Сар о Иегова фэрий амэн?

1. Васо о Иисусо мангля лэ Иеговас, тэ фэрий лэстирэ учениконэн?

АНДЭ послиднё дес андэ пэстири жызня о Иисусо гиндояс пала ԥаримос, саво авэла кай лэстирэ ученикоря. Во любияс пэстирэ друӷонэн важ када во мангэлас пэстирэ Дадэс, кай во тэ фэрий лэн лэ Сатанастар (Иоан. 17:14, 15). О Иисусо ӷанэнас, кай о Сатана на парашэла тэ жал войнаса пэ всаворэ, ко камэл тэ служый лэ Иеговасти. Важ када лэ Дэвлэстирэ служытелёнэнди трэбуй сас, кай лэн тэ фэрий о Иегова.

2. Васо амэ точно ӷанас, кай о Иегова ашунэла амари молитва, кай тэ фэрий амэн?

² О Иегова ашунгля лэ Иисусостири молитва, важ кода кай во лэс фартэ любий. Если амэ ласа тэ терас вся, кай о Иегова тэ лошавэл, во лэла и амэн тэ любий, тэ ашунэн амарэ молитвы и тэ фэрий амэн. О Иегова любящё Дад, важ када во никала на парашэла тэ заботийпэ пала пэстирэ бэяцэ. Ай если во кадя на линоп тэ терэл, тоди авэр гиндосардоп, кай во на диқэл пала лэндэ.

3. Васо амэнди трэбуй, кай о Иегова тэ фэрий амэн?

³ Акана андэ амари время амэнди фартэ трэбуй, кай о Иегова амэн тэ фэрий, важ кода кай о Сатана сас сшуто па нэбо и во «фартэ холинако» (Отк. 12:12). О Сатана стердя кадя, кай и мануша тэ гиндон, кай вонэ терэн «свынто служэния лэ Дэвлэсти», кала на дэн амэнди тэ служысарас лэ Иеговасти (Иоан. 16:2). Ай кодэла, ко на патян андо Дэл вэрыцын амэн, важ кода кай амэ най кацавэ, сар и мануша андэ кадэя люма. Но сар бы тэ на авэл, амэ на дарас лэндар. Васо? Важ кода кай андэ Библия ԥэнэнпэ: «О Ӷосподо никала на ашавэла, во дэла зор и фэрия тумэн лэ Сатанастар» (2 Фес. 3:3). Но сар о Иегова амэн фэрий? Подаса дума пала када андэ кадэя статья.

УТИДЭНПЭ, САР ЛЭ ДЭВЛЭСТИРЭ ВОИНОРЯ

4. Со дя амэнди о Иегова, кай тэ фэрий амэн, сар ԥэнэнпэ андэ Эфесянам 6:13—17?

⁴ Можно тэ ԥэнэс, кай о Иегова дя амэнди ӥда, сави амэн фэрий лэ Сатанастар. (Адиносар Эфесянам 6:13—17.) Кадэя ӥда састи и надёжно. Но кай во тэ фэрий амэн, амэнди трэбуй тэ лас пэр пэстэ вся, со каринг латэ жал, и кай вой вся и время тэ авэл пар мэндэ. Подаса дума пала када май драго.

5. Со сыкавэл и кущик и васо амэ трэбуй ла тэ ԥиравас?

⁵ И кущик, када о чачимос пала Дэл, саво исин андэ Библия. Но васо амэнди трэбуй тэ ԥиравас кадэя кущик? Важ кода кай о Сатана «дад лэ хохаимаско» (Иоан. 8:44). И важ кадэла тысячи бэрша, во сытеля фартэ драго тэ хохавэл. Во «обхохавэл всаворэн, ко жувэл пэ ԥув»! (Отк. 12:9). Но амэн во нэ сможэт тэ обдилярэл. Амэ кабута лям тэ ԥиравас кадэя кущик, кала уӷанглям о чачимос пала Иегова, кала лям тэ служысарас лэсти кадя, сар во амэнди ԥэнэн через пэско свынто духо и через Библия и кала ни андэр со на хохавас (Иоан. 4:24; Эф. 4:25; Евр. 13:18).

