Kampany wa Kupan Diladikij dia Chitentam cha Rejon

Muvu ni muvu, tukat kwitenchikang mulong wa yakudia ya muspiritu tukata kusanger ku yitentam yetu ya rejon. Chawiy, chakwel antu akwau amana uwamp wa Yehova, tukuyitazuk antu avud mulong eza kukumangan pamwing niyetwetu. (Kus 34:8) Chisak ni chisak cha amakurump chifanyidin kushinshikin mutapu uwamp wa kupan maladikij anch chitwishikin.

YOM YA KULAM MU MANANGU

• Chitentam cham chikusadik chisu ik?

• Chisu ik chikusambisha kampany kwol kwetu?

• Chisu ik chikusadika yikumangan ya mudimu wa chingand?

• Yom ik nikusala mu kampany winou?

• Anany nikutazuka?

YOM IK UKULONDA?

Kupwa kwa kumulangwish muntu, ukutwish kulond anch:

“Twipanin mu kampany wa pa mangand wa kupan diladikij dined mulong kudi chom cha usey nakash chikusadika. Machuku ma ngond, chisu ni ndond ayilejen pa diladikij dined. Tukusangar kukumangan ney pamwing.”

MUTAPU IK UKUTWISHA KUKUDISH MUSANGAR WA MUNTU?

Ap anch tukuyitazuk antu avud mulong wa kwez ku chitentam, tufanyidin kukudish musangar wau.

Kwinsudiel kwa rubing, ukutwish kupan magazet pamwing ni diladikij.