica Mardoqueo nisha ninmi). Shinallata cai runaca Susa llactapa palacio huasipi administrashpa trabajashcatami ricuchin. Historiacunata estudiashca Arthur Ungnad runa chaita tarishpaca “caipillami Mardoqueo runamandaca parlajushca y Bibliahuanga na ricunata charinllu” nircami.
Arthur Ungnad runa cai shimicunata nishca jipallami persa idiomapi ashtaca ashtaca escribishcacunataca gentecunaca traduci callarirca. Por ejemplo Persépolis llacta ladollapi tarishca tablillacunatapashmi traducirca. Cai tablillacunaca rey Jerjes primero mandajuj tiempocunamandami can. Cai tablillacunaca elamita idiomapimi escribishca can y chaipica Ester libropi parlashca huaquin shuticunami escribishca tianajun.
Persépolis llactapi tarishca huaquin tablillacunapica Marduka runamandami parlan. Chaipica Marduka runa, Susa llactapi Jerjes primero mandajuj tiempopi reypa trabajan cashcatami ricuchin. Shuj tablillapica Marduka runa traductor cashcatami nin. Cai nishcaca Bibliapi Mardoqueo runagumanda nishcahuanga igualmi can. Bibliapica Mardoqueoca rey Asueropa (Jerjes primeropa) shuj funcionario cashcata, al menos 2ishcai idiomacunata parlan cashcata y Susa llactapi palacio huasipa pungupi tiarin cashcatami ricuchin (Est. 2:19, 21; 3:3). Cai pungu nishcaca shuj jatun edificiomi carca. Cai pushtupimi reypa funcionariocunaca trabajan carca.
Shinaca tanto cai tablillacunapi parlashca Marduka y Bibliapi Ester libropi parlashca Mardoqueo runagupash chaillatami can yarin. Porque tablillacunapi y Bibliapipash chai tiempopillata, chai pushtupillata causashcatami parlan. Marduka y Mardoqueopash reypa funcionario cashcatami nin. Caicunata ricushpami Marduka y Mardoqueopash chai personallata cashcata nita ushapanchi.
11-17 DE SEPTIEMBRE
BIBLIAPA VALISHCA YUYAICUNA | ESTER 3-5
“Imatapash ashtahuan aliguta rurachun shujcunata ayudapashunchi”
it-2-S 313 párr. 7
Mardoqueo
Hamán runapa ñaupapica na cungurircachu. Rey Asueroca Hamán runataca primer ministro cachunmi nombrarca. Chai jipaca reyca paipa pungupi shayajcunataca Hamán runa primer ministro tucushcata tucuicuna reconocichunmi cungurishpa saludachun mandarca. Shinapash Mardoqueo runaguca chaitaca nimamanda na rurarcachu (Est 3:1-4). Cashna rurashpaca judío gentecuna Jehová Diostalla cazujcuna cashcata y paitalla adorajcuna cashcatami ricuchirca. Punda tiempopi israelitacunaca autoridadcunapa ñaupapi cumurishpami respetota ricuchin carca. Shinapash Mardoqueo runaguca Hamán runapa ñaupapi cungurishpaca paita respetashcatallaca na ricuchigrijurcachu. Ashtahuanbachaca paita adorajujtashna ricuchigrijushcatami cuenta japirca (2Sa 14:4; 18:28; 1Re 1:16). Mardoqueo runaguca Hamán runapa ñaupapi imamanda na cumurina cashcataca alimi yacharca. Porque Hamán runaca amalequitapa miraimi carca. Y amalequitacunapa mirai miraicunahuan Jehová Diosca contrami carca (Éx 17:16; HAMÁN nishcatapash ricupangui) Jehová Diostalla tucui shungu cazushcata ricuchingapami Mardoqueo runaguca shina rurarca.
it-2-S 313 párr. 9
Mardoqueo
Israelitacunata salvachunmi utilizarca. Hamán runaca chai llactapi causaj tucui judiocunata huañuchichunmi mandarca. Pero Ester huarmigu reypa huarmi cashcamandami Ester huarmigu judío gentecunata salvai ushashcata, Mardoqueo runaguca confiarca. Mardoqueo runaguca Ester huarmigu judío gentecunata salvana responsabilidadta charishcata yarichishpami reypa ayudata uchalla mañana cashcata nirca. Ester huarmiguca chaita rurashpaca paipa causai peligropi cajpipash judiocunata salvana responsabilidadta charishcatami cuenda japirca (Est 4:7–5:2).
ia-S 133 párr. 23
Taita Diosta sirvijcunatami difindirca
23 Mardoqueo runaguca paipa prima Ester Jehová Diospi confiachunmi ayudangapaj munarca. Mardoqueo runaguca Jehová Diosca Esterta utilizashpa o na cashpaca imatapash rurashpa judío gentecunata salvai ushashcatami Estertaca yarichirca. Shinallata Ester huarmigu judiocunata salvangapaj imatapash na rurajpica judiocunata ashtahuan llaquichi callarijpi paipash huañui ushashcatami yarichirca. Shina rurashpami Mardoqueoca Jehová Diospi tucui shunguhuan confiashcata ricuchirca. Jehová Dios paipa nishcacunata siempre pactachishcamanda y paita sirvijcunata tucuchichun na saquishcamandami Mardoqueoca shina confiarca (Jos. 23:14). Jipaca Estertaca: “Canga, cai llaquimanda ñucanchita quishpichingapaj, jatun mandaj tucushcatapash, ¿pita yachangayari?” nishpami tapurca (Est. 4:12-14). Mardoqueoca shinlli feta charishcata y Jehová Diospi tucui shunguhuan confiashcatami ricuchirca. ¿Ñucanchipashchu chashnallata rurapanchi? (Prov. 3:5, 6).