6. Со када саструни жылетка и васо амэ трэбуй ла тэ ԥиравас?

⁶ Если амэ прилас лэ Иеговастирэ законоря андэ пэстири жызня и жувас, сар во ԥэнэн, тоди амэ кабута лас пэр пэстэ и саструни жылетка. И саструни жылетка фэрий лэ воиноско ди. Кадяжэ и амэн фэрий лэ Дэвлэско законо, кала амэ жувас пар лэстэ. Тоди амэ фэрисараса амари дружба лэ Дэвлэса (Прит. 4:23). О Иегова камэл, кай амэ тэ любисарас лэс и тэ служысарас лэсти анда вся оди (Матф. 22:36, 37). Но о Сатана камэл, кай амэ тэ терас када най всаворэ одеса. Во камэл, кай амэ тэ любисарас кода, со андэ кадэя люма, и со вэрыцый о Иегова (Иак. 4:4; 1 Иоан. 2:15, 16). Ай кала кай о Сатана када на вижал, во камэл тэ шол дар андар мэндэ, кай тэ ашавас лэ Иеговас.

7. Со сыкавэл тэ лас пэр пэстэ и саструни жылетка?

⁷ Амэ сыкавас, кай лас пэр пэстэ кадэя саструни жылетка, кала жувас кадя, сар о Иегова сытярэл амэн. Кати во можэт тэ ԥэнэн со лашо, ай со най (Пс. 97:10). Но дэкасти здэлпэ, кай тэ жувас па лэстирэ законоря найвушэро. Со авелоп, если о воино андэ само опасно маменто тэ злэл пар пэстэ и саструни жылетка? Када авелоп найгодявэрнэс и во моӷ тэ хасарэл пэстири жызня. Важ лэ Иеговастирэ мануша лэско законо найԥаро, важ кода кай во фэрий и жызня (1 Иоан. 5:3).

8. Со сыкавэл тэ лас пэ пэрнэ и сандаля?

⁸ О Павло кадяжэ ԥэндясас, тэ лас пэ пэрнэ и сандаля, када кала амэ росԥэнас пала Дэл. Кала амэ жас тэ росԥэнас пала лэ Дэвлэско Царство, кадя амэ лас май фартэ тэ патяс лэ Иеговасти. И сар драго тэ диқас, кай лэ Иеговастирэ служытеля виарақэн любо маменто, кай тэ росԥэнэн пала лэстэ аврэнди. Вонэ када терэн пэ бути, андэ школа или па цэра. Кадяжэ вонэ росԥэнэн пала Дэл котэ, кай и мануша терэн бути, кала ԥирэн андо маӷазино, кала жан кай о родо, саво на служый лэ Иеговасти. И инке лэ Дэвлэстирэ служытеля росԥэнэн пала лэстэ дажэ тоди, кала нэ моӷут тэ вижан анда цэр. Но если ласа тэ дарас и парашаса тэ росԥэнас пала лэ Дэвлэско Царство, тоди амэ шасапэ по воино, саво андэ само опасно маменто злэл па пэрнэ и сандаля. Кадя во можэт тэ шынэн пэсти о пэрно, и тоди лэ вороӷости авэла май вушэро лэс тэ умарэл.

9. Васо амэнди трэбуй тэ лас о баро щито?

⁹ Баро щито, када кала патяс лэ Иеговасти. Амэ патяс кай о Дэл стерэла вся, пала со дя алав. И если амэ патяс, кадя амэ сможэм тэ одмарас лэ Сатанастирэ стрелы ягаса. Но состэ амэнди трэбуй баро щито? Если во амэндэ исин, тоди и отступникоря на обхохавэна амэн, и амэ на ласа тэ дарас и тэ пэрэжываем, кала и мануша асанпэ кодэлэстар, андэр со амэ патяс. Кала амэ патяс лэ Иеговасти, када дэл зор амэнди тэ на жас против лэско законо. И вера андо Дэл поможый амэнди тэ зашаспэ пала лэстэ, кала пэ бути или андэ школа асанпэ лэстар (1 Пет. 3:15). Кадяжэ вой можэт тэ поможый тэ отԥэндювас ла бутятар, сави залэла бут время, сави амэ трэбуй тэ отдас лэ Иеговасти (Евр. 13:5, 6). Кала амэ патяс лэ Дэвлэсти, када дэл зор амэнди тэ на парашас тэ служысарас лэсти, дажэ кала и мануша пар мэндэ тасавэн (1 Фес. 2:2).

