LESON 02
La Bib i donn léspoir gingn in gayar lavnir
Partou su la tèr, domoun i doi afront bann situasion, ki strès azot oubien ki fé souf azot. Èske ou la finn déja viv in nafèr komsa ou ? Petèt ou lé malad, oubien in moun ke ou ièm lé mor. Dukou ou d’mann aou : « Èske in jour la vi i sra méyeur ? » Pou késtion la, ou va trouv dan la Bib in répons ke va rasur aou.
1. Kèl léspoir la Bib i donn ?
La Bib i ésplik poukosa néna tousa problèm la dan le monn, mé li anons osi in gayar nouvèl : i tard pa, tout nout bann malizé la, va disparèt. Gras bann promès la Bib, nou néna « in lavnir é in léspoir » (lir Jérémi 29:11, 12). Bann promès la, i èd anou pou sobat ansanm nout bann difikulté, pou gard in bon moral é pou èt vréman ereu.
2. Kèl lavnir la Bib i promèt ?
La Bib i di ke dann pa lontan, « nora pu la mor » é « nora pu okin deuy, ni okin plint, ni okin douleur » (lir Révélasion 21:4). Tout bann problèm ki rann anou la vi dur, kom la mizèr, bann zinjustis, la maladi é la mor, tousala va disparèt. La Bib i promèt ke domoun va viv ereu pou toultan dann in paradi su la tèr.
3. Koman ou pe èt sur ke bann promès la Bib va réalizé ?
Bonpe d’moun i éspèr ke lavnir i sra méyeur, mé zot néna okin preuv ke sak zot i éspèr va réalizé. Pou bann promès la Bib, lé pa parèy : lé sur, sa i sar éspasé vréman. Pou voir si sa lé vré, i fo ‘étudié avèk sèryeu bann Zékritur’ (Akt 17:11). Out létud la Bib va pèrmèt aou désid par ou mèm, si ou va kroir ou pa, sak la Bib i promèt pou lavnir.
ALON APRANN PLUS
Alon voir ansanm koman la vi i sra, kan bann promès la Bib va réalizé. É alon gard koman léspoir ke la Bib i donn, i pe èd anou depui koméla mèm.
4. La Bib i donn léspoir gingn in vi parfé é pou toultan
Dann tablo an d’sou la, néna detroi promès biblik. Lékèl i touch plus out keur parmi tousala, é poukosa ou di sa ?
Lir bann vèrsé ke i trouv apré chak promès, é réfléchi su bann késtion la :
Kèl léspoir, pasaj la Bib la, i donn anou ? Èske ou pans ke li pouré fé du bien out fami, oubien out bann kamarad ?
Majinn in monn ousa :
NORA POIN PÈRSONN... |
TOUT DOMOUN... |
|---|---|
|
|
|
|
|
|
|
|
|
|
5. Léspoir ke la Bib i donn i pe chanj out vi
In bonpe d’moun i larg le kor, oubien lé nèrvé, kan zot i voi tout bann problèm ke néna dan le monn. Désèrtin i sobat pou ésèy trouv in solusion. La Bib i promèt ke bann zafèr va ni méyeur. Gard koman in madam la trouv konsolasion dann promès la. Gard le VIDÉO é koz su bann késtion an d’sou la.
Kèl linjustis té tourmant Rafika ?
Mèm si linjustis la, lé toujour la mèm, koman la Bib la èd Rafika ?
La Bib i donn léspoir gingn in gayar lavnir. Léspoir la, i pe èd anou sobat ansanm kan nout moral lé atèr, é afront nout bann difikulté. Lir Provèrb 17:22 é Romin 12:12 é koz su bann késtion la :
Èske ou pans ke se léspoir ke la Bib i donn, i pouré rann out vi pluméyeur depui koméla mèm ? Poukosa ou di sa ?
NADFOI DOMOUN I DI : « Bann promès la Bib i fé dor domoun debout. »
Dapré ou, poukosa lé inportan vérifié par ou mèm, si sak la Bib i di lé vré ?
SAK NOU LA APRANN
La Bib i promèt anou ke dann pa lontan, nou sra vréman ereu, é léspoir la, i èd anou afront nout bann difikulté.
Alon révizé
Akoz nou la bezoin léspoir ?
Kosa la Bib i anons pou lavnir ?
Koman léspoir ke la Bib i donn, i pe rann nout vi pluméyeur depui koméla mèm ?
GARD SA OSI
Bann sujé ki mont ke léspoir i donn la fors.
« L’espoir : où le trouver ? » (Réveillez-vous !, 22 avril 2004)
Koman léspoir gingn in gayar lavnir, i pe èd domoun ki souf akoz in maladi ki trèn ?
« Viv èk in maladi ki trèn : èske la Bib i pe édé ? » (lartik jw.org)
In vidéo ke va èd aou, majinn out lavnir é lavnir out fami, dan le joli ti paradi ke la Bib i promèt.
Le zistoir in militan, ke la vi la chanjé, kan la fé konèt ali bann promès la Bib.
« Je ne pense plus devoir changer le monde » (La Tour de Garde, 1er juillet 2013)