Bibliapa Valishca Yuyaicunata Mascashunchi
kr-S 160 párr. 14
Jehová Diosta tranquilo libre sirvingapami ninanda esforzaripashcanchi
14 Ester y Mardoqueo rurashcashnallatami ñucanchicunapash cunan punllacunapi Jehová Dios munashcashna paita tranquilo libre sirvingapami ninanda esforzaripashcanchi (Est. 4:13-16). Quiquinbash ¿imashinata ayudaita ushapangui? Yangamanda juchachi tucushca, yangamanda carcelpi churashca huauquipanicunamandami Jehová Diosta mañaita ushapangui. Shina rurashpami llaquichi tucushca y llaquicunata charij huauquipanicunataca ninanda ayudaita ushapangui (Santiago 5:16ta liipangui). ¿Ñucanchi mañashcacunataca Jehová Diosca contestashcachu? Juiciocunata ganashpami ñucanchi mañaicunata Jehová contestashcata cuenda japipanchi (Heb. 13:18, 19).
18-24 DE SEPTIEMBRE
BIBLIAPA VALISHCA YUYAICUNA | ESTER 6-8
“Ester huarmigushna shujcunahuan ali parlarinata yachajupashun”
ia-S 140 párrs. 15, 16
Esterca ali yachaihuan na manllashpa y shujcunapi pensarishpami imatapash rurarca
15 Esterca reyhuan parlashpa imata mañangapaj munashcata ningapaca pacienciahuanmi shuyarca. Chaimandami Hamán runaca israelitacunata llaquichingapaj segurashcacunahuanllata paillata llaquichi tucurca. Shinallata Jehová Diosllatami rey Asuero puñui ushachunga na saquishcanga (Prov. 21:1). Shinaca Bibliapi nishcashnami pacienciahuan ‘shuyachun’ animan (Miqueas 7:7ta liipangui). Jehová Diospa maquipi tucuita saquishpaca pai ñucanchicunamanda yali imapash problemacunata arreglai ushashcatami cuenda japipanchi.
Na manllashpami parlarca
16 Ester huarmiguca paipa cusa ama culirachunmi na yapata parashpa uchalla villarca. Chaimandami cati viajeta rita ricungapaj invitashpaca tucuita villarca. Shinapash Esterca ¿imashinata reymanga villarca? Rey Asuerollata ¿imatata munapangui? nishpa Esterta cutin tapujpimi, Esterca parlaita usharca (Est. 7:2). Chaipimi Esterpaca “parlana tiempo chayarca”.
ia-S 140 párr. 17
Esterca ali yachaihuan na manllashpa y shujcunapi pensarishpami imatapash rurarca
17 Reyta nara contestashpallata Esterca ¿imatata rurarca? Esterca shungu ucupillami Jehovataca seguro mañashcanga. Chai jipaca na manllashpami: “Jatun mandajlla, can jatun mandajpaj ñaupajpi ñuca ali ricurishca cajpi, can jatun mandajpaj ali cana cajpica, ñuca mañashcamandaca ñucata huañuchinata jarcapayari. Ñuca mañashcamandaca, ñuca llactamanda gentecunata huañuchinatapash jarcapayari” nirca (Est. 7:3). Esterca reymanga quiquin imata decidijpipash respetashami nircami. Punda reina Vasti huarmihuan diferente cashcatami ricuchirca. Chai huarmica paipa cusata na valichishpami tratashcarca (Est. 1:10-12). Shinallata paipa cusa Hamán runapi confiashcamandaca na criticarcachu chaipa randica tucui israelitacunata salvachunmi paipa cusataca rogarca.
ia-S 141 párrs. 18, 19
Esterca ali yachaihuan na manllashpa y shujcunapi pensarishpami imatapash rurarca
18 Ester huarmigu imashina parlashcamandami reyca ashata manllarishca quedarca. Esterca: “Huañuchi tucushpa, tucuilla tucuchi tucungapami ñucapash, ñuca llactamanda gentecunapash jatui tucushcanchi. Servij jaricuna, servij huarmicuna cachun jatujpirapash, na imatapash nipaimanllu carcani. Ashtahuangarin ñucanchita huañuchijpica, can jatun mandajpaca, na alichi ushanalla jatun llaquimi capanga” nircami. (Est. 7:4). Ester huarmiguca ima problemata charishcataca tucuitami cabalta villarca. Shinapash paita, israelita gentecunata esclavo shina jatujpirapash na imatapash ninmanllu carcani nircami. Pero israelitacunata huañuchijpica reytapash nalipi quidachina cashcamandami villanapacha carca.
19 Ester huarmiguca cai jatun problemataca ali yachaihuan aliguta pensarishpami cabal cashcataca nirca. Caimandaca ¿imatata yachajupanchi? Shuj familiahuan o autoridadta charij personaman shuj jatun problemata villana cashpaca respetohuan, tranquilomi tucuita cabal villangapaj esforzarina capanchi (Prov. 16:21, 23).
