Kisa i lé Jézu ?

Jézu lé inn anparmi bann pèrsonaj Listoir ke lé plus konu. Bokou i koné son non, mé zot i koné pa gran choz desu li, é bokou dot i pans pa parèy su li. Kosa la Bib i di su Jézu ?

1. Kisa i lé Jézu ?

Jézu lé in léspri puisan ki viv dann sièl. Jéova la kré ali an premié. Sé pousa i apèl ali « le premié-né dan tout la kréasion » (Kolosien 1:15). La Bib i apèl Jézu ‘le seul garson Bondieu’ parske sé le seul ke la été kréé dirèkteman par Jéova (Jan 3:16). Jézu la èd son Papa, Jéova, pou kré tou lé zot zafèr (lir Provèrb 8:30). Jézu lé toujour proch koté Jéova. Sé « la Parol » parske, kom li lé le fidèl port parol, li transmèt bann mésaj é bann zinstruksion Bondieu (Jan 1:14).

2. Poukosa Jézu la vni su la tèr ?

Néna apepré 2 000 zané de sa, Jézu lété dann sièl. Jéova la fé in mirak. Li la mèt la vi Jézu dan le vant in jeun fiy vièrj, ke té apèl Mari. Dukou, Jézu lé né kom in umin (lir Luk 1:34, 35). Jézu la vni su la tèr pou èt le Mési, oubien le Kris, é pou sov bann zumina. Tout bann profési la Bib konsèrnan le Mési la réalizé èk Jézu. Sa la pèrmèt bann domoun konprann ke li lété « le Kris, le Garson le Bondieu vivan » (Matieu 16:16).

3. Ousa Jézu i lé zordi ?

Kan Jézu té fini viv su la tèr, li la été résusité kom in léspri é li la retourn dann sièl. La, « Bondieu la mèt ali dan in pozision plu o ankor » (Filipien 2:9). Zordi, Jézu néna in plu gran lotorité ; sé le plu gran pèrsonaj lunivèr apré Jéova.

4. Jézu lé pa le Bondieu Toupuisan

La Bib i ansègn, ke mèm si Jézu, lé in léspri puisan dann sièl, li obéi son Bondieu é son Papa, Jéova. Poukosa nou pe di sa ? Gard le VIDÉO pou voir sak la Bib i ansègn su la pozision Jézu par rapor le Bondieu Toupuisan.

VIDÉO : Èske Jézu Kris sé Bondieu ? (3:22)

Bann vèrsé an d’sou la i èd konprann le lien, ke néna ant Jéova é Jézu. Lir bann vèrsé é koz su bann késtion ki vien apré.

Lir Luk 1:30-32.

• Dapré sak lanj i di, kèl relasion néna ant Jézu é Bondieu Jéova, le « Tré-O » ?

Lir Matieu 3:16, 17.

• Kan Jézu la fé batiz ali, kosa le voi ke té sort dann sièl la di ?

• Dapré ou, kisa té koz ?

Lir Jan 14:28.

• Ant in papa é son garson, kisa lé le plu vieu é na le plus lotorité ?

• Jézu la apèl Jéova « Papa ». Kosa sa i aprann anou ?

Lir Jan 12:49.

• Èske Jézu i pans ke son Papa èk li, sé le mèm moun ? É ou mèm, kosa ou pans de sa ?

5. Bann preuv ke Jézu lé le Mési

VIDÉO : Jézu i réaliz bann profési (3:03)

Lir bann profési biblik la é koz su bann késtion ki vien apré.

Lir Miché 5:2 pou konèt ousa le Mési té doi nètb.

• Èske profési la, la réalizé ? (Matieu 2:1).

Lir Psom 34:20 é Zakari 12:10 pou voir 2 profési su la mor le Mési.

• Èske bann profési la, la réalizé ? (Jan 19:33-37).

• Èske ou pans ke Jézu té pe fé in nafèr, pou ke bann profési la i réaliz ?

• Kosa sa i prouv aou su Jézu ?

SAK NOU LA APRANN

Jézu lé in léspri. Sé le Garson Bondieu é le Mési.

Alon révizé

• Poukosa i apèl Jézu « le premié-né dan tout la kréasion » ?

• Kosa Jézu té fé, avan vni su la tèr ?

• Koman nou koné ke Jézu lé le Mési ?

GARD SA OSI

Plus zinformasion su sak Jézu la fé, kan li té le Mési.

« Les prophéties messianiques prouvent-elles que Jésus était le Messie ? » (lartik jw.org)

La Bib i ansègn pa ke Bondieu la vni le papa Jézu, kom bann zumin i gingn zanfan.

« Pourquoi Jésus est-il appelé le Fils de Dieu ? » (lartik jw.org)

Poukosa i pe di ke la Bib i ansègn pa la Trinité ?

« Jésus est-il Dieu ? » (La Tour de Garde, 1^er avril 2009)

La vi in madam la chanjé, kan li la étudié sak la Bib i di su Jézu.

« Une femme juive explique pourquoi elle a remis sa foi en question » (Réveillez-vous !, mai 2013)