О Дэл камэл, кай пэ жувля тэ стон патив

КАЛА о Иисусо сас пэ ԥув, во точно сыкадя, сар гиндой, и сар андярэл пэс лэско Дад. Во ԥэндя: «Мэ нисо на терав корко пэстар. Мэ ԥэнав кати кода, сости ман сытярдя о Дад. [...] ...Мэ вся и время терав кода, со во камэл» (Иоанна 8:28, 29; Колоссянам 1:15). Кала амэ уӷанаса, сар о Иисусо относился каринг и жувля, амэ поласа, сар лэндэ относица о Дэл и со во лэндар аштярэл.

Кала дэсавэ учони иследовали и Евангелия, вонэ полинэ, кай кода, сар о Иисусо относился каринг и жувля, совсем на шоласпэ кодэлэса, сар каринг лэндэ относинаспэ андэ кодэя время авэр мануша. Васо можно кадя тэ ԥэнас? И, со инке май важно, дэл ли кадэя учения свобода лэ жувлянди андэ амарэ деса?

Сар о Иисусо относился каринг и жувля?

О Иисусо на гиндояс, кай и жувля трэбуй ек кати важ и пашутнэ отношэния лэ муршэса. Сар гиндонас дэсавэ барэ мануша андэ иудейско вера, кай и общения лэ жувлянца андярэл кати каринг кода, кай о мурш на зритярдёла. Важ кода кай пэ жувля кадя диқэнас, лэнди нащи сас тэ дэн дума лэ муршэнца англа мануша или тэ вижан анда цэр, кай тэ на авэн ушарадэ. Вместо када о Иисусо ԥэндя лэ муршэнди, кай тэ зритярдён андэ кода, со лэнди камэлпэ и тэ стон патив пэ жувля, ай най тэ парашэн лэнца тэ общаюца (Матфея 5:28).

Кадяжэ о Иисусо ԥэндя: «Ко розвэдийпэ пэстиря хулаяса и жэнийпэ пэ авэр, кодэва терэл билажавардо бэзэх англа пэстири хулаи» (Марка 10:11, 12). Кадэлэса во сыкадя, кай лэ рашандири учения, кай о мурш «тэ розвэдийпэ ла хулаяса па любо причина» нэ правильно (Матфея 19:3, 9). И барэ мануша андэ иудейско вера сытярэнас, кай кати и хулаи можэт тэ авэл нэверно. Бут иудеёря на прилэнас о гиндо, кай о хулай нэверно пэстиря хулаяти, кала терэл варикаса билажавардимос. Андо ек каминтариё каринг и Библия ԥэнэнпэ: «Кала о Иисусо ԥэндя, кай о хулай трэбуй тэ соблюдает кодэла жэ нормы со и хулаи, кадэлэса во вазгля англа лэндэ лэ жувлян и сыкадя, кай пэр лэндэ трэбуй тэ стон патив».

Сар влияет лэ Христостири учения адес. Пэ собрания кай лэ Иеговастирэ свидетеля и жувля свободно общаюца лэ муршэнца. Лэнди на трэбуй тэ даран, кай пэр лэндэ варико най кадя подиқэла или найдраго пэс андярэла лэнца, важ кода кай и мурша христианоря андярэн пэс пативаса «лэ ԥурэ манушнянца, сар дэянца, лэ тэрнэ манушнянца, сар ԥэянца, всаворэ вужымаса» (1 Тимофею 5:2).

О Иисусо сытярэлас лэ жувлян. Андэ кодэя время, кала и барэ мануша андэ иудейско вера гиндонас, кай ла жувляти нащи тэ сытёл, о Иисусо сытярэлас лэ жувлян и дэлас дума кадя, кай вонэ тэ ԥэнэн пэстири мнения. Лэ Иисусости чалеля, кай и Мария закамля тэ сытёл и кадэлэса во сыкадя кай ла жувляко ҭан най кати пэ кухня. (Луки 10:38—42). Ла Мариятири ԥэй и Марфа, тожэ бутэсти сытеля лэ Иисусостар, када дицол па кода, сар вой ответила по лэско вопросо, кала мулясас о Лазарё. (Иоанна 11:21—27).

Важ о Иисусо сас важно васо пэрэжывают и жувля. Андэ кодэя время и израильтянки гиндонас, кай само бари бах, када кай вой тэ анэн шавэс, особено если во авэла инке и пророко. Кала ек жувли ԥэндя: «Бахтали кодэя, ко тут виԥирадя!» О Иисусо шутя сама пэ кадэла алава и дя помощь лати тэ додиқэд, кай исин дэсо май лашо (Луки 11:27, 28). О Иисусо дя лати тэ полэл, кай и чачуни бах кодэлэстар кай тэ авэл лащи дружба лэ Дэвлэса, ай най кодэлэстар кай и жувли трэбуй тэ анэн бэятонэн. (Иоанна 8:32).

Сар влияет лэ Христостири учения адес. Пэ христиански собрания кай лэ Иеговастирэ свидетеля и жувля моӷут свободно тэ дэн каминтарии. Отвецтвени мурша, савэ сытярэн пэ собрания, цэнин лэ христианкэн, савэндэ лащи дружба лэ Дэвлэса, важ кода кай вонэ «сытярэн тэ терэн о лашимос» алавэса и пэ дила (Титу 2:3). Лэ жувлянди кадяжэ динэ тэ росԥэнэн и лащи весть важ лэ Дэвлэско Царство (Псалом 68:11; диқэн рамка «Запретияс ли о апостоло Павло, жувлянди тэ дэн дума?» пэ страница 9).