Bibliapa Valishca Yuyaicunata Mascashunchi
w06-S 1/3 11 párr. 1
Ester libropa valishca yuyaicuna
7:4. Judiocunata huañuchinaca reytaca ¿imapita afectagrijurca? Ester huarmiguca paita israelitacunata huañuchishpaca reypaca nalipacha cana cashcatami nirca. Chaimandami esclavo shina jatushparapash ali cana cashcata nirca. Hamanga judiocunata huañuchichunga 10 mil piezas de platata cusha nishcarcami. Shinapash judiocunata esclavocunatashna jatujpica reyman cungapaca ashtahuan culquitami ganaita ushanman carca. Shinallata Hamán munashcashna tucui judiocunata huañuchishpaca, reypa huarmi Estertapashmi huañuchinman carca.
25 DE SEPTIEMBRE–1 DE OCTUBRE
BIBLIAPA VALISHCA YUYAICUNA | ESDRAS 9, 10
“Mardoqueoca shujcunata ayudangapami paipa autoridadta utilizarca”
it-2-S 314 párr. 3
Mardoqueo
Mardoqueo runaguca Hamán churashca leyta na anulaita ushaimandami judiocuna difindiri ushachunga, Rey cushca autoridadta utilizashpa shuj leyta llujchirca. Chai ley llujshijpica judiocuna salvarishpami cushilla caita ushana carca. Persia llactamanda ashtaca gentecunapashmi judiocunapa lado tucurca. 13 de adar punllapimi judiocunaca Mardoqueo llujchishca leyta ña pactachita usharca. Chaimandami chai punllapi difindiringapaca prepararishcalla shuyanajurca. Mardoqueo ashtaca autoridadta charishcamandami shuj autoridadta charij gentecunapash judiocunata apoyarca. Persia tucuilla llactapica Hamanba 10 churicunata y judiocunapa 75 mil yali shuj contracunatapashmi huañuchirca (Est 8:1–9:18). Ester permisota cujpimi Mardoqueoca 14 y 15 de Adar quillapi cada huata “Purim” nishca punllacunata judiocuna celebrachun mandarca. Chai fiesta punllacunapica judiocunaca ninanda cushijushpa, micushpami randimanda imagutapash carana carca, pobrecunamanbashmi imagutapash carana carca. Judiocunaca Mardoqueotaca ninandami respetarca. Y Mardoqueoca judiocunata ayudashpa catingapami ninanda esforzarirca (Est 9:19-22, 27-32; 10:2, 3).
it-2-S 765 párr. 1
Purim
Propósito.Purim nishca fiestataca Mardoqueo y Ester huarmigupa tiempopimi ruran carca. Jehová Diosta alabashpa jatunyachingapami ruran carca. Shinallata Jehová Dios judiocunata salvashcamandapashmi paicunaca cai fiestataca ruran cashcanga. Ashtahuambash Mardoqueo runagu Jehová Diosta tucui shunguhuan sirvij cashcamandami cai fiestata cada huata rurachun mandarca.
cl-S 101, 102 párrs. 12, 13
Autoridadta charishpaca Jehovapa ejemplota catishpa ali utilizapashunchi
12 Jehová Diosca congregaciongunata ñaupaman pushachunga superintendentecunata y ancianocunatami churashca (Hebreos 13:17). Cai huauquigucunaca paicuna charishca responsabilidadta ali utilizashpami congregacionmanda huauquipanicunata ali cuidana can. Shinallata huauquipanicuna Jehová Diosmanda ama caruyachunbashmi ricuriana can. Shinapash cai anciano huauquicunaca congregacionmanda huauquipanicunapa jefecunashnaca na mandanllu. Paicunaca humilde y Jehová Diospa mandashcata pactachingapami ninanda esforzarin (1 Pedro 5:2, 3). Bibliapica “paipa congregacionda ricuriachun agllashca. Chai congregaciondaca paipa Churipa yahuarhuanmi Taita Diosca randirca” ninmi (Hechos 20:28). Shinaca congregacionmanda huauquipanicunataca ¿nachu juyaihuan aliguta cuidana can?
13 Por ejemplo shuj amigo, shuj valishca valishca cosasguta cuidachun mañashcanman. Shina mañajpica ¿nachu caitaca ninanda cuidapanguiman? Shina cuendallatami Jehová Diosca huauqui ancianocunataca paipa “llamagucunata” o congregacionmanda huauquipanicunata cuidachun mingashca (Juan 21:16, 17). Jehová Diosca congregacionbi huauquipanicunata ninanda juyaimandami shuj valishca preciota paganshna, paipa shujlla churipa causaita curca. Caita yarishpami anciano huauquicunaca congregacionmanda huauquipanicunataca juyaihuan aliguta cuidan.
Bibliapa Valishca Yuyaicunata Mascashunchi
w06-S 1/3 11 párr. 4
Ester libropa valishca yuyaicuna
9:10, 15, 16. Judiocuna difindiringapaj contracunata huañuchishpapash ¿imamandata paicunapa cosascunataca na japirca? Contracunapa cosascunata judiocuna na japishpaca, chariyangapaj na munashcata, ashtahuangarin difindiringapalla munashcatami ricuchirca.