10. Со када саструни стади и васо амэнди вой трэбуй?

¹⁰ И саструни стади, када кала гиндосарас и аштярас, сар о Дэл спасыя амэн. Амэ патяс, кай о Иегова блаӷословий всаворэн, ко кандэл лэс. И дажэ если лэско служытелё мэрэла, во рия лэс каринг и жызня (1 Фес. 5:8; 1 Тим. 4:10; Титу 1:1, 2). И саструни стади фэрияс о шэро лэ воиности. Кадяжэ амэн фэрий, кала амэ гиндосарас и аштярас кода, кай о Дэл спасыя амэн. Например, кала амэ аштярас о лашимос англэ, када поможый амэнди тэ виритярас любо ԥаримос. Амэ ԥэнэса, лас пэр пэстэ кадэя стади, кала старысавас тэ диқас пэ вся кадя, сар о Иегова. Например, кала надеисавас най по барвалимос, ай по Дэл (1 Тим. 6:17; Пс. 26:2; 104:34).

11. Со када мечо и сар во можэт тэ поможый?

¹¹ О мечо, када лэ Дэвлэско алав и Библия. Вой поможый амэнди тэ полас со хохаимос, ай со чачимос пала Дэл. И через и Библия амэ поможысарас лэ манушэнди тэ полэн када и тэ парувэн пэстири жызня андэ лащи риг (2 Кор. 10:4, 5; 2 Тим. 3:16, 17; Евр. 4:12). Кай май драго тэ росԥэнас лэ манушэнди пала Дэл, амэнди трэбуй тэ сытювас пэ собрания, сар май драго тэ пользуемся ла Библияса и тэ проандярас лично изучения (2 Тим. 2:15). Но о Иегова амэн фэрий най кати через ӥда, сави исин кай лэско воино. Ай сар инке во фэрий амэн?

АМЭ НАЙ ЕКЖЭНЭ

12. Сави инке амэнди трэбуй помощь и васо?

¹² Лашо воино ӷанэн, кай екжэно во нэ сможэт тэ вицэлэл и война. Лэсти трэбуй помощь кодэлэндири, ко лэса вмести пэ война. Кадяжэ и амэ на виритярдоп о ԥаримос, если амэнди тэ на поможысардоп и ԥрала и ԥэя, кай амэ тэ победисарас лэ Сатанас и кодэлэн, ко пэ лэстири риг. Сар дэ драго, кай о Иегова дя амэнди ԥралэн и ԥэян па вся и люма, савэ камэн тэ поможын амэнди андэ кадэя война (1 Пет. 2:17).

13. Сар поможын амэнди и ԥрала и ԥэя андэ собрания, сар ԥэнэнпэ андэ Евреям 10:24, 25?

¹³ Дэкала амэ всаворэ умэкас и вас, тоди амарэ ԥрала и ԥэя дэн амэнди зор, например, пэ собрания. (Адиносар Евреям 10:24, 25.) Амэнди драго тэ ашунас, кала вонэ дэн каминтарии анда вся оди, ай кадяжэ кала дас дума лэнца англа собрания или посли латэ (1 Фес. 5:14). Кадяжэ амэнди поможыя тэ на парашас тэ служысарас лэ Иеговасти и речи, савэ ԥэнэн и ԥрала пэ собрания, ай кадяжэ кала и ԥрала и ԥэя пэ собрания терэн задания пэ сцэна. Инке пэ собрания амэ сытювас, сар тэ поможысарас аврэнди тэ уӷанэн пала Иегова (Деян. 20:35; Рим. 1:11, 12). Например, пэ собрания амэ сытювас, сар май драго тэ пользуемся всаворэса, со дэл амари арӷанизацыя важ и служэния. Важ када трэбуй инке май драго тэ ӷотовимся каринг амарэ собрании, драго тэ ашунас, со котэ ԥэнэнпэ, ай тоди тэ прилас вся када андэ пэстири жызня. Если амэ ласа кадя тэ терас, тоди кажно андар мэндэ авэла «лашо воино кай о Иисус Христос» (2 Тим. 2:3).

