Росԥэнэн кадя, кай тэ зажал андо ди лэ манушэнди, савэ на патян андо Дэл

1. Со паруделя андэ дэсавэ страны андэ послиднё время?

БУТ бэрша палпалэ всаворэ мануша патянас андэ варисавэ веры. Но акана, вся паруделя. Вся май бут ашэл манушэн, савэ на патян андо Дэл и на ужан ни андэ сави вера. Па чачимастэ, андэ дэсавэ страны май бут мануша ԥэнэн, кай на патян андо Дэлb (Матфея 24:12).

2. Васо май бут мануша ԥэнэн, кай на патян андо Дэл?

² Васо вся май бут мануша лэн тэ ԥэнэн, кай вонэ на патян андо Дэлc? Варикастэ фартэ бут проблемы. Важ варикастэ ӷлавно андэ жызня, када удовольствия (Луки 8:14). Варико на патял ни андэр со. Ай варико патял андо Дэл, но гиндой, кай и вера, када най модно и вой на сжалпэ ла наукаса и лэ годявэрнэ гиндонэнца. Можэт и друӷоря, учителёря и авэр мануша ԥэнэн лэнди, кай вся со жундо пэ ԥув появисайля корко пэстар. И инке пала када вонэ адинон андэ ӷазеты чи андо интернето. Ай кода, со годявэрнэс доԥэнэн, кай исин Дэл, вонэ почти на ашунэн. Варикасти фартэ на чалёл, сар андярэн пэс и барэ мануша анда веры, савэ жадни пэ ловэ и пэ власть. Ай инке и правительства андэ дэсавэ страны, на мэкэн вся тэ терэн, со трэбуй важ и веры.

3. Сави цэль андэ кадэя статья?

³ О Иисусо приԥэндя: «Жан кай всаворэ народоря, сытярэн лэ манушэн, кай вонэ тэ авэн ученикоря» (Матфея 28:19). Сар тэ поможысарас лэ манушэнди, савэ на патян андо Дэл, тэ сытён тэ любин лэ Дэвлэс и тэ ашэн лэ Христостирэ ученикоря? Трэбуй тэ полас, о мануш ашунэл амэн чи най, нэ зависит кодэлэстар, катар во сыно. Например, кодэва, ко вибареля андэ Европа, можэт тэ шол сама пэ амарэ алава совсем най кадя, сар кодэва, саво вибареля андэ Азия. Васо? Важ кода кай андэ Европа бут ко хоть варисо ӷанэн важ и Библия и кай исин Создателё. Ай андэ Азия бут мануша почти нисо на ӷанэн важ о Дэл и на патян, кай исин Создателё. Кадэя статья поможыя амэнди тэ росԥэнас важ о Дэл кадя, кай тэ зажал андо ди и нэ зависит кодэлэстар, катар вонэ.

ГИНДОН КАДЯ: «КОДЭЛА, КО НА ПАТЯН АНДО ДЭЛ, ПАРУДЁНА!»

4. Васо важно тэ гиндон, кай кодэла, ко на патян андо Дэл, парудёна?

⁴ На умэкэн и вас. Кажно бэрш кодэла, ко май англал на патянас андо Дэл, ашэн лэ Иеговастирэ свидетеля. Дэсавэ андар лэндэ ужэ варисостэ приритярдёнас, но лэнди фартэ на чалёлас, сар найдраго пэс андярэнас и мануша андэ веры. Ай авэр андярэнас вэрыто жызня и бутэндэ андар лэндэ сас найлашэ привычки. Сар дицол, кати лэ Иеговастирэ зорэса можно тэ виарақэс кодэлэн, «кас цырдэлас каринг о чачимос, саво дэл вечно жызня» (Деяния 13:48; 1 Тимофею 2:3, 4).

5. Васо часто и мануша виашунэн амэн?

⁵ Стон патив и драго дэн дума. Ай камэла о мануш амэн тэ виашунэл чи най, часто зависит най кодэлэстар, со амэ росԥэнас, ай кодэлэстар, сар амэ росԥэнас. Лэ манушэнди чалёл, кала лэнца дэн дума пативалэс и анда оди роспушэн. Амэ на камас, кай вонэ тэ гиндон кадя сар амэ. Амэ старысавас тэ полас, со вонэ гиндон пала всаворэ веры и васо. Дэсавэ мануша на камэн тэ дэн дума пала веры лэ манушэнца, савэн на ӷанэн. Варико гиндон, кай када найшукарнэс, кала пушэс лэ манушэстар, со во гиндой важ о Дэл. Ай дэсавэнди лажаво кодэлэстар, кай лэн моӷут тэ диқэн, сар лэнди адинон варисо анда Библия, и особенно, если када лэ Иеговастирэ свидетеля. Ӷлавно, трэбуй тэ гиндосарас, со по ди кодэлэндэ, касти амэ росԥэнас важ о Дэл (2 Тимофею 2:24).

