Mareferans ma Mudimu ni Mashakamin ma Mukand wa Chikumangan
© 2025 Watch Tower Bible and Tract Society of Pennsylvania
RUBING RA 7-13 NGOND WA 7
YOM YA USEY YIDA MU DIZU DA NZAMB JINSWIR 21
Mbil ja Manang Mulong wa Kwikal ni Musangar mu Uruw
Mutapu Uwamp wa Kwendijadin Umutumbishina Yehova
Kwendijadin kufanyidin kwikal ni kulep ik? (Jsw. 21:5) Chawiy kwendijadin kwen kufanyidin kwikal kulemp kushik ni mu chilik cha kwijikijan. Pakwez, anch watondijanany ufanyidinanyap kusutish chisu chilemp pakad diyingishin da usey. Bibil ulondin anch: “Ruchingej ra kulab labe rikat kuyedish muchim.” (Jsw. 13:12) Chikwau kand, payila urund kurutu, chikutwish kukasikan kupandakan maku ma kulalijan. (1 Ko. 7:9) Pa ndond pa kushinshikin pa chisu wasutishanya kal kudosh wasambishinanya kwendijadin, ufanyidin kwiyipul anch, ‘Nikwet kand kuswir kwa kwilej yom ik piur pa muntu winou mulong wa kukwat.’
g 7/08 paj 7 par. 2
Mutapu wa Kwikal ni Musangar mu Uruw
Ikepisha. “Kangal wasalany yom mulong wa kwitong ayinen ap mulong wa kwibaz, pakwez ikepishany, muntu ni muntu amumana mukwau mudi udi muwamp kumupandakanamu.” (Filip 2:3) Yisu yimwing ambay a uruw akat kupwitamijan nakash mu uruw wau mulong atekining kwitutul kurutu kusutin kumufish nich mukwau pa ndond pa kukimb kuwapish yom nich kwikepish. Anch kwikil kwovijan, kwikepish kukukwash kwipuk chitongijok chakwel anch yey uyingina nich.
w06 1/10 paj 13 par. 13
“Sanger mu Mukajey wa ku Usand Wey”
13 Chikwikal nchik anch mu uruw mudi kupwitijan mulong wa yom yikatau kwisadil ikundj ni mband? Chifanyidin kamu kusal usu mulong wa kupwish milong. Chilakej, chitwishikin anch mazu makash masambishin kal pakemp-pakemp kwal mij mu uruw wau ni katat mazu minam mawiy mikadil kal chaku mu uruw. (Jinswir 12:18) Mudi mutapu twisambina mu mutu wa mulong wasutina, mazu makash makutwish kulet milong yikash. Jinswir jimwing ja mu Bibil jilondil anch: “Chidi chiwamp kushakam mwi ngand ya mpay kupandikan kushakam nend mband wa matend ni ujim.” (Jinswir 21:19) Anch udi mband wa mutapu winou, iyipulap bil amwiney anch: ‘Ov, mwikadil wam ukat kumukangesh nfumwam kushakam pamwing ni yamam?’ Bibil uyilejin amakundj anch: “Muntu ni muntu amukata mukajend wakad kumuzazimwokin.” (Kolosay 3:19, MM) Anch udi ikundj, iyipulap bil amwiney anch: ‘Ov, kuburen kwam kwa rukat kumubachikin mukajam kukimb rongoj kwindjing?’ Chakin kamu, kwikil dilikishin mulong wa kusal masandj. Pakwez kwijik anch mulong mud winou ukash ukutwish washiken, chifanyidin kwambambin milong patok.
Mapit ma mu Spiritu
Dandamen Kushimpish Muchim
9 Kushimpish muchim kukutwish kand kutukwash kukwat mipak yiwamp. Pa ndond pa kusal yom mau mau ap nich muchim wa kadwukudwuku, tukwitekin chisu cha kukimbijol ni kuman mupak uwamp wa kukwat. (Tang Jinswir 21:5.) Chilakej, anch tukimbin mudimu, tukutwish kukimb kwitiy mudimu wakusambish ukutulejau, ap anch ukutukangesh kumwifukwil Yehova nawamp. Pakwez anch twashimpish muchim, tukwitekin chisu cha kushinshikin yom mud ndond, asaa a mudimu, ni yibudikin ukwikala nich pa dijuku dietu ni pa mashakamin metu ma mu spiritu. Kushimpish muchim kukutwish kutukwash kwipuk kukwat mupak uyimp.
