BIBLIOTEK Udia pa Kapend
BIBLIOTEK
UDIA PA KAPEND
Uruund
  • BIBIL
  • MIKAND
  • YIKUMANGAN
  • w07 1/4 p. 4 ​-​ p. 7 par. 11
  • Manans Majim ma Buku wa Isay—Chikunku cha Kaad

Kwikil video ukimbina

Video winou umukimbinap amboku nawamp.

  • Manans Majim ma Buku wa Isay—Chikunku cha Kaad
  • Chinong cha Kalam Chilejen Want wa Yehova—2007
  • Tumitu twa milong
  • Yom Yifanakena
  • “TAL, MU MACHUKU MAKWEZA”
  • (Isay 36:1–39:8)
  • “MUTUNGIRILANY YERUSALEM”
  • (Isay 40:1–59:21)
  • UKEZ “KIKAL MUDI CHIBANGUL CHA UFUN”
  • (Isay 60:1–66:24)
  • “Sangarany ni Kuzangijal”
  • Manans Majim ma Buku wa Isay—Chikunku cha Kusambish
    Chinong cha Kalam Chilejen Want wa Yehova—2007
Chinong cha Kalam Chilejen Want wa Yehova—2007
w07 1/4 p. 4 ​-​ p. 7 par. 11

Dizu dia Yehova Didi Diom

Manans Majim ma Buku wa Isay—Chikunku cha Kaad

ISAY usadil mudimu wend wa uprofet ni kushinshaman. Yom yalonday pantaliken nich want wa Isarel wa tubil dikum yawanyina kal yawonsu. Katat ukwet yom yikwau piur pa dikez dia Yerusalem.

Musumb wa Yerusalem ukusheshik, ni antu ashichamu akez kuyitwal mu uyong. Pakwez kusheshik kukezap kwikal kwa chikupu. Kupwa kwa kusut kwa chisu, difukwil diakin akez kudichirish kand. Wawiy winou uruu ujim udia mu Isay 36:1–66:24.a Tukutwish kwisakin ku kushinshikin yom yilondilau mu mashapitre minam mulong uprofet uvud udia mu chikunku chinech uwanyidin nakash-nakash pa chirung chetu ap ukuwanin mu machuku makemp madia kurutu oku. Chikunku chinech cha buku wa Isay chikwet kand uprofet usangareshina piur pa Mesia.

“TAL, MU MACHUKU MAKWEZA”

(Isay 36:1–39:8)

Mu muvu wa 14 wa winyikel wa Mwant Ezekias (732 K.C.C.), in Asiri eza kurish njit ni Yuda. Yehova washilamu kuchidij Yerusalem. Chak cha in kuyandamin chapwa chisu mwangel umwing kusu wa Yehova, wayijipa amasalay in Asiri 185 000.

Ezekias wayela. Yehova wakula ku malembil mend ni wamwoka, wamuwejinaku mivu 15 ku mwom wend. Chisu chatumay mwant wa in Babilon aruu end kumulangwish, Ezekias waburena kubabal wayilej mapit mend mawonsu. Isay wamuleja Ezekias uruu wa Yehova, anch: “Tal, machuku makweza yom yawonsu yidia mu chikumbu chey, ni yom yawonsu yapitau angakiriley kushik ni katat, akez kayisend kuya nich ku babilon.” (Isay 39:5, 6) Kusut kwa mivu piswimp 100, uprofet winou wawanyina.

Yakul ku Yipul Yipwilau Piur pa Bibil:

Isay 38:8—Yik yadinga “yintampu” pachirika urel? Kusambish mu mivu yitot chinan K.C.C., in Idjibit ni in Babilon adinga ni kusadil yipim ya chisu cha muten, yintampu yiney yifanyidin kwikal yilik ya mutond wa kutadil chisu wasalay Akaz, tatukwend a Ezekias. Ap yadinga yintampu ya chikandamin chadinga mu chikumbu cha want. Pamwing ap dinguj diatekau ku yikandamin diadinga dikwet yijingidij yilejena mutapu yintampu ya urel, yadinga nikulejan chisu.

Malejan Kudi Etu:

Isay 36:2, 3, 22. Ap anch amulikisha kusal mudi kashalapol, Shebina wadandamena kumusadil mwant mudimu mudi kalerik wa kashalapol wa mwant. (Isay 22:15, 19) Anch atudiosh chisend kanang mu dirijek dia Yehova mulong wa diyingishin kanang, ov, tukutwishap kudandamen kumusadil Nzamb mu mutapu windjing usotilay?