2-8 DE OCTUBRE
BIBLIAPA VALISHCA YUYAICUNA | JOB 1-3
“Jehová Diosta ciertopacha juyashcata ricuchishpa catipashunchi”
Noepa, Danielpa, Job runagupa feta, Diosta cazushcata catipashunchi
16 Problemacunata chimbapurarca. Jobpa causaica ninandami cambiarca. Jobca ‘indi Ilujshimuj ladopi causajpuramanda tucuita yali charijmi carca’ (Job 1:3). Paica charijmi carca. Paitaca tucuicunami rijsin carca. Jobtaca tucui gentecunami respetan carca (Job 29:7-16). Shina cashpapash Jobca shujcunata yalica na sintirircachu. Taita Diostapash na minishtinichu nishpaca na yuyarcachu. Ashtahuangarin Jehová Diosca nircami, “ñucata servij”, ‘ima pandatapash na ruraj, aligutalla ruraj, Taita Diostapash manllaj, nalita ruranamanda anchurishcami’ can nishpa (Job 1:8).
17 Shinapash paipa causaica na yashcapimi cambiarca. Shuj punllaca nima illajmi quedarca. Paica llaqui llaqui caimandami huañungapaj munarca. Shinapash Jobta, Diablo llaquichishcataca alimi yachanchi. Imatapash carajpillami Jobca Jehovata sirvijun nishpa Diabloca juchachirca (Job 1:9, 10, liingui). Jehová Diosca Jobta yangamanda juchachijujtaca alimi yacharca. Chaimi tucui shunguhuan, ciertopacha paita juyashcata Job ricuchichun Jehová Diosca saquirca.
Tucuipimi Jehovataca ali sirvina capanchi
10 Cunanbipash ¿imatata Satanasca ñucanchicunamandapash nin? Satanasca cashna nishpami ñucanchita juchachin, Jehovata na tucui shunguhuan juyanllu, paicunapa causaita salvangapaj munaimandaca Jehovata sirvinata saquingallami nishpa (Job 2:4, 5; Apoc. 12:10). Chaita uyashpaca ¿imashinata sintiripanchi? Chaita uyashpaca llaquillami sintiripanchi. Shinapash caipi pensaripashunchi: Jehová Diosca ñucanchipica confianmi. Chaimi Jehová Diosca Satanás ñucanchita llaquichichun saquin. Chai llaquicunata aguantashpaca tucuipi Jehovata ali sirvijushcata, Satanás llulla cashcatami ricuchishun. Chai llaquicunata aguantachunga Jehová Diosllatami ayudasha nin (Heb. 13:6). Jehová Dios ñucanchipi confiajta yachashpaca ninandami cushijupanchi. Imashinami ricupanchi, tucuipi Jehovata ali sirvinaca minishtirishcapachami can. Shina rurashpaca Satanás llulla cashcata, Jehová Dios ali cashcata, pai ali mandaj cashcatami ricuchipanchi. Shinaca tucuipi Jehovata ali sirvingapaca ¿imatata rurana capanchi?
Bibliapa Valishca Yuyaicunata Mascashunchi
Jesús ña huañugrijushpa nishca shimicunamandaca ¿imatata yachajupanchi?
9 Jesusca ña huañugrijushpami: ‘Ñuca Taita Dioslla, ñuca Taita Dioslla ¿imashpata saquihuashcanguiyari?’ nirca (Mat. 27:46). Bibliapica Jesús imamandapacha cai shimicunata nishcataca na intindichijunllu. Shinapash cai shimicunamanda imata yachajui ushashcata ricupashunchi: Jesusca callaripica Salmo 22:1pi shimicunata pactachingapami cashna nirca. Shinallata Jesuspa shimicunapimi ricuita ushapanchi chai ratopi Jehová Dios paita na ‘cuidajushcata’ (Job 1:10). Jehová Diosca Jesús ciertopacha paipi crishcata, ciertopacha paita juyashcata ricuchichunmi Jesustaca contracunapa maquipica saquitapacha saquirca. Jesús charishca llaquitaca pipash na charishcachu. Shinallata cai shimicunata nishpaca paita yangamanda huañuchinajushcata ricuchingapapashmi Jesusca cashna nirca.
9-15 DE OCTUBRE
BIBLIAPA VALISHCA YUYAICUNA | JOB 4, 5
“Llulla informaciongunamanda cuidaripai”
it-1-S 795
Elifaz
2. Elifazca Jobpa quimsa amigopuramandami carca (Job 2:11.) Paica Temán llactamandami carca. Shinallata Esaú runapa punda churipa miraimandami cashcanga. Chaimi Abrahanba miraimanda shamushpa Jobpa pariente lejanomi cashcanga. Elifaz y paipa miraicunapashmi ali yachaitami charinchi nishpa jariyarca (Jer 49:7.) Paica Jobpa quimsa amigocunamandaca ashtahuan respetashca, ashtahuan importantemi carca. Shinallata paica paicunamandaca ashtahuan rucu carianga. Elifazmi Jobhuanga primero parlarca. Quimsa viajecamanmi chaitaca rurarca. Y chai quimsa viajetami unaitapacha parlarca.
