Program Musu wa Chitentam Cha Munyimuku

Yehova ufanyidin kumushiman. Mutapu ik tukata kumushiman Yehova? Yom ik yiyikangeshina antu amwing kumushiman Yehova? Yiyukish ik yitambwilau katat antu akata kumushiman Nzamb? Program wa chitentam cha munyimuku cha muvu wa mudimu wa 2008 ukez kalet yakul yisangareshina ku yipul ey. Chikwet mutu wa mulong ulondin anch: ‘Salany Yawonsu Mulong wa Uyaj wa Nzamb.’ (1 Kor. 10:31) Shinshikin yom yatenchikinau kal mulong wetwetu mu machuku maad mezina ma malejan mavud ma mu spiritu.

Kalam wa distrik ukez kwisambin mitu ya milong yilondina anch: “Ov, Mulong Wak Kumushiman Nzamb?” ni “Ikalany Chilakej Chiwamp mu Kuwanyish Yitinay Nzamb.” Ukez kusal diskur dia patok dilondina anch: “Ov, Antu ik Akata Kumushiman Nzamb?,” ni diskur dia nsudiel dilondin anch: “Tumushimanany Nzamb mu Uumwing mu Mangand Mawonsu” Ukez kutakel kand Shikol ya Mudimu wa Uteokras. Kalam wa munyimuku ukez kwisambin mitu ya milong yilondina anch: “Tusangerany mu Kumunyik Uyaj wa Nzamb,” “Tubanginany Maswir ma Munyimuku” ni “Imanany ‘Dang mu Uyakin,’” diskur dimedina pa 2 Pita 1:12, Manswik Masu. Kupwa, tukez kwilej mutapu “Mudimu wa Uchibol Ukata Kumushiman Nzamb.” Diskur dia kusambish “Tumushimanany Nzamb mu Mwom Wetu Wawonsu” dia sempoziom ukasikeshina wa yikunku yaad, dikez kushinshikin kukurik kwa kurumburik kwa mazu mapepilau madia mu 1 Korint 10:31. Sempoziom ukweta mutu wa mulong “Salany Mudimu Utumbila Mulong wa Kumushiman Yehova” ukez kwisambin mitapu kushalijan ya difukwil dietu. Tukez kwilej mu wiswimp malejan ma Chinong cha Kalam ni minsamb ya mufund pa dichuku Diampos. Kukez kwikal kand dibabatish.

Antu avud alikin kumwitiyij Nzamb. Antu avud akatining ching uyaj wa antu pa ndond pa kutongin pa uyaj wa Yehova. (Yohan 5:44) Pakwez tukwet kashinsh ka usey wa kusadil chisu mulong wa kutongin pa mutapu wa kusal ‘Yom Yawonsu ku Uyaj wa Nzamb.’ Irijeka chakwel wikalaku ni utaninamu mu yikunku yawonsu yinying.