Isay 37:1, 14, 15; 38:1, 2. Mu yisu ya mar, chidi cha manangu kukarumukin kudi Yehova mu malembil ni kumuchingejin ching kusu ndiy.

Isay 37:15-20; 38:2, 3. Chisu chadingay Yerusalem mu chak cha in Asiri, Ezekias wakama cha kusambish anch kuwa kwa Yerusalem kudi kukwatish dijin dia Yehova usany. Pateshay anch mayej mend makumushikij ku rufu, Ezekias wabangina yom yivud kupandakanamu kwiyakamish pa mulong wend amwinend. Chom chabanginay nakash mu manangu mend chadinga chibudikin cha kufa kwend pakad kusha nswan piur pa ant answan a mu dijuku dia David. Wabangina kand piur pa ukeza kutakel njit pantaliken nau in Asiri. Mudi Ezekias, tumen kutumb kwa dijin dia Yehova ni kuwanyin kwa kushilamu kwend anch kudi kujim nakash kupandakanamu kupand kwetu ayinetu.

Isay 38:9-20. Muminy winou wa Ezekias utulejin anch kwikil chom chipandikenamu mu mwom mudi kumushiman Yehova.

“MUTUNGIRILANY YERUSALEM”

(Isay 40:1–59:21)

Kapamp kamwing kwinyim kwa kulejan kusheshik kwa Yerusalem ni kuya mu uyong mu Babilon, Isay wabwaka kand piur pa kumutungiril kand. (Isay 40:1, 2) Isay 44:8 ulondil anch: “Mutungirilany Yerusalem.” Anzamb akish a in Babilon akez kuyidjibwil kwa mudi “chisend.” (Isay 46:1) Babilon akez kumushesh. Yom yiney yawonsu yasadika kwinyim kwa mivu yitot yaad.

Yehova ukez kumupan kashalapol wend mudi “kutok ku michid yawonsu.” (Isay 49:6) “Maur” ma in Babilon, ap anch chisak cha in kuyikel, makez “kapwok mudi diswin,” ni antu end “akez kafa mudi angej”; pakwez ‘changadim muyong wa ku Sion ukez kwisumburil moj mwi nshing yend.’ (Isay 51:6; 52:2) Yehova uyilejin antu ezina kudi ndiy ni kumutesh anch: “Nikez kasuk ni yenen manswik ma chikupu, nikez kakwinkishany yiyukish yinamushilamu David.” (Isay 55:3) Kushakam kukwatijan nich yijil yitentamina ya Nzamb kukat kutwal ku kutan ‘musangar mudiay Yehova.’ (Isay 58:14) Chidi ‘mulong wa yitil ya antu’ chawiy, chasala kwikala kwaurik ni Nzamb.—Isay 59:2.

Yakul ku Yipul Yipwilau Piur pa Bibil:

Isay 40:27, 28—Ov, mulong wak Isarel walonda anch: “[Yehova] kijap mar metu. Kabanginap kwend dirumburish dietu diyimp”? In Yuda amwing adinga mu Babilon iyova anch kuburen kutentam kwadinga kurishinau nich, Yehova kadingap ukwija ap anch kadingap umena. Chading chifanyidin kuyivurish anch Babilon kadingap umupandikenamu Sakatang wa mangand wakad kuziyang ap kudiuril.

Isay 43:18-21—Ov, mulong wak wayilejau ayong achirishau anch ‘kangal wavurikany yom yasuta kal’? Chinech chadingap chirumburikina anch ading afanyidin kuvuramen yisal ya pasak ya Yehova ya dipandish. Pakwez, Yehova wayisota anch amutumbishina pa “chom chisu” chikwimenau ayinau, mudi weny wau uwamp wa kuya ku Yerusalem, pamwing kusutil mwi njil ya mwi mpay. “Chisak chipandikena kujimb” chidiokila “mu mar makash” chikez nichawiy kwikal ni untu ni mayingishin masu ma kumushiman Yehova.—Kuburik 7:9, 14.

Isay 49:6—Ov, mulong wak Mesia udi “kutok ku michid yawonsu,” ap anch mudimu wend wa pansh wausala ching kusu kudi an a in Isarel? Mwamu chidia mulong wa yom yashikena kwinyim kwa rufu ra Yesu. Bibil usadidil Isay 49:6 piur pa in kwilej end. (Midimu 13:46, 47) Ilel, in Kristu azizidilau many, akwashinau kudi chisak chipandikena kujimb cha in kwifukwil, adi mudi “kutok ku michid yawonsu,” kuyimunyikina antu djat ni “kwisudiel kwa mangand.”—Mateu 24:14; 28:19, 20.