w05-S 15/9 26 párr. 2
Nali pensamientocunata charinamanda jarcaripashunchi
Elifazca paita imata pasashcata yarishpami cashna nirca: “Ñuca ñaupajta huaira fucunshna aya yalijujpimi, ñuca cuerpo milmacunapash shayarirca. Ñuca ñaupajpimi, aya shayarirca. Paipaj ñavitaca, na ricurcanichu. Upalla tucujpimi, cashna nijta uyarcani” (Job 4:15, 16). Shinaca Elifazca ¿imamandata nali pensashpa parlarca? Paipa shimicunaca shuj nali ángel o shuj demonio paita pandachichun saquishcatami ricuchin (Job 4:17, 18). Shinaca demoniocunami Elifaztaca llullacunata nichun pandachirca. Chaimandami Jehová Diosca Elifazta y paipa ishcai cumbacunata shinllita tacurishpa saquirca (Job 42:7.) Elifaz shuj demonio paita pandachichun saquishcamandami paipa parlashcacunaca nali pensamientocunata charishcata ricuchirca.
w10-S 15/2 19 párrs. 5, 6
Diablopa llullacunataca ama cripashunchichu
Diabloca Jobpa quimsa nali amigocunamanda Elifaz runatami utilizarca. Paica gentecuna llaquicunata o problemacunata charishpaca nimamanda na aguantai ushanllu nishpami llullarca. Elifaz runaca: “Alpa turuhuan shayachishca huasipishna causajcunatacarin ¿maitata yariajlla causangayari? Paicunaca, ñutu alpa jahuapilla huasichi callarishcashna cashcamandaca, polilla juru micujpica urmangallami Paicunaca, tutamanda ali cashpapash, chishipaca tucuchi tucunllami. Ima tucunatapash, pipash na villajpica, chingaita chinganllami” nircami (Job 4:19, 20).
Adanba huahuacuna cashcamandami imperfectocuna capanchi. Chaimandami imapipash pandaripanchi (Rom. 5:12). Shinaca ñucanchilla cashpaca diablopa trampacunata mishaitaca na ushanchimanllu. Pero caitami siempre yarina capanchi. Tucui cristianocunallatami Jehová Diospa ayudata charipanchi. Imperfectocuna cashpapash Jehová Diospaca ninan valishcami capanchi (Isa. 43:4). Shinallata Jehovapa espíritu santota mañajpica paica carangallami (Luc. 11:13). Jehovapa espíritu santota charimandami gentecuna na chari ushashca ushaita charipanchi. Cai ayudata charimandami diablo imatapash rurashpa llaquichijpipash aguantaita ushapanchi (2 Cor. 4:7; Fili. 4:13).
Llulla informaciongunamandaca ¿imashinata cuidarita ushanchi?
● Información maimanda shamujta imata ningapaj munashcatami aliguta ricuna capangui
Bibliapica ninmi: “Tucui cosascuna cabal cajta o na cabal cajtaca aligutami ricuna capanguichi” (1 Tesalonicenses 5:21).
Shuj noticiata cutin cutin yalichijpipash chai noticiapi crinapa randi o shujcunaman cachangapaj randica cierto cashcata o na cierto cashcatami ricuna capanchi.
Chai informacionda pipacha nishcapi confiai ushashcatami pensarina capangui. Shinapash noticiacunata yalichijcunaca o shuj organizaciongunaca culquimandallami imatapash noticiacunataca llullashpa yalichita ushan. Chaimandami chai noticiatallata shuj ladocunapipash chashnallata yachachijta asegurana capanchi. Amigocunallatami na aliguta cuenta japishpaca llullai informaciongunataca redes socialescunapi, correocunapi cachamuita ushan. Chaimandami chai información maimanda shamujta nali yachashpaca chai informacionbica na confiana capangui.
Chai informacionguna chairalla llujshishcata y cabal nijushcatami asegurarina capangui. Shujcunapash chai informaciongunatallata cierto cashca nijta ricupai. Shinallata difícil temacunamanda facillla yuyaicunahuan intindichij yuyaicunamandami cuidadota charina capangui. Huaquin informaciongunaca ñucanchita llaquichingapaj, manllachingapami can. Chai informacionmandapashmi cuidadota charina capanchi.
Bibliapa Valishca Yuyaicunata Mascashunchi
w03-S 15/5 22 párrs. 5, 6
Para siempre causaiguta chasquingacaman shuj carrerapi calpanshna ripashunchi
Job runagu shujcunata ayudangapaj listo cashcata yaripashunchi. Job runagupa nali amigo Elifaz runapashmi chaitaca reconocirca. Paica “Nitijanshna pandaj runatapash, aliguta rimashpami alichin carcangui. Cunguricuna quivirinshna llaquilla cajpipash, shinllichinmi carcangui” (Job 4:4). Ñucanchicunapash ¿Job runagushnachu capanchi? Ñucanchicunaca cada unomi Jehovata sirvijcunata paita sirvishpa catichun ayudana responsabilidadta charipanchi. Cai textopa shimicuna nishcashnami rurana capanchi. Chaipica: “Shaijushca maquita shinlliyachichi. Ushai illaj cunguricunata, ali shayachichi” ninmi (Isaías 35:3). Por ejemplo, cada reunionbi shuj o ishcai huauquipanicunata animangapami metata churaripashunchi (Hebreos 10:24, 25.) Animachij shimicunahuan parlashpa Jehová Diosta sirvingapaj imatalla rurajushcamandami agradicishpa felicitaita ushapanchi. Shina rurashpami para siempre causaiman apaj ñanbi calpashpa catichun ayudaita ushapanchi.