О Иисусо заботияспэ пала жувля. Андэ библейско время лэ щеян най кадя цэнинас, сар лэ шавэн. Када дицол анда Талмудо: «Бахтало кодэва кастэ исин шавэ и бида кодэлэсти кастэ арақаделэ щея». Дэсавэ родителя гиндонас, кай и щей када бари обуза. Лати трэбуй сас тэ арақэн тэрнэс, тэ стидэн при́дано и кала и родителя ԥурёна вонэ нэ моӷли надеяца, кай вой лэн подритярэла.

О Иисусо сыкадя, кай ла щеёратири жызня кадяжэ дэ куч, сар и лэ шаворэстири, во воскресил най кати ла ԥивлятирэ шавэс анда Наино, но лэ Иаиростиря щя (Марка 5:35, 41, 42; Луки 7:11—15). Кала о Иисусо исцэлил еқа жувля, андэ сави сас о бэнг 18 бэрш, во ԥэндя пэр латэ: «лэ Авраамостири щей», кадя пэ жувли, анда иудейски писателя, почти нико на ԥэнэнас (Луки 13:10—16). Кадэлэ алавэнца, андэ савэ дицолас доброта и патив, о Иисусо сыкадя, кай и вой цэно машкар мануша и латэ састи вера (Луки 19:9; Галатам 3:7).

Сар влияет лэ Христостири учения адес. Андэ ек азиацко поговорка кацавэ алава: «Тэ барярэс щя всаек, со чужо оӷородо тэ поливаешь». Но и любящи дада христианоря гиндон совсем па аврятэ. Вонэ одинаково заботинпэ и пала шавэ и пала щея. И родителя христианоря пэрэжывают пала лэ бэятонэнго зор, и диқэн, кай всаворэндэ тэ авэл лащи образования.

О Иисусо патялас лэ жувлянди. Андэ иудейски сындоря гиндонас, кай ла жувляко алав всаек со лэ рабоско. О Иосифо Флавиё, историко андо пэрво вико, пистросардя: «Пэ жувлятирэ алава, на трэбуй тэ шон сама, важ кода кай вой легкомыслено и эмоционально».

О Иисусо гиндояс совсем па аврятэ! Пэрвонэнди во дя тэ диқэн, кай во воскрес, именно лэ жувлянди (Матфея 28:1, 8—10). И апостолоря на патяе лэнди, хоть вонэ и диқлэ сар казнили и гарадэ лэ Ӷосподос (Матфея 27:55, 56, 61; Луки 24:10, 11). Но кодэлэса, кай о воскресшо Христос, сыкаделя спэрва лэ жувлянди, во дя тэ полэн, кай вонэ достойни тэ росԥэнэн важ лэстэ (Деяния 1:8, 14).

Сар влияет лэ Христостири учения адес. Андэ собрания кай лэ Иеговастирэ свидетеля отвецтвени мурш, пативаса приашундёнпэ каринг лэ жувляндирэ алава. И христиански хулая стон патив пэ пэстирэ хулая, кала внимательно лэн виашунэн (Бытие 21:12; 1 Петра 3:7).

Через библейски принцыпоря и жувля ашэн май бахталэ

И мурша, савэ сытён кай о Христос, андярэн пэс лэ жувлянца кадя, сар спэрва загиндосардясас о Дэл, вонэ стон патив пэ жувля и на залэн лэндар и свобода (Бытие 1:27, 28). И христиански хулая на гиндон, кай и жувля хужэ лэндар. Вонэ жувэн па библейски принцыпоря и терэн вся, кай лэндирэ хулая тэ авэн бахталэ (Эфесянам 5:28, 29).

Кала и Лена ля тэ сытёл па Библия, вой тихо виритярэлас, сар ласа жэстоко обращался лако хулай. Во вибареля котэ, кай сас принято тэ чорэн пэсти лэ тэрнян, ай тэ марэн пэстиря хулая, када сас нармально. И Лена росԥэнэн: «Кода со мэ уӷанавас анда Библия, дэлас манди зор. Мэ полавас, кай исин кодэва, ко заботица пала мандэ, ко любий и цэний ман. Мэ гиндосаравас: „Если бы кати мэрно хулай тэ лэл тэ сытёл па Библия! Тоди во андярдоп пэс манца совсем па аврятэ“». Ла Ленатири мечта сбылась, лако хулай соӷласился тэ изучает и Библия и па дэсави время во болделя и ашэля лэ Иеговаско свидетелё. И Лена ԥэнэн: «Во ля тэ ритярэл пэс андэ вас. Амэ сытелям тэ простисарас ек аврэс». Со паруделя андо лэнго ери? Вой росԥэнэн: «Блаӷодаря кодэлэсти, кай амэ жувас па библейски принцыпоря мэ чувствую, кай мэ нужно, ай андо ери амэндэ ашэля тихо и спокойно» (Колоссянам 3:13, 18, 19).

Ла Ленако случаё най ек кацаво. Милионоря христианки бахталэ андо ери, важ кода кай вонэ и лэндирэ хулая терэн вся, кай тэ жувэн па библейски принцыпоря. Машкар ԥрала и ԥэя андэ собрания, лэнди драго и спокойно, каринг лэнго алав приашундён и стон патив пэ лэндири свобода (Иоанна 13:34, 35).

И христианоря полэн, кай всаворэ вонэ, сар и мурша кадя и жувля, ӷрешни и нэсовершэни мануша. Вонэ лэ Дэвлэстири тварения, савэ линэ тэ жувэн кадя най корко пэстар. Но вонэ аштярэн англэ, кай и тварения освободина и кай лэнди «дэна свобода, сави исин кай лэ Дэвлэстирэ бэяцэ», важ кода кай вонэ пашон каринг пэско любящё Дад Иегова. Саво райкано подарко о Дэл терэл и лэ муршэнди и лэ жувлянди! (Римлянам 8:20, 21).