RUBING RA 14-20 NGOND WA 7
YOM YA USEY YIDA MU DIZU DA NZAMB JINSWIR 22
Mbil ja Usey Mulong wa Kuyilil Nich an
Ov, Aney Akumusadin Yehova Anch Apam?
7 Anch udiany ambay a uruw ni ukatilany kuval an, iyipulany anch: ‘Ov, tudi antu ikepishina ni a mu spiritu akutwishay Yehova kwinkish uswan wend kulam?’ (Kus. 127:3, 4) Anch wavadin kal an, iyipula anch: ‘Ov, nikat kuyifundish anam usey wa kusal mudimu ukash?’ (Mul. 3:12, 13) ‘Ov, nikat kusal usu wam wawonsu wa kuyichidij anam ku yom yiyimp yikutwishau kusankan mu mangand minam mayimp ma Satan?’ (Jnsw. 22:3) Ukutwishap kuyichidij aney ku milong yawonsu yikutwishau kurish nich. Chikasiken kusal mwamu. Pakwez, pakemp pakemp ni mu mutapu wa rukat, ukutwish kuyifumb aney mutapu ukutwishau kuchingejin Bibil mulong wa kutan yiyul anch arish ni yakamish ya mu mwom. (Tang Jinswir 2:1-6.) Chilakej, anch muntu wa mudijuku walik uyakin, yikwasha aney kwilej mu Dizu dia Nzamb mulong wak chidi cha usey kushal ushinshamena kudi Yehova. (Kus. 31:23) Ap anch muntu ukatinanya wafa, yileja aney mutapu ukutwishau kusadin Dizu dia Nzamb chakwel atwish kurish ni ushon ni kulam chisambu.—2 Kor. 1:3, 4; 2 Tim. 3:16.
Anvaj—Yifumbany Anen Chakwel Amukat Yehova
17 Sambish kuyifumb aney pachidiau kal anikanch. Anvaj akutwish kusambish kuyifumb anau nawamp pachidiau kal anikanch. (Jnsw. 22:6) Shinshikin chilakej cha Timote, wendangana ni Paul chisu chapamay kal. Timote amufumba kudi makwend Yunis ni ngakend mband Loyis “kudiokal ku wanikanch.”—2 Tim. 1:5; 3:15.
18 Jean-Claude ni Peace a mu Côte d’Ivoire, atwisha kuyikwash anau awonsu musamban kumukat Yehova ni kumusadin. Yom ik yayikwasha? Imburija chilakej cha Yunis ni Loyis. Alondin anch: “Twasambisha kwandjik mu manangu ma anetu Dizu dia Nzamb kudokal kamu ku wanikanch wau, chisu chikemp kupwa kwa kuvadik.”—Kuv. 6:6, 7.
19 ‘Kwandjik’ Dizu dia Yehova mudiau aney kurumburikin ik? Dizu ‘kwandjik’ dirumburikin “kufundish ni kuvurish chisu ni chisu.” Mulong wa kusal mwamu, anvaj afanyidin kwikal ni chaku cha kusutishang chisu pamwing ni anau achidia kal anikanch. Kuyifundish an yom yawiy yimwing chisu chawonsu kukutwish kuyiziyish anvaj. Pakwez anvaj afanyidin kwikasikesh kuman chom chinech mudi mutapu wa kuyikwash anau chakwel atesh Dizu dia Nzamb ni kudisadin.
w15 1/11 paj 9 par. 6
Mufumba Mwaney Chakwel Amusadina Yehova
6 Mulong uyikatin aney, wij anch ufanyidin kuyipup. Yisu yimwing chiwapining kuyirumburil mulong wak chom kanang chidi chiwamp ap chidi chiyimp. Pakwez, chikwikal nchik anch alik kwau kuziyil? (Jinswir 22:15) Ilejina kudi Yesu. Nich kushimpish muchim, dandamen kuyitakel, kuyifumb ni kuyiyul. Kimb chisu ni ndond yiwamp mulong wa kuyipup, ni sal mwamu mu mutapu uwamp. Elaine, nambaz udia mu Afrique du sud uvurikin mutapu wadingau kumupup kudi anvajend. Amulejang yom yading yimwitinau kusal. Chisu chamulejangau anch afanyidin kumupup ang walik kuziyil, asalang mwamu. Pakwez walonda anch: “Kampupap dichuku ap dimwing nich ujim ap pakad kwinlej mulong wak ampupang.” Mulong wa chinech, Elaine wijika anch anvajend ading amukatin.