16-22 DE OCTUBRE
BIBLIAPA VALISHCA YUYAICUNA | JOB 6, 7
“Ñana ushanshna sintirijushpaca ¿imatata rurai ushapangui?”
w06-S 15/3 14 párr. 10
Job libropa valishca yuyaicuna
7:1, TNM; 14:14. Shaijungacaman imatapash rurashpa causana o obligado trabajota rurana nishpaca Jobca ¿imatata ningapaj munarca? Jobca paipa llaquicunahuanga ninandami sufrijurca. Chaimandami paipa causaipica shuj shinlli shinlli trabajota obligado rurajunshna sintirirca (Job 10:17). Shinallata pipash huañushpaca obligado cuendami Jehová causachingacaman shuyana tucun. Chaimandami Jobca huañuitaca shuj shinlli obligado trabajota rurana cashcatashna sintirca.
Desanimarishcacunataca Jehovami ayudan
HUAQUINBICA tucuicunallatami ‘asha punllacunatalla causana cashpapash, llaquicunahuan’ causajuni yashpa llaquilla o desanimarishca sintirishcanchi (Job 14:1). Jehovata punda sirvijcunapashmi shina sintirishca. Huaquingunaca huañungapapashmi munashca (1 Rey. 19:2-4; Job 3:1-3, 11; 7:15, 16). Shinapash Jehová Diosmi paicunataca animashpa shinllichishca. Paicunata imashina ayudashcataca Bibliapimi yachachin. Caicunata yachajushpaca ñucanchicunapashmi animarishun (Rom. 15:4).
g-S 1/12 16,17
Ñana causangapaj munajushpa
Problemacunapa shuj solución illajshna cajpipash quiquin na sololla cashcatami yarina capangui. Cunan punllacunapica tucuicunallatami llaquicunahuan problemacunahuan causanajun. Bibliapica: “Ñucanchica yachanchimi Taita Diospa rurashcacunaca tucuilla llaqui llaquita huacashpa, cunangaman sufrinajushcata” nijunmi (Romanos 8:22). Cunanbi quiquinba problemacunaca nunca na solucionaringachu yashpa pensajushpaca caita yaripangui. Tiempohuanga imapash problemacuna siempremi mejoran. Chaicamanga ¿imatata rurai ushapangui?
Quiquin imashina sintirishcata shuj de confianza amigomanmi parlaita ushapangui. Bibliapica “Ali cumbaguca paipaj cumbataca, tucui causaipimi juyajun. Llaqui punllacuna japijpipash, quiquin huauquitashnami llaquin” nijunmi (Proverbios 17:17). Job runaguca pai ninanda sufrijushpaca shujcunahuanmi parlarca. Paica: “Ñuca llaquicunahuan aij nijushcataca, na manllashpa villajushallami. Ñuca almapi ninanda llaquirishpami villajusha” nircami (Job 10:1). Ñucanchi llaquicunata shuj de confianza personaman parlanami ñucanchicuna ashaguta alillata sintirichun ayudaita ushan. Shinallata ñucanchipa problemacuna na yapa cashcata ricuchunbashmi ayudaita ushan.
Quiquin imashina sintirijushcataca tucuita Jehová Diosta mañashpa villangui. Bibliapi Salmo 65:2pica: “Mañanajujtaca, canmi uyajungui”. Y 1Pedro 5:7pica: “paica, quiquingunamandaca ninandami preocuparin” nijunmi. Bibliapica Jehová Diospi confiana minishtirishca cashcataca huaquin textocunapimi ricuchin:
“Mandaj Diostaca, cambaj tucui shunguhuan yariangui. Aligutapacha yarishpami purini yashpaca, ama jariyanguichu. Imata rurangapajpash, Diostara yaringui. Paimi, can purina ñangunapipash aliguta pushanga” (PROVERBIOS 3:5, 6.)
“Paita manllajcuna, imata munashcataca pactachingami. Shinallata paicuna caparishpa mañashcatapash, uyashpa quishpichingami” (SALMO 145:19.)
“Ñucanchi mañashcacuna Taita Diospa voluntadhuan de acuerdo cajpica, imaguta mañajpipash paica uyanmi. Chaitaca seguromi capanchi” (1 JUAN 5:14.)
“Mandaj Diosca, paita na manllajcunamandaca carupimi. Ashtahuangarin imatapash cashcatapacha rurajcuna mañajtaca uyanmi” (PROVERBIOS 15:29.)
“Gentecuna, tucui huatacuna paitalla shuyaichiyari. Paipaj ñaupajpica, tucui shungu mañaichiyari” (Salmo 62:8).
