Ikalany in Kwitiyish mu Malejan Men
1. Ov, usey ik ukweta Dizu dia Nzamb mu mudimu wa kulejan?
1 Atushalapol akin mudi kambuy Paul asanger anch: kulejan “mazu ma uyakin mu kutentam” kupandaken kujimbul chamwamu Mifund Yitumbila. (2 Tim. 2:15) Pa chisu tusadidila Dizu dia Nzamb, mutapu ik tukutwisha kusal chakwel ‘twitiyish’ mu kulejan kwetu?—Mid. 28:23.
2. Mutapu ik tukutwisha kukasikesh kusanger Dizu dia Nzamb?
2 El Dizu dia Nzamb Dirumburil: Chakusambish, pwitin jinkeu ja muntu mu Bibil chakwel ikal ni kalimish piur pa manangu ma Nzamb madia mu dizu diend. Ruchingej retu mu Dizu dia Nzamb rikutwish kubachik mwin kutesh wetu chakwel ata matu nawamp pa chisu chitanginau mufund. (Heb. 4:12) Tukutwish twalond anch: “Natan kal chom cha usey pa kuman chitongijok cha Nzamb pa mulong winou. Tal mutapu ulondila Dizu diend.” Anch chitwishikin, el Dizu dia Nzamb dirumburil kapamp kamwing pa kutang yom yidiamu.
3. Chom ik chikutwisha kukwash mwin kutesh wetu chakwel atesha mufund kupwa kwa kutang?
3 Chakad, rumburil mufund usadidila. Antu avud atanining yikokujol ya kutesh verse anch amutangin kapamp ka kusambish. Yisu yivud tukat kurumburil mutapu ulejena mufund. (Luka 24:26, 27) Tond yom yidia ya usey. Anch wamwipul mwin kutesh chipul, ukutwish waman anch uteshin zwang dinans dia mufund. —Jinsw. 20:5; Mid. 8:30.
4. Rizau ik ra nsudiel ridia ra usey chakwel twikal in kwitiyish mu malejan metu?
4 Tongijokin pa Mifund: Chakasatu, sal usu wa kupukun ku muchim ni manangu. Mukwasha mwin chikumbu chakwel amana mutapu wa kusadil verse amwinend. Kutongijokin pa Mifund kukutwish kwitiyish muntu chakwel aswimpa mutapu wend wa kutong. (Mid. 17:2-4; 19:8) Chilakej, kupwa kwa kutang Kuseng 83:18, tukutwish kutong mutapu wa kwilej dijin dia muntu kanang wasambishina kukasikesh pakampwil urund wa piswimp. Kupwa, ukutwish wipul pamwing ap anch: “Ov, utongin anch kwijik dijin dia Nzamb kukez kusal chakwel malembil men ma usey mikal marumburikina?” Kukwatijan nich mufund wa mashakamin ma pakampwil ma mwin chikumbu pa mulong winou kumekeshin anch kusal mwamu kudi kwa usey. Kwitiyish kwa mutapu winou mu kulejan Dizu dia Nzamb kukubachik antu a michim yiwamp ku mashakamin ma difukwil diakin dia Nzamb, Yehova.—Yer. 10:10.