6. Васо ԥэнэса, кай о Павло дэлас дума кадя, сар чалёлас лэ манушэнди, и со амэ анда када сытювас?

⁶ Ай, со если амэ диқас, кай кодэлэсти, каса амэ дас дума, на чалён кацавэ алава, сар «Библия», «создании», «Дэл» чи «вера»? Тоди амэ можэм тэ сытювас кай о апостоло Павло, и тэ дас дума кадя, сар чалёл лэ манушэсти. Кала о Павло дя дума лэ иудеёнэнца, во «дя дума лэнца па Писании». Ай кала во дэлас дума андо Ареопаго лэ ӷреческонэ манушэнца, савэ гиндонас, сар и мануша, савэ на полэнас лэ Иеговас, во на дэлас дума ворта анда Писания (Деяния 17:2, 3, 22—31). Сости амэн сытярэл кода, со терэлас о Павло? Кала амэ диқас манушэс, важ саво и Библия най авторитето, фэдэр авэла ворта тэ на дас дума анда Библия. Кала ту камэс тэ проадинос варисо анда Библия кодэлэсти, каса дэс дума и полэс, кай лэсти авэла лажаво, кай авэр када диқэна, фэдэр заадиносар и стихоря анда телефоно чи анда планшэто.

7. Со поможыя амэнди тэ терас кадя, сар пистросардя о Павло андэ 1 Коринфянам 9:20—23?

⁷ Виашунэн лэ манушэс и старыинпэ тэ полэн лэс. Трэбуй тэ старысавас тэ полас, сар гиндон и мануша, савэн амэ диқас андэ служэния, и тэ полас, васо вонэ кадя гиндон (Притчи 20:5). Диқам, со инке терэлас о Павло. Во бареля машкар иудеёря, и важ када, кала росԥэнэнас и лащи весть лэ манушэнди анда авэр народоря, лэсти трэбуй сас тэ полэл, сар вонэ гиндон. Васо? Важ кода кай вонэ почти нисо на ӷанэнас пала Иегова и пала Свынто Писания. Кала амэ камас май драго тэ полас лэ манушэн, савэ жувэн пэ тиритория кай амари собрания, трэбуй лэн май драго тэ уӷанас или тэ мангас совето кодэлэндар, ко най ек бэрш росԥэнэн важ о Дэл. (Адиносар 1 Коринфянам 9:20—23d.)

8. Сар можно тэ залэс тэ дэс дума манушэса пала Библия?

⁸ Амэ камас тэ виарақас «кодэлэн, ко ашэл» (Матфея 10:11). Важ када амэнди трэбуй тэ поможысарас лэ манушэнди тэ виԥэнэн пэско гиндо и драго лэн тэ виашунас. Ек ԥрал, саво жувэл андэ Англия, пушэл лэ манушэндар пала кода, сар андо ери тэ авэн бахталэ, и сар тэ барярэн лэ бэятонэн чи со тэ терэн, кала тумэнца обжылэпэ найсправедливо. И кала во виашунэл лэ манушэс, во ԥэнэн: «Сар ту гиндос, поджала кадэва совето, савэсти почти 2 000 бэрша?» Посли када, во нисо на дэл дума пала Библия, и сыкавэл анда телефоно и стихоря, савэ трэбуй.

РОСԤЭНЭН КАДЯ, КАЙ ТЭ ЗАЖАЛ АНДО ДИ

9. Сар тэ поможыс лэ манушэнди, савэ на камэн тэ ашунэн важ о Дэл?

⁹ Со тэ терас, кай тэ зажал андо ди лэ манушэнди кода, со росԥэнас, савэ на камэн тэ ашунэн важ о Дэл? Можно тэ подэс дума пала кода, со лэнди чалёл. Например, бутэнди чалёл и природа. Можно тэ залэс дума кадя: «Тумэ ӷанэн кода, со придумали и изобретателя, вонэ сытелэ, кай диқлэ када андэ природа. Например, кодэла, ко стердэ и микрофоноря, вонэ май драго уӷанэн, сар стердо о кан, ай кодэла, ко стердэ и фотокамеры кадяжэ май драго уӷанэн, сар стерди и як. Сар па тумарятэ ляпэ вся, со жундо? Ляпэ корко пэстар, варико кадя закамля чи варисар инке?» Кала драго виашундян, со о мануш ԥэндя, ту можэш тэ ԥэнэс: «Кала инжынероря уӷанэн, сар стердо о кан чи и як, кастар вонэ када сытён? Манди чалелэ еқэ манушэстирэ алава, саво жувэлас варикала: „Хэба кодэва, ко создал о кан, на ашунэл? Хэба кодэва, ко создал и як, на диқэл? ...[Во] кодэва, ко дэл лэ манушэнди тэ ӷанэн“. Кадэлэ алавэнца соӷласни и дэсавэ учони» (Псалом 94:9, 10). Посли када можно тэ сыкавэс ек видео анда рубрика «Взгляд на происхождение жизни» по сайто jw.org^®. (Диқэн и вкладка ПУБЛИКАЦИИ > ВИДЕО > ИНТЕРВЬЮ И СЛУЧАИ ИЗ ЖИЗНИ.) Инке можно тэ дэс лэ манушэсти брашура «Была ли жизнь создана?» чи «У истоков жизни. Пять вопросов, которые требуют ответа».