Isay 53:10—Mu mutapu ik mwasotay Yehova anch Mwanend amana mar? Chakin kamu chading chifanyidin kumunenganesh Yehova, Nzamb mwin riy ni mwin ranaken, pa kumuman Mwanend mukatish umen mar. Ap mwamu, Ndiy wasangera mu kuziyil kwa kwisotil ni muyawonsu yawanisha mar mend ni rufu ra Yesu.

Isay 53:11—Chidi kusutil ku ronganyin ik kukezay Mesia ‘kusal anch antu avud ikal in kutentam’? Ridi ronganyin rakay Yesu pezay pansh, wikala muntu, ni wamana mar ni rufu rakad kutentam. (Hebereu 4:15) Kupwa waleta chakupesh cha difut, diadinga diswiridikina mulong wa kuyikwash in Kristu azizidilau many ni chisak chipandikena kujimb chikweta mwikadil utentamina kurutu kwa Nzamb.—Rome 5:19; Yakobu 2:23, 25.

Isay 56:6—Anany adia “angez,” ni mwi njil ik mukwetau “kashinsh ka kulam manswik [ma Yehova]”? “Angez” adi “amikoku akwau” a Yesu. (Yohan 10:16) Akwet kashinsh ka kulam manswik masu mulong awiy akat kuziyil ku yijil yambatena nich manswik minam, akat kusal nakash kwambatan nich yitenchik yisadilau yikwatijadina nich, adiling yakudia yawiy yimwing ya mu spiritu mudi mudilingau in Kristu azizidilau many, ni kuyikwash mu mudimu wa kulejan Want ni mu mudimu wa kwikadish in kwilej.

Malejan Kudi Etu:

Isay 40:10-14, 26, 28. Yehova udi mukash ni muwamp, mwin dikand diawonsu ni mwin manangu, ni mwin chovu chikash kutupandakanamu.

Isay 40:17, 23; 41:29; 44:9; 59:4. Manswik ma chipolitik ni akish yidi ya ‘chamwamu.’ Kwikil usey ap ukemp wa kuyichingejin.

Isay 42:18, 19; 43:8. Kudiul Dizu dia Nzamb diafundau ni kujik matu metu ku malejan mend matwinkishinau kusutil kudi “Kashalapol ushinshamena ni kubabal” kudi kwikal mputames ni kajikamatu mu spiritu.—Mateu 24:45.

Isay 43:25. Yehova ukat kuyilikishin antu end yitil yau mulong wend amwinend. Kukolik kwetu mu usuk wa chitil ni rufu ni kwak mwom yezin pa ndond ya kaad kwilikej nich kutumbish dijin dia Yehova.

Isay 44:8. Tukwet ukwash wa Yehova, udia mukash ni ushinshamena dang mudi diyal. Kitufanyidinap kwov wom wa kulejan uman piur pa Winzamb wend!—2 Samwel 22:31, 32.

Isay 44:18-20. Kwifukwil akish kudi chijingidij cha muchim uyimp. Kwikil chom chifanyidina kwikal pa ndond ya Yehova mu muchim wetu.

Isay 46:10, 11. Ukaliweny wa ‘kuwanish rusot rend,’ chawiy, kuwanishin rutong rend, udi uman ukash ulejena Winzamb wa Yehova.

Isay 48:17, 18; 57:19-21. Anch twachinin kudi Yehova chakwel atupandisha, tushejin kudi ndiy, ni kuta matu kwi mbil yend, chisambu chetu chikez kwikal chijim mudi mem ma wit ni yisal yetu yitentamina yikez kwikal yivud mudi mambek ma karung. Antu alikina kutesh Dizu dia Nzamb adi mudi “karung ukat kubwankok mem.” Kakwetap kwau chisambu.

Isay 52:5, 6. In Babilon alonda pakad diyingish anch Nzamb wakin wadinga uziyila. Kajinguninap kwau anch Yehova kayisangaredinap antu end chawiy chayilikay in Isarel aya mu uswik. Chisu mar majim mayitan, chikwikal cha manangu kulik kumatik mupak kapamp kamwing.

Isay 52:7-9; 55:12, 13. Tukwet piswimp mayingishin masatu ma kusal nich musangar mudimu wa kulejan Want ni wa kuyikadish in kwilej. Mend metu makat kuya kudi antu itudishina ni akweta nzal ya mu spiritu. Chawiy tukat kumuman Yehova “mes ni mes,” ap kwikal nich urund wa piswimp pamwing nend. Niyetu tukat kusanger mapit ma mu spiritu.

