O hrišćanija hem o maribe – so i Biblija phenela odolestar?

Ko akava period đi trajini o maribe ki Ukrajina, o religiozna hrišćanska vođe podstakninena e manušen te podržinen o maribe. Aće sar o sveštenstvo podržini o maribe:

• „But hijam zahvalna sarinenđe tumenđe kola braninena i Ukrajina ando okola so mangena te len amari phuv. . . Tumen hijen ko amaro vilo hem ko amare molitve hem uvek ka ćera sa so šaj te pomožina tumen“ (Mitropolit Epifanije I ando Kijev, sar so pisini ko The Jerusalem Post, 16. mart 2022).

• „O poglavari andi Rusko pravoslavno crkva ki nedelja ićerđa jekh posebno religiozno program aso ruska vojnikija. Ov podstakninđa len te braninen pi phuv ’ađahar sar so đanena samo o Rusija‘“ (Reuters, 3. april 2022).

Da li o hrišćanija valjani te učestvujinen ko maribe? So i Biblija phenela odolestar?

So i Biblija ćaće vaćeri odolestar?

I Biblija mothovi so o prava hrišćanija na učestvujinena ko maribe.

• „Tegani o Isus phenđa lese: ’Irin o mač ko oleso than, sose sa okola so dolena pe ko mač, ka meren olestar‘“ (Matej 26:52).

  Ako neko podržini o maribe, da li ov ćaće ićeri pe ko Isusese lafija?

• „Dava tumen nevi zapovest: Mangen jekh jekhe. Sar so me mangljum tumen, ađahar hem tumen mangen jekh jekhe. Premalo odova sare ka đanen so hijen me učenikija, ako mangena jekh jekhe“ (Jovan 13:34, 35).

  Ako neko podržini o maribe, da li ov ćaće mothovi o mangipe premalo kova ka penđaren pe e Isusese prava učenikija?

Ako mangeja te đane pobuter, čitin o članko „Da li je rat spojiv sa hrišćanstvom?“

O hrišćanija hem o maribe avdije

Da li tano moguće aso jekh hrišćanin te na učestvujini ko maribe? Ja. I Biblija phenđa so ko amaro vreme, ko „poslednja dive“, ka oven manuša ando sa o narodija kola ka ićeren pe ko Isusese sikljoviba hem „više na ka sikljon te maren pe“ (Isaija 2:2, 4).

• Ako mangeja te đane pobuter, čitin i Stražarsko kula „Kako Bog gleda na ratove?“

Pana hari o Jehova,a „o Devel ando mir“ prekalo po Kraljevstvo ka spasini e manušen hem ka cidel sa i patnja (Filipljanima 4:9; Psalam 72:14).

• • Ako mangeja te đane sar, dikh o video Soj tano e Devleso Kraljevstvo?