Mutapu wa Kusambish Malejan mu Buku Chifundishinay Bibil
Avud pakach petu akutwish kusangar kutakel dilejan dia Bibil ching kusu anch twatwish kusambish dilejan. Buku musu Chom ik Chakin Kamu Chifundishinay Bibil? ukutwish kutukwash. Mazu ma kusambish madia pa paj wa 3-7 amatondin mulong wa kumwandjik mwin chikumbu mu minsamb ya Bibil mu kusadil mukand. Ap antu ija yom yikemp mu mudimu wa chingand akuman anch uswapel kumusadil mulong wa kusambish malejan.
◼ Ukutwish kupakish mulad unou mu kusadil paj wa 3:
Kupwa kwa kujimbul chom chisu ap mulong umwing uyakamishina antu mu teritwar wey, pwitin manangu ma mwin chikumbu ku yipul yifundilau nich ulombu ujal nakash pa paj wa 3, ni mwita arumburil. Kupwa buril paj wa 4-5.
◼ Ap ukutond kusambish nich kukasikeshin paj wa 4-5:
Ukutwish kulond anch, “Ov chikutwishap kwikal cha musangar anch kuswimp kumekena pa yipich ap kwasadik?” Ap ukutwish kwipul anch, “Kushilamu ik usotila kuwanyina pa kushilamu kunoku?” Tesh chakul nawamp.
Anch mwin chikumbu wamekesh kusanger kwa pakampwil mu umwing wa mifund, muleja yifundishinay Bibil pa mutu wa mulong winiwa kusutil ku kushinshikin maparagraf mu buku misambidina mufund winou. (Tal mushet pa paj winou wa wenjil.) Shinshikin malejan mu mutapu umwing usotila kumasadil pa dilejan dia Bibil. Chinech chikutwish kusadik mu minit yita kushik ku dikum pa kumanijan kwa kusambish ku chis.
◼ Mulad ukwau udi wa kumwit mwin chikumbu kulond amwinend mu kusadil paj wa 6:
Pwitin manangu ma mwin chikumbu ku yipul ya kwishin kwa paj, ni ipul anch, “Kand kal wiyipulangap piur pa chimwing cha yipul yiney?” Anch wamekesh kusanger mu chimwing cha yipul yiney, yang ku maparagraf ma mu buku makwila chipul chinech. (Tal mushet pa paj winou wa wenjil.) Piushinshikidinany rusangu pamwing, utakedil dilejan dia Bibil.
◼ Paj wa 7 akutwish kumusadil chakwel kutakel mu chakumenaku cha dilejan dia Bibil:
Tang jintung jisatu ja kusambish jidia pa paj, ni kupwa buril ku mwimbu wa 3 ni lejan mutapu wakusambish dilejan nich kusadil paragraf wa 1-3. Irijeka chakwel kuchirik kwisambin yakul ku yipul yidia mu paragraf wa 3.
◼ Mutapu wa Kwirijek Chakwel Kuchirik:
Chisu utakedila dilejan dia kusambish, irijeka chakwel kudandamen minsamb. Ukutwish kwey walonda anch: “Mu minit yikemp kusu, twilej kal yifundishinay Bibil pa mutu wa mulong wa usey. Chisu nikeza, tukutwish kwisambin [shang chipul cha kwez kushinshikin]. Nikutwish kwimen pa chisu chawiy chimwing pinikeza rubing rikwau?”
Pitusejina piswimp ni Yehova chisu chatekay kal Yehova, ndiy udandamedin kutuwanyish mulong wa mudimu tukweta wa kusal. (Mat. 28:19, 20; 2 Tim. 3:17) Tusadilany amboku muchifanyidina chamu chisu chinech chiwamp chakwel kusambish malejan ma Bibil.
[Caption on page 3]
[Picture on page 3]
Mifund ya Kwisambin pa Paj wa 4-5
◻ Kuburik 21:4 (p. 27-28, par. 1-3)
◻ Isay 33:24; 35:5, 6 (p. 36, par. 22)
◻ Yohan 5:28, 29 (p. 72-73, par. 17-19)
◻ Kuseng 72:16 (p. 34, par. 19)
Yakul ku Yipul pa Paj wa 6
◻ Mulong wak tumena mar? (p. 108-109, par. 6-8)
◻ Mutapu ik tukutwisha kurish nich yikokujol ya mwom? (p. 184-185, par. 1-3)
◻ Mutapu ik tukutwisha kwikadish mwom wa dijuku dietu wa musangar? (p. 143, par. 20)
◻ Yom ik yikata kutushiken chisu tukata kufang? (p. 58-59, par. 5-6)
◻ Tukez kuyiman kand akatish netu afila kal? (p. 72-73, par. 17-19)
◻ Mutapu ik tukutwisha kwikal nich kashinsh anch kushilamu kwa Nzamb kukuwanyin mulong wa machuku ma kurutu? (p. 25, par. 17)