Bibliapa Valishca Yuyaicunata Mascashunchi
Huauquipanicunata Jehová Dioshna tratapashunchi
10 Ñucanchi huauquipanicunata intindingapaca Jehová Diospa ejemplotami catina capanchi. Ñucanchi huauquipanicunata ali rijsingapaj esforzaripashunchi. Ñucanchi huauquipanicunahuanga tandanajui nara callarijpillata, tandanajui jipapash paicunahuan parlangapaj esforzaripashunchi. Villachinamanbash paicunahuan llujshipashunchi. Usharijpicarin huasimanbashmi invitanalla capanchi. Shinami, pihuanbash na llevarijlla shuj paniguca gentecunahuan parlanata manllaj cashcata cuenta japipashun. Shinallata shuj charij charij huauquica na mitsa cajta, na culquipilla yuyajtami cuenta japipashun. O shuj paniguca paipa huahuacunandi huasipi jarcaicuna tiashcamanda tandanajuicunaman jipayashcalla chayamujtapashmi cuenta japipashun (Mat. 7:1). Ñucanchicunaca na shujcunapa causaipi ‘satirinachu’ capanchi (1 Tim. 5:13). Shinapash ñucanchi huauquipanicunata rijsina, paicuna imamanda shina cashcata intindinaca alimi can.
23-29 DE OCTUBRE
BIBLIAPA VALISHCA YUYAICUNA | JOB 8-10
“Jehovapa ninan juyaimi diablopa llullacunamanda cuidan”
w15-S 1/7 12 párr. 3
¿Taita Diostaca cushichi usharinllu?
Jobca ashtaca llaquicunatami charirca, chaimandami llaquicunata yangamandami charijuni, Jehovata sirvijpi o na sirvijpipash paipaca na importantechu can yashpami Jobca pensai callarirca. Shina pensanaca nalichu carca (Job 9:20-22). Shinallata, Jobca imapash nalitaca na rurashcanichu yashpami seguro sintirijurca. Chaimandami paita uyajcunapa ñaupapica Taita Diostapash yali justo shina ricurirca (Job 32:1, 2; 35:1, 2).
Jehová Diosca paipa sirvijcunataca ninandami juyan
14 Jehová Dios ninanda juyashcamandami paipa sirvijcunataca paita sirvishpa catichun ayudajun. Shuj viajeca rey Davidca Jehová Diosta mañashpaca, “Canga, ñuca pacajuna cashpami, ima llaquimandapash huacaichihuangui. Llaquipi cajta llujchishcamanda candajcunatami, ñuca muyundipica churapangui” nircami. Shinallata “Mandaj Diosta shuyajtaca, paipa llaquinami [o paimi ninanda juyajun]” nircami (Sal. 32:7, 10). Punda tiempopica ashtaca llactacunami jatun pircacunata charirca. Cai pircacunami contra gentecuna yaicushpa ama chaipi causaj gentecunata llaquichichun ayudan carca. Shinaca imashinami cai pircacuna gentecunata ayudan carca, shinallatami Jehová Dios ñucanchita juyashcata yachanaca paita na saquishpa ñaupaman sirvishpa catingapaj ayudan. Jehová Dios shuj juyaj Dios cashcamandami paihuanga shuj ali amigo tucungapaj munapanchi (Jer. 31:3).
Bibliapa Valishca Yuyaicunata Mascashunchi
w10-S 15/10 6, 7 párrs. 19, 20
Jehovapa pensamientocunataca pipash na tucui tucuita intindi ushanllu
19 Jehovapa pensamientocunata intindingapaca Bibliatami yachajuna capanchi.
20 Bibliata liijushpa difícil textocunata tarishpa, Jehová imata pensashcacunamanda yachajushpa na fácil intindinalla cajpica ¿imatata rurai ushapanchi? Chai temamandami investigana capanchi. Investigashca jipapash na ashta intindishpaca Jehovapi confiashpa catingapaj shuj oportunidad cashcata ricupashunchi. Caita yaripashunchi, Bibliapica difícil na intindirinalla textocunami tian. Shinapash chai textocunami Jehová Diospi paipa cualidadcunapi confiana oportunidadta cun. Shinallata humilde cashpaca Jehovapa tucui rurashcacunata na fácil intindi ushashcatapashmi cuenta japina capanchi (Ecl. 11:5). Shina rurashpallami Apóstol Pablopa nishcacuna cierto cashcata reconocina ashtahuan fácil canga. Paica “Taita Diospa bendiciongunapash, paipa ali yachaipash, pai imata yachashcapash sumajpachami can. Pai imashina juzgajtaca pipash na cabalta intindi ushanllu. Pai imata rurajtaca na tucuita ali yachai ushanchichu. Porque “¿pita Jehová Diospa pensamientocunataca rijsita ushashca? ¿O pita Taita Diostaca consejaita ushashca?”. “Taita Dios randi tigrachijuchunga ¿pita Taita Diosmanga primero imatapash carashca?”. Porque Taita Diosmi tucuita rurashca. Tucuimi paimanda tian. Tucuimi paipa cana can. Paitami para siempre alabana capanchi” (Rom. 11:33-36).
30 DE OCTUBRE–5 DE NOVIEMBRE
BIBLIAPA VALISHCA YUYAICUNA | JOB 11, 12
“Ali yachaita charingapaj quimsa yuyaicuna”
w09-S 15/4 6 párr. 17
Jobca Jehová Diospa shutitami alipi quidachirca
17 Job runagu Jehová Diosta tucuipi cazuchunga ¿imata ayudarca? Jobca nara llaquicunata charishpallatami Jehová Dioshuanga ali amigo carca. Chaimandami llaquicuna shamujpica aguantai usharca. Job runaguca Diablo paita llaquichijujta na yachashpapashmi Jehová Diostaca “huañungacamanmi, ñucaca ima pandatapash na rimasha” nirca (Job 27:5). Job runaguca Abrahán, Isaac, Jacob y shuj sirvijcunapash Jehová Dioshuan ali amigo cashcatami yacharca. Chaimandami Jobca Jehová Diostaca ali rijsirca. Shinallata Jehová Dios imashina cashcataca paipa tucui rurashcacunata ricushpami Jehová Diosmandaca ashtahuan yachajui usharca (Job 12:7-9, 13, 16ta liipangui).