Mapit ma mu Spiritu
Sanger Yisend Ukweta Katat
11 Chilik chimwing, tukutwish kwikal ni musangar nakash anch twipan nakash mu chisend chawonsu chitwinkishinau mu mudimu wa Yehova. “[Ipana] chisu chawonsu” mu mudimu wa kulejan, ni kusal nakash midimu yikwau ya chikumangen. (Mid. 18:5; Heb. 10:24, 25) Rijek nawamp yikumangan mulong wa kwakul mu mutapu ukasikeshina. Kwat nich usey nakash chikunku chawonsu chikukwinkishau ku shikol ya chikumangan cha mukach mwa rubing. Anch akwit kukwash mudimu kanang mu chikumangen, itiy ni shik kurutu kwa chisu. Kangal watong anch mudimu wakwinkishangau ud wa usweral ni ukutwishap kusutish chisu chey mulong wa mudimu winou. Sal usu wa kuwapish ukaliweny wey. (Jnsw. 22:29) Anch wipan nakash mu midimu ni yisend ya mu spiritu ukweta, ukuwapish urund wey ni Yehova, ni ukwikal ni musangar nakash. (Gal. 6:4) Chikukuswapel kand kusangar pamwing nau antu akwau anch ayinkish yisend ukatina niyey kwikal nich.—Rom 12:15; Gal. 5:26.
RUBING RA 21-27 NGOND WA 7
YOM YA USEY YIDA MU DIZU DA NZAMB JINSWIR 23
Mbil ja Manang Piur pa Kuna Maar Maswejina
Ikal ni Chitongijok cha Nzamb piur pa Maar
Antu amwing akat kutong anch akutwish kwau kuna ap maar mavud pakad kuleu. Pakwez chid kamu cha ubaj nakash. Mifund yimekeshin patok anch kwikal “aswik a maar” kukutwish kumushikij muntu ku kurumbuk nakash ni kusal chitil chijim ku mes ma Yehova. (Tit. 2:3; Jnsw. 20:1) Yesu ni ndiy walonda anch “kukwachik maar” kukutwish kumukangesh muntu kwandam mwingand yisu ya Nzamb. (Luka 21:34-36) Chawiy, chom ik chikutwisha kumukwash mwin Kristu kwipuk milong yikutwisha kudokal ku kuna maar?
Ikal ni Chitongijok cha Nzamb piur pa Maar
Pakwez in Kristu, akwet umutakel udiokila kud Sakatang wau wa rukat. Chilakej, ukat kutubabesh piur pa ubaj udiokiling ku kuleu maar. Tutangin mu Jinswir 23:29-35 piur pa antu akata kuna maar nakash ni milong yikata kuyishiken. Daniel, mukurump wa chikumangen uda mu Erop, uvurikin mashakamin madingay nich kurutu ikala mwin Kristu wakin, ulondin anch “Kuna maar nakash kwambachika kukwat mipak yiyimp, ni nikala ni yibudikin yiyimp yikata kwinsal nayimp anch navurik.”
Mapit ma mu Spiritu
Mapit ma mu Spiritu
16 Sanger yom ukweta. Bibil upanin chiyul chinech: “Kangal wiswidiosh mulong wa kupit dipit. . . . Anch wazazimwin mes pa dipit kidikumekanap. Dipit dikat kuminy jimpur ni kutwik, mudi mbur ukata kutwik kuya mwiur.” (Jnsw. 23:4, 5) Yom ya ku mujimbu yikushakamangap chisu chilemp. Pakwez ikal mpich ap kazwendj, awonsu akat kwinan mulong wa kwikal ni nfalang. Yakamish yiney yikat kuyishikij ku kwikal ni yisal yikata kuyiletin kapipej, kuyipish urund wau, ni ap kand kuyipish mijimbu yau. (Jnsw. 28:20; 1 Tim. 6:9, 10) Ku mutambu ukwau, manangu makat kutukwash kwikal ni chitongijok chisikena piur pa nfalang. Chitongijok mud chinech chikat kutukwash kwipuk ris ni kusanger yom tukweta, ni chikat kutuletin kand musangar.—Mul. 7:12.