10. Сар инке можно тэ залэс дума кодэлэнца, ко на камэл тэ ашунэл важ о Дэл?

¹⁰ Бут мануша камэн, кай тэ авэл май лащи жызня. Но бут даран, кай и ԥув на авэла или пэр латэ на авэла жызня. Ек разъездно надзирателё, саво служый андэ Норвегия шутя сама, кай и мануша на камэн тэ дэн дума важ о Дэл, ай часто лэнди чалёл тэ дэн дума пала кода, со терэлпэ андэ люма. Во доровкыийпэ манушэса и пушэл: «Сар ту гиндос, доаштяраса амэ и лащи время? Ко стерэла амари жызня май лащи, и политикоря, учони чи инке варико?» Кала во драго виашундя о атвето, во заадиной или просто росԥэнэн о стихо, андэ саво ԥэнэнпэ, саво лашимос авэла англэ. Дэсавэ удивинпэ, кала уӷанэн анда Библия, кай и ԥув авэла вся и время и лашэ мануша жувэна пэр латэ вечно (Псалом 37:29; Экклезиаст 1:4).

11. Васо андэ служэния амэнди трэбуй тэ дас дума по разному? Со амэ можэм тэ сытювас лэ Павлостар, сар пистромэ андэ Римлянам 1:14—16?

¹¹ Авелоп драго андэ служэния тэ дэс дума по разному. Васо? Важ кода кай и мануша разни. И со авэла интересно еқэсти, аврэсти можэт тэ авэл совсем най интересно. Варико най против тэ дэл дума важ о Дэл чи важ и Библия, ай варикаса фэдэр авэла тэ залэс дума дурал. Но всаек трэбуй тэ родас возможность тэ дас дума разнонэ манушэнца. (Адиносар Римлянам 1:14—16e.) Трэбуй тэ на бистрас, кай кати о Иегова поможый, кай о мануш май драго тэ полэл о чачимос, саво любий и праведность (1 Коринфянам 3:6, 7).

САР ТЭ РОСԤЭНАС ВАЖ О ДЭЛ ЛЭ МАНУШЭНДИ, САВЭ АНДА АЗИЯ?

12. Сар можно тэ поможыс лэ манушэнди, савэ анда Азия, савэ никала на загиндонаспэ важ о Создателё?

¹² Андэ дэсавэ Азиатски страны и мануша на загиндонпэ, кай исин Создателё. Па вся и ԥув и вазвещятеля диқэн лэ манушэн, савэ анда Азия, кадяжэ анда кодэла страны, кай и власти на мэкэн тэ терэн дэсави дила андэ пэстири вера. Дэсавэнди андар лэндэ интересно и вонэ сразу камэн тэ сытён па Библия, ай дэсавэ май англал на камэн тэ прилэн варисо нэво. Сар лэнди тэ поможысарас? И вазвещятеля, савэ драго ӷанэн тэ росԥэнэн важ о Дэл ԥэнэн, кай драго авелоп тэ залэс лэнца дума важ варисо, со интересно и тэ сыкавэс, кай ту камэс пала када тэ дэс дума. Ай посли кода, если вижала, тэ росԥэнэс, сар тути поможысардя варисаво библейско принцыпо.

13. Со поможыя лэ манушэсти тэ ашэл интересно и Библия? (Диқэн и картинка пэ обложка.)

¹³ Бутэ манушэнди чалёл кода, кай и Библия поможый всаворэнди (Экклезиаст 7:12). Акэ, со росԥэнэн ек ԥэй, сави андо Нью-Йорко росԥэнэн важ о Дэл лэ китайцонэнди: «Мэ старысавав анда вся оди тэ уӷанав пала лэндэ и тэ виашунав. Если вонэ найдэлмут авелэ андэ амари страна, мэ пушав „Сар тумэнди катэ? Ужэ арақлэ бути? Тумэнца катэ драго обжанпэ?“» Кала вой кадя терэл, када поможый лати тэ росԥэнэн варисавэ гиндоря анда Библия. Если када поджал и ԥэй пушэл: «Со па тумарятэ поможый тэ ладин аврэнца? Если можно мэ проадиносарава алава анда Библия: „Сар залэн тэ споринпэ, када кадяжэ, сар прошындёл о паи. Ужа май йто, пока вой на ашэля май бари“. Сар тумэнди здэлпэ, поможыя кадэва совето тэ ладин аврэнца?» (Притчи 17:14). Кала кадя дас дума, када поможый тэ арақас кодэлэн, ко камэла амэнца тэ подэл дума инке еқвар.

