NOUT VI KRÉTIEN

Èd bann domoun na okin rolijion konèt zot Kréatèr

La fine arivé k’ou koz pa la vérité èk in moun na poin rolijion, parské ou pans li va pa ékouté ? Si oui, rapèl aou ké néna in bonpé d’moun lavé poin rolijion oubien té kroi pa Bondié, lé vnu Témoin Jéova. Lo pli souvan, sak zot lavé bézoin sé jus inn ti kou d’min pou gard bann prèv ké Bondié i égzis (Rom 1:20 ; 10:14).

ROGARD LO VIDÉO BANN DOMOUN I ADOR PA JÉOVA I PE GINGN LA FOI ! BANN DOMOUN NA POIN RELIJION, APRÉSA RÉPOND KÈSTION LA :

Koman sak Tommaso la di, i ankouraj aou èt kontan prèch èk domoun na poin rolijion ?

Out répons

Koman ou pé fé sa

Si in moun i di aou li kroi pa Bondié, rès janti èk li, vèy sak ou di ali, é fé vréman in kont èk son lopinion é sak li rosan (2 Tim 2:24). Koz su bann sujé k’i pouré intérès ali. Èské li lé dakor pou koz su bann prèv k’la pous in bonpé kroir ké néna in Kréatèr ? Bann ti brochur La vie a-t-elle été créée ? é Cinq questions à se poser sur l’origine de la vie, la fine èt rajouté dan nout bann zouti pou ansénié, komsa lé pli fasil rotrouv azot.

Dann promié débu, pétèt ou sra pa tro a lèz koz la vérité èk in moun i kroi pa Bondié. Kosa ou diré si ou sa domand in kou d’min in proklamatèr gabié ? Surtou oubli pa, Jéova i pé touch lo kèr sak néna « lo mantalité k’i fo », mèm si avansa zot té kroi pa li égzis (Akt 13:48).

Lo ti brochur « La vie a-t-elle été créée ? »

Lo ti brochur « Cinq questions à se poser sur l’origine de la vie »