RUBING RA 28 NGOND WA 7–3 NGOND WA 8
YOM YA USEY YIDA MU DIZU DA NZAMB JINSWIR 24
Kasikesh Ritiy rey Mulong wa Yikokujol Yikutwisha Kushiken
“Imanany Dang, Akad Kushemunik”
15 Kutang Dizu dia Nzamb ni kuditongijokin. Mud mutond ukata kujamish nich mij, tukutwish niyetu kushal iminya dang anch ritiy retu rimedin nakash pa Dizu dia Nzamb. Pakata mutond kupam, mij niyau yikat kwandam nakash mu divu ni kupalangan chakwel yikwasha mutond. Pitukata kwilej ni kutongijokin pa yom twilejina, tukat kukasikesh ritiy retu ni kwikal nich kashinsh anch jinjil ja Yehova jipandaken kuwap. (Kol. 2:6, 7) Kutongijokin, pa mafundish ni umutakel wa Yehova, ni pa diking kwayikwasha atushalapol end. Chilakej, Ezekiel ulejen patok chisend cha angel chamanay mu chishimushimu chadingau nich cha kupim tempel. Chishimushimu chinech chamukasikesha Ezekiel, ni chitukwashin kwilej yom tufanyidina kusal mulong wa kunung chikas ku yijil yitentamina ya Yehova piur pa difukwil dishitwila. (Ezek. 40:1-4; 43:10-12) Tukutwish kutaninamu kand anch twitekin chisu cha kutang ni kutongijokin pa yom yikurikina yidia mu Dizu dia Nzamb.
w09 1/12 paj 18 par. 12-13
Lamany Musangar Mu Yisu Ya Kanrumbangesh
12 Jinswir 24:10 ulondil anch: “Anch walengumwok pa dichuku dia yakamish, usu wey ukepil.” Ruswir rukwau rulondil anch: “Ushon wa mu muchim ukat kujip mupim.” (Jinsw. 15:13) In Kristu amwing akwachika ushon aya djat ni mu chilik cha kulik kudandame kutang kwau Bibil ni kutongijokin kwau pa Dizu dia Nzamb. Malembil mau mikala kal ma piur-piur, ni iyaurila ayinau ni ambay nau in kwifukwil. Chakin kamu, kwikal mu mwikadil wa ushon chisu chilemp kukutwish kwalet chak.—Jinsw. 18:1, 14.
13 Ku mutambu ukwau, kuman yom mu mutapu uwamp kukez kutukwash chakwel tushinshikina pa mitapu ya mwom wetu mutukutwisha kutan mazang ni musangar. David wafunda anch: “[Nasangara] kusadil rusot rey, A Nzamb wam.” (Kus. 40:8) Pa yisu tukweta milong mu mwom wetu, chakin kamu kitufanyidinap kulik chaku chetu chiwamp cha kwifukwil. Chakin kamu, njil yiwamp ya kura nich ushon yidi kusadil midimu yiletininga musangar. Yehova utulejin anch tukutwish twatan musangar ni mazang mu kutangang Dizu diend ni kuditongijokin pichuku pichuku. (Kus. 1:1, 2; Yak. 1:25) Kusutil ku Mifund Yitumbila ni ku yikumangan ya Ukristu, kwawiy tukata kutambwil “mazu mawamp” makutwisha kutukasikesh ni kusangaresh michim yetu.—Jinsw. 12:25; 16:24.
Yipul ya in Kutang
Jinswir 24:16 ulondin anch: “Anch mwin kutentam wawa tupamp sambwad, ukulank kand.” Ov, verse winou wisambidin piur pa muntu ukata kuwil mu chitil tupamp tuvud chad Nzamb niyend ukat kudandamen kumulikishin?
Bwat, kimwawiyap. Pakwez verse winou wisambidin muntu ukata kurish ni milong yivud kupwa wayijijamen.
