Bann vérité la Bib vréman sinp

Jézu la di ké bann moun i èm vréman Bondié noré gingn rokonèt la vérité (Jan 10:4, 27). Donk kan ou prèch èk in moun, rès sinp. Pou komans koz dési in sujé la Bib, ou pé poz in kèstion komsa : « Èské ou la fine antand ké… ? » oubien « Èské ou té koné ké… ? ». Aprésa ansèrv in ou détroi vèrsé pou apui sak ou di. In vérité biblik sinp lé kom in ti grin sémans. Kan ou la fine plant ali dann kèr lo moun, avèk lèd Bondié riskab lo ti grin va pousé (1 Kor 3:6, 7).

• Lavnir

• La famiy

• Bondié

• La priyèr

• Jézu

• Lo roiyom Bondié

• Bann soufrans

• La mor

• La rolijion

LAVNIR

1. 1. Tout bann mové zafèr nou oi jordi i amont in gran chanjman i tard pa pou arivé (Mat 24:3, 7, 8 ; Luk 21:10, 11 ; 2 Tim 3:1-5).

2. 2. La tèr sra jamé détrui (Ps 104:5 ; Ékl 1:4).

3. 3. I sa répar bann déga dési la tèr (Izai 35:1, 2 ; Rév 11:18).

4. 4. In jour, tout domoun nora in gayar santé (Izai 33:24 ; 35:5, 6).

5. 5. Sra posib viv éré pou toultan dési la tèr (Ps 37:29 ; Mat 5:5).

LA FAMIY

1. 6. In mari « i doi èm son madam kom li mèm » (Éféz 5:33 ; Kol 3:19).

2. 7. In madam « i doi aoir in gran rèspé pou son mari » (Éféz 5:33 ; Kol 3:18).

3. 8. In mari èk son madam i doi èt fidèl anvèr inn é lot (Mal 2:16 ; Mat 19:4-6, 9 ; Ébr 13:4).

4. 9. Pou viv éré, bann marmay i doi rèspèk zot papa momon é obéi azot (Prov 1:8, 9 ; Éféz 6:1-3).

NASA, ESA and the Hubble Heritage Team (STScI/AURA)-ESA/Hubble Collaboration. Licensed under CC BY 4.0. Source.

BONDIÉ

1. 10. Bondié néna in non (Ps 83:18 ; Jér 10:10).

2. 11. Bondié i vé ansèrv son parol pou koz sanm nou (2 Tim 3:16, 17 ; 2 Pièr 1:20, 21).

3. 12. Bondié lé jus é li choizi pa la figur (Dét 10:17 ; Akt 10:34, 35).

4. 13. Bondié i vé vréman èd anou (Ps 46:1 ; 145:18, 19).

LA PRIYÈR

1. 14. Bondié i ékout anou bien kan nou pri ali (Ps 62:8 ; 65:2 ; 1 Pièr 5:7).

2. 15. La Bib i amont anou koman i fo priyé (Mat 6:7-13 ; Luk 11:1-4).

3. 16. Nou doi priyé toultan (Mat 7:7, 8 ; 1 Tés 5:17).

JÉZU

1. 17. Jézu lété in lamontrèr vréman gabié ; son bann konsèy lé ankor util juska jordi (Mat 6:14, 15, 34 ; 7:12).

2. 18. Bann zafèr i èspas jordi, Jézu lavé anons tousala dépi avan (Mat 24:3, 7, 8, 14 ; Luk 21:10, 11).

3. 19. Jézu lé lo garson Bondié (Mat 16:16 ; Jan 3:16 ; 1 Jan 4:15).

4. 20. Jézu lé pa lo Bondié toupuisan (Jan 14:28 ; 1 Kor 11:3).

Based on NASA/Visible Earth imagery

LO ROIYOM BONDIÉ

1. 21. Lo roiyom Bondié lé in vré gouvèrnman dann sièl (Dan 2:44 ; 7:13, 14 ; Mat 6:9, 10 ; Rév 11:15).

2. 22. Lo roiyom Bondié va ranplas tout bann gouvèrnman dési la tèr (Ps 2:7-9 ; Dan 2:44).

3. 23. Lo roiyom Bondié va règ in bon foi pou tout bann malizé dési la tèr (Ps 37:10, 11 ; 46:9 ; Izai 65:21-23).

BANN SOUFRANS

1. 24. Bondié lé pa lotèr bann soufrans (Dét 32:4 ; Jak 1:13).

2. 25. Jordi lo diab i komand tout la tèr (Luk 4:5, 6 ; 1 Jan 5:19).

3. 26. Lo kèr Bondié i fé mal kan li oi domoun soufèr (Ps 34:17-19 ; Izai 41:10, 13).

4. 27. I tard pa, Bondié va tir tout bann soufrans (Izai 65:17 ; Rév 21:3, 4).

LA MOR

1. 28. Bann mor i égzis pu, zot i koné pu rien é zot i souf pa osi (Ékl 9:5 ; Jan 11:11-14).

2. 29. Bann mor i gingn pa èd anou, zot i vien pa ravaj anou pou fé souf anou (Ps 146:4 ; Ékl 9:6, 10).

3. 30. Bann moun ké nou èm é ké lé mor va roviv dési la tèr (Job 14:13-15 ; Jan 5:28, 29 ; Akt 24:15).

4. 31. « Nora pu la mor » (Rév 21:3, 4 ; Izai 25:8).

LA ROLIJION

1. 32. Bondié lé pa dakor avèk tout bann rolijion (Jér 7:11 ; Mat 7:13, 14, 21-23).

2. 33. Bondié i détès lipokrizi (Izai 29:13 ; Miché 3:11 ; Mark 7:6-8).

3. 34. Sé par lamour i rokoné lo vré rolijion (Miché 4:3 ; Jan 13:34, 35).