Jehová Diosca quiquindallaca nunca na saquingachu
10 Jehová Diosta tucui shunguhuan sirvij huauquipanicunahuan amigo tucuna. Ñucanchicunaca shuj shuj edadta charijcunahuan, shuj shuj culturamanda huauquipanicunahuanmi llevarita ushapanchi. Bibliapica, “[mayorllacunami] ali yachaita charin” ninmi (Job 12:12). Shina cajpipash mayorllacunapashmi jovengunamandaca ashtacata yachajuita ushan. Jonatanga Davidpaca mayormi carca. Shina cashpapashmi paicunaca alipacha amigocuna tucurca (1 Sam. 18:1). Llaquicunata charishpaca Davidpash, Jonatanbash ishcandillatami Jehová Diosta sirvishpa catingapaca ayudarirca (1 Sam. 23:16-18). Panigu Irinaca paipa familiapica paillami Testigo can. Chaimi paica: “Ñucanchi turiñañagucunaca ñucanchipa propio taitashna, propio turishnami tucun” nin. “Shinallata paicunataca Jehová Diosmi ñucanchi propio familiashnallata ñucanchicuna minishtirijushca horaspi ayudachun utilizaita ushan” nin.
11 Huaquin huauquipanicunapaca shujcunahuan amigo tucunaca na facilchu can. Ashtahuanbachaca shujcunahuan parlana na fácil caj huauquipanicunapami shinlli can. Ratna shuti panigupaca shujcunahuan parlanaca shinllimi can. Paitaca Testigo tucushcamandami paipa familiaca contrarca. Paica: “Ñucaca congregacionmanda turiñañagucunapa ayudata minishtishcatami cuenta japircani” ninmi. Huaquinbica ñucanchicuna imashina sintirishcata shujcunaman villanaca na facilchu can. Shinapash ñucanchicuna imashina sintirishcata shujcunaman villanami paicunahuan ali amigocuna tucuchun ayudaita ushan. Amigocunaca ñucanchita ayudangapaj, animangapaca listomi can. Shinapash paicunaca ñucanchicuna imashina sintirijushcata na yachashpaca na ayudai ushangachu.
12 Predicacionman shuj huauquipanicunahuan llujshinami ashtahuan amigocunata charichunga ayudaita ushan. Párrafo 5pi parlashca Carol paniguca: “Villachinaman llujshishpa, Jehová Diosmanda shuj shuj cosascunata rurashpami ashtaca amigocunata taripashcani. Ñucata ayudangapaj, animangapaca paicunatami Jehová Diosca utilizashca” ninmi. Shinaca Jehová Diosta tucui shunguhuan sirvinajuj huauquipanicunapa amigocuna tucungapaj esforzaripashunchi. Cai huauquipanicunatami llaquilla o sololla sintirijujpica Jehová Diosca ñucanchita ayudachun utilizan (Prov. 17:17).
it-2-S 883
Ali yachai
Taita Diospa Ali yachai. Shuj completo ali yachaitaca Jehová Diosllami charin. Jehová Diosllami ali yachaita charij Diosca (Ro 16:27; Ap 7:12). Jehová Diosllami cai mundo y shuj shuj planetacunapash imashina rurashca cashcata, ima horamandapacha tiajtapash alipacha yachan (Job 38:34-38; Sl 104:24; Pr 3:19; Jer 10:12, 13). Jehová Diospa mandashcacunaca gentecuna ali causaiguta charichun, aliguta yuyashpa imagutapash ali rurai ushachunga minishtirishcapacha can (Dt 32:4-6). Jehová Diosca tucui tucuita ali yachaj Diosmi can (Isa 40:13, 14).
Bibliapa Valishca Yuyaicunata Mascashunchi
w08-S 1/8 11 párr. 5
Imashinata jovengunahuan parlai ushapanchi
▪ “Imaguta cashpapash ali uyapashunchi” Job 12:11pica: ‘Rinri uyajpimi, ali shimi cajta, nali shimi cajtapash yacharin. Shimiman micuna chayajpimi, imashna cajtapash yacharin’ nijunmi. Quiquinba churigu imatapacha ningapaj munashcata ali intindina capangui. Por ejemplo: Jovengunaca “Siempremi huahuatashna tratahuangui”, o “Nunca imatapash na uyahuanguichu” nishpami parlaita ushan. Shinaca siempremi o nuncami nishcamanda culiranapa randica quiquinba churigu imatapacha ningapaj munashcatami intindina capangui. Por ejemplo, “Siempremi huahuatashna tratahuangui” nishpaca, talvezpashmi ñucapica na confianguichu nijuita ushan. Shinallata “Nuncapash na uyahuanguichu” nishpaca talvezpashmi ñuca imashina sintirijtami aliguta intindichun munanimi nijuita ushan. Chaimandami quiquinba churigu imaguta nijpipash imatapacha ningapaj munashcata ali intindingapaj esforzaripai.