Komb, Jinswir 24:16 kisambidinap “kuwa” kurumburikina kusal chitil, pakwez wisambidin piur pa yakamish ap milong yikutwishay kurish nich muntu, ap tupamp tuvud. Mu mangand minam mayimp, muntu utentamina ukutwish kurish ni mayej ap ni milong yikwau. Ap kand akutwish kumuzengol nakash kud mburamatad mulong wa ritiy rend. Pakwez, ukutwish kwikal nich kashinsh anch Nzamb ukwikal nend ni ukumukwash kujijaman ni kupandikan yakamish yend. Iyipula anch: ‘Chikalap nchik milong yirishiningau nich atushalapol a Nzamb, ov, nikatap kwimenap amwinam mutapu ukatau kupandikan chisu chawonsu?’ Mulong wak? Mulong tukwet kashinsh anch: “[Yehova] ukat kuyikwash antu amena mar. Ukat kuyilangwish kand antu awa kal.”—Kus. 41:1-3; 145:14-19.
Mapit ma mu Spiritu
w09 1/10 paj 10
Yipul ya in Kutang
Pa yirung yafundau Bibil, anch ikundj usotil ‘kutung chikumbu chend,’ ap anch usotil kukasikesh dijuku kusutil ku kwatan, wadinga ufanyidin bil iyipula amwinend anch: ‘Nawanyin kal mulong wa kumulam mband ni an akuvadika?’ Kurutu kwa kusambish dijuku, wadinga ni mudimu wa kusal, kudim bil chir chend. Chawiy Today’s English Version ukarumwin nawamp verse winou mu mutapu unou anch: “Chingel bil chir chey chiswa chad lel utunga chikumbu ni kukasikesh dijuku diey, chawiy ukwikal nich kashinsh anch ukwet ya kuyidish.” Ov, chitong chinech chidi kand cha usey ni nlel unou?
Inge. Ikundj usotina kwatan ufanyidin kwirijek nawamp mulong wa chisend chinech. Anch ukwet mujimbu ukash, ufanyidin kusal mudimu. Chakin kamu, mudimu ukash wa ikundj mulong wa kulam dijuku diend ufanyidinap kwikal ching wa ku mujimbu kusu. Dizu dia Nzamb dilejen anch ikundj wakad kubangin dijuku diend ku mujimbu, mu manangu ni muspiritu udi muyimp kumupandakanamu muntu wakad ritiy! (1 Tim. 5:8) Chawiy lel, pa chisu cha kwirijek mulong wa kwatan ni mulong wa mwom wa dijuku, ikundj uchidia nsand ufanyidin kwiyipul amwinend yipul yiney: ‘Ov, nirijekin kal mu chilik cha kutwish kutan yisakin ya dijuku? Nidi tayad kwikal mutu wa muspiritu wa dijuku? Nikuwanyish chisend cham cha kutakel dilejan dia Bibil pakad kujing pamwing ni mukajam ni anam?’ Chakin kamu Dizu dia Nzamb dikasikeshidin yisend yiney ya usey nakash.—Kuvurik Yijil 6:6-8; Efes 6:4.
Chawiy nsand usotina mband ufanyidin kutongijokin nakash pa chitong chidia mu Jinswir 24:27. Chawiy chimwing kand, niyend changadim ukusal nawamp iyipula anch wirijekin kal mulong wa yisend ya kwikal mband ni maku. Nsand ni changadim atijadina akutwish niyau iyipul yipul mudi yiney piur pa chisend chau cha kuyilil an. (Luka 14:28) Kushakam kukwatijan nich chiyul chinech chapipelay Nzamb kuyikwashining antwend kwipuk yikokujol yivud ni kushiken ku kusanger mwom wa dijuku usangareshina.
RUBING RA 4-10 NGOND WA 8
YOM YA USEY YIDA MU DIZU DA NZAMB JINSWIR 25
Mbil ja Manang Piur pa Mutapu wa Kulond
w15 1/12 paj 19 par. 6-7
Sadil Rudim Rey mu Mutapu Uwamp
6 Mulong wak chidi cha usey kutond chisu chiwamp cha kulond? Jinswir 25:11 ulondin anch: ‘Dizu dikat kulondau pa chisu chiwanyidina, didi mudi mabuj ma or madia mwinung ya utad wa argent.’ Mabuj ma or mading mawamp nakash, pakwez makutwish kwikal mawamp nakash anch