Тэ росԥэнас важ о дэл инке май драго. Сытяр лэ манушэс па книжка «Сохраняйте себя в Божьей любви» кадя, кай тэ дожал каринг лэско ди

ВАСО КАДА ФАРТЭ ВАЖНО? И мануша трэбуй тэ ӷанэн лэ Иеговастирэ законоря и принципоря и тэ жувэн пар лэндэ, кай лэ Дэвлэсти тэ чалёл, сар вонэ лэсти тэлён (Иса 2:3, 4). Книжка «Божья любовь», када дуйто книжка, па сави сытярас лэ манушэн. Вой дэл помощь, кай и мануша тэ полэн, сар кажно дес тэ жувэн па лэ Дэвлэстирэ принципоря (Евр 5:14). Кала амэ сытярас, трэбуй тэ дас дума кадя, кай лэ манушэнди тэ дожал каринг оди. И тоди вонэ анда вся оди закамэна варисо тэ парувэн андэ пэсти жизня (Рм 6:17).

САР КАДА ТЭ ТЕРЭС:

• Трэбуй тэ гиндосарэс, сар ту авэса тэ сытярэс и со трэбуй важ о мануш, саво сытёл. Пуш, со во гиндосарэл пала кода, со уӷанэн. Када дэла тути тэ полэс, саво лэстэ гиндо и со лэстэ по ди, кала прожан кадэя книжка (Пр 20:5)

• Роздиқэн и рамки анда книжка, кай кодэва, ко сытёл, тэ полэл, кай и библейски принципоря фартэ важни

• Кала нинай законо, саво ворта ԥэнэн со тэ терас, тоди сытяр лэ манушэс кадя, кай во екжэно тэ витидэл, со тэ терэл и ту на витидэ важ лэстэ (Гл 6:5)

• Тер вся, кай тэ полэс: трэбуй тэ дэс помощь чи най кодэлэсти, ко сытёл, кай во тэ терэл па библейски принципоря. Стер када май ковлэс и ԥэн мэк сэрэл, кай и любовь каринг о Иегова дэла помощь тэ парудёл (Пр 27:11; Ин 14:31)