14. Сар ек ԥрал поможый лэ манушэнди, савэ на патян андо Дэл?

¹⁴ Сар тэ дас дума кодэлэнца, ко ԥэнэн, кай на патял андо Дэл? Акэ со ԥэнэн ек вазвещятелё, саво служый лэ Иеговасти бут бэрша. Во росԥэнэн важ о Дэл лэ манушэнди, савэ на патян андо Дэл, савэ жувэн андэ ек страна, сави по Дальнё Востоко. Во росԥэнэн: «Кала и мануша, савэ катэ жувэн ԥэнэн: „Мэ на патяв андо Дэл“, када сыкавэл, кай вонэ на патян андэ дэвла андэ веры, савэ котэ исин. Важ када мэ вся и время шав сама пэ кода, кай и дэвла най чачунэ, важ кода кай лэн вигиндосардэ и стердэ и мануша. И часто заадиносарав Иеремия 16:20: „Можэт о мануш тэ стерэл пэсти дэвлэн? Кода, со во терэл совсем най дэвла“. Потом мэ пушав: „Сар можно тэ полэс, кай о чачуно Дэл, ай кай кодэва дэл, савэс стердэ и мануша?“ Мэ драго виашунав, со ԥэнэна, ай тоди проадиносарав Исаия 41:23: „Росԥэнэн пала кода, со авэла май англэ и амэ поласа, кай тумэ дэвла“. Посли када мэ сыкавав, сар исполнисайля ек анда лэ Иеговастирэ пророчества».

15. Саво лашо примеро сыкадя о ԥрал анда ек восточноазиатско страна?

¹⁵ Ай акэ со росԥэнэн о ԥрал анда ек восточноазиатско страна, кала во авэл до дуйто кай и мануша. Во ԥэнэн: «Мэ сыкавав, савэ годявэрнэ советоря исин андэ Библия, мэ росԥэнав пала пророчества, савэ исполнисайлэ, инке росԥэнав пала природа, пала ԥув, пала черӷая и пала планеты. Посли када мэ росԥэнав лэнди, сар вся када сыкавэл лэ Дэвлэстири мудрость. И кала о мануш хоть набут патял андо Дэл, мэ сыкавав лэсти, со ԥэнэнпэ андэ Библия пала Иегова».

16. а) Васо сар пистромэ андэ Евреям 11:6, трэбуй тэ патяс лэ Дэвлэсти и ла Библияти? б) Сар тэ поможысарас андэ када кодэлэнди, кас сытярас па Библия?

¹⁶ Кала сытярас па Библия лэ манушэс, саво на патял андо Дэл, трэбуй вся и время тэ поможысарас, кай во тэ патял, кай о Дэл исин. (Адиносар Евреям 11:6f.) Инке трэбуй тэ поможысарас, кай во тэ патял кодэлэсти, со пистромэ андэ Библия. Важ када трэбуй най еқварэс тэ дас дума пала ек гиндо. Можэт кажно разо, кала сытярэс па Библия, трэбуй авэла тэ сыкавэс кода, со доԥэнэн, кай и Библия, лэ Дэвлэско Алав. Например, можно по набут тэ дас дума, сар исполнисайлэ и пророчества анда Библия, и сар и Библия сжалпэ ла наукаса и кодэлэса, со сас варикала и сар и советоря андар латэ поможын андэ жызня кажно дес.

17. Сар амари любовь можэт тэ поможый лэ манушэнди тэ патян андо Дэл?

¹⁷ Кай тэ поможыс лэ манушэсти тэ ашэл лэ Христоско ученико, трэбуй тэ обжаспэ лэса с любовью, и всаек патял во андо Дэл чи най (1 Коринфянам 13:1). Кала амэ сытярас лэ манушэс па Библия трэбуй, тэ поможысарас лэсти тэ патял, кай о Дэл амэн любий и камэл, кай амэ тэ любисарас лэс. Кажно бэрш тысячи мануша, савэ варикала на патянас андо Дэл, болдён, важ кода кай линэ тэ любин лэ Дэвлэс. Важ када на умэкэн и вас. Шон сама всаворэн манушэн, и на диқэн пэ кода, андэр со вонэ патян. Виашунэн лэн. Старыинпэ лэн тэ полэн. Мэк вонэ диқэн па тумари дила, со када тэ авэс лэ Христоско ученико.