14. Сар инке амэнди поможый о Иегова?

¹⁴ Инке амэн подритярэн милионоря анӷелоря. Погиндон, скати зор еқэ анӷелостэ (Ис. 37:36). Если ек кацаво дэ зорало, тоди со моӷут тэ стерэн милионоря анӷелоря? Када сыкавэл, кай нисаво мануш, ни и найвужэ нэ смоӷут тэ авэн май зоралэ лэ Иеговастар и лэстирэ анӷелонэндар. Ай если во амэнца, тоди амэнди най состар тэ дарас лэ вороӷонэндар, скати лэн тэ на авэл (Суд. 6:16). На бистрэн пала када, кала камэн тэ шон дар андэр тумэндэ пэ бути, андэ школа или о родо, саво на служый лэ Иеговасти. Сэрэн, кай тумэ най екжэнэ! Если тумэ кандэна лэ Иеговас, тоди во авэла пэ тумари риг.

АМЭ ӶАНАС, КАЙ О ИЕГОВА ФЭРИЯ АМЭН

15. Васо нико нэ сможэт тэ заставий, кай амэ тэ на росԥэнас пала Дэл, сар ԥэнэнпэ андэ Исаия 54:15, 17?

¹⁵ Амэ на ӷуляс андэ политика, на жас андэ халавдэ. Амэ росԥэнас пала Дэл, кай кати через лэско Царство пэ ԥув авэла мирно и драго и жувас па лэ Дэвлэско законо. Важ када о миро андэ кадэя люма вэрыцый амэн. Амэ на дарас тэ ԥэнас, кай о правителё андэ кадэя люма жэстоко, фартэ найлашо и хохавно (Иоан. 8:44). Кадяжэ амэ смило росԥэнас, кай лэ Сатанастири люма ӥто на авэла. Но о Сатана и кодэла, ко пэ лэстири риг, никала на заставина, кай амэ тэ парашас тэ росԥэнас пала Иегова и тэ ашавас лэс. Наоборот, амэ старысавас андэ любо маменто тэ росԥэнас пала Иегова и пала лэско Царство. Да, о Сатана зорало, но во никала на домардёла пэско, важ кода кай о Иегова поможый и фэрий амэн. (Адиносар Исаия 54:15, 17.)

16. Сар о Иегова фэрия пэско народо, кала авэла и само бари бида, сави инке никала на сас?

¹⁶ Со амэн аштярэл англэ? Кала авэла и само бари бида, сави инке никала на сас, о Иегова спасыя пэстирэ служытелёнэн, савэ на парашэн лэс тэ кандэн. Во дэла гиндо лэ манушэнди, савэ правин кадэла люмаса, кай вонэ тэ розмарэн о Вавилоно Велико, када и хохавнэ веры (Отк. 17:16—18; 18:2, 4). Потом во спасыя пэско народо, кала лэла тэ розмарэл лэ сатанастири люма андо Армагеддоно (Отк. 7:9, 10; 16:14, 16).

17. Сар амэнди поможыя, если амэндэ авэла лащи дружба лэ Иеговаса?

¹⁷ Если тумэндэ лащи дружба лэ Иеговаса, тоди о Сатана нисо нэ сможэт тумэнди тэ стерэл, ай лэс о Иегова умарэла пэ вся и вечность (Рим. 16:20). Важ када лэн пэр пэстэ и ӥда, андэ сави утидо лэ Дэвлэско воино и вся и время ԥирэн андэр латэ! На гиндон кай тумэ екжэнэ, подритярэн лэ ԥралэн и лэ ԥэян и кандэн лэ Иеговас. Тоди тумаро Дад о Иегова, саво фартэ тумэн любий, подритярэла тумэн и фэрия (Ис. 41:10).