Isay 52:11, 12. Chakwel kwikal awanishinau kusend “yichid ya [ Yehova]”—yitenchik yend mulong wa mudimu utumbila—tufanyidin kwikal ishitwila mu spiritu ni mu ngikadil.

Isay 58:1-14. Kumekesh kwipan ni kutentam kudi Nzamb kwa rubabek kudi kwa chamwamu. In kwifukwil akin afanyidin kwikal nich mazu mavud makin ma kwipan kudi Nzamb ni kwikal nich yisal ya rukat pantaliken nau akadivar.—Yohan 13:35; 2 Pita 3:11.

Isay 59:15b-19. Yehova utadil milong ya antu ni ukat kuyandamin pa chisu chend chatenchikay amwinend.

UKEZ “KIKAL MUDI CHIBANGUL CHA UFUN”

(Isay 60:1–66:24)

Pisambidinay piur pa kuchirishiu kwa difukwil diakin mu yisu ya pakur ni pa chirung chetu, Isay 60:1 ulondil anch: “Tumbuk, Yerusalem, munyik mudi muten. Uyaj wa [Yehova] ukat kukumunyikin ey!” Zion “ukez kikal mudi chibangul cha ufun cha [Yehova].”—Isay 62:3.

Isay ulembidil kudi Yehova mulong wa antu end adia mwi ngand akeza kukarumuk pa chisu cha uyong wau mu Babilon. (Isay 63:15–64:12) Kupwa kwa kutek kushalijan kudia pakach pa atushalapol akin ni amakasu, muprofet ulondil mutapu ukezay Yehova kuyiyukish antu amusadidila Ndiy.—Isay 65:1–66:24.

Yakul ku Yipul Yipwilau Piur pa Bibil:

Isay 61:8, 9—“Manswik ma chikupu” chom ik, ni anany adia ‘an’? Minam madi manswik masu masukay Yehova ni in Kristu azizidilau many. ‘An’ adi “amikoku akwau”—tutikit twa antu tukata kwitiyij uruu wau.—Yohan 10:16.

Isay 63:5—Mutapu ik ujim wa Nzamb ukat kumukwash? Ujim wa Nzamb auyikedil pa yovil yend—rikis rend ritentamina. Ujim wend umukwashin ni kumubachik kusadil dirumburish diend ditentamina.

Malejan Kudi Etu:

Isay 64:6. Antu akayitil kakutwishap kwipandish ayinau. Pakatau kwit dilikishin dia yitil yau, yisal yau yitentamina yikwetingap usey ching kusu mudi masun mikisina.—Rome 3:23, 24.

Isay 65:13, 14. Yehova uyiyukishin atushalapol end ashinshamena, ukat kuyiwanishin nakash maswir mau ma mu spiritu.

Isay 66:3-5. Yehova ukisin rubabek.

“Sangarany ni Kuzangijal”

Uprofet wa kuchirishiu wadinga wa rongoj mudi ik kudi in Yuda ashinshamena adinga mu uyong mu Babilon! Yehova walonda anch: “Sangarany ni kuzangijal chikupu mulong wa yitang yisu. Yerusalem musu unitangila ukez kizul nich musangar mulong ni antu end akez kasangar kand.”—Isay 65:18.

Niyetu tushich pa chirung cha mididim bwi yishetina pa divu ni michid yidi mu mididim yikash. (Isay 60:2) Katat tuddi mu “machuku ma . . . yom yikash.” (2 Timoteu 3:1) Chawiy lel, uruu wa Yehova wa dipandish udia mu mukand wa Bibil wa Isay udi wa dikasikesh dikash kudi etu—Hebreu 4:12.

[Mazu madia kwishin kwa paj]

a Chakwel kutan minsamb yikwau piur pa Isay 1:1–35:10, tal “Dizu dia Yehova Didi Diom—Manans Majim ma Buku wa Isay—Chikunku cha Kusambish” mu Chinong cha Kalam cha Rish 1, 2007.

[Chipich chidia pa paj wa 4]

Ov, diyingish ik dia kusambish diamubachika Ezekias alembila chakwel amupandisha kudiokal kudi in Asiri?

[Chipich chidia pa paj wa 7]

“Chidi chom chiwamp nakash kumuman muruu ukat kwez, usutidil pa mikandu.”

    Mikand ya Uruund (1999-2025)
    Budik
    Andam
    • Uruund
    • Kwangan
    • Yom ukatina
    • Copyright © 2025 Watch Tower Bible and Tract Society of Pennsylvania
    • Mbil ja Kusadin
    • Mbil ja Ujindj
    • Paramètres de confidentialité
    • JW.ORG
    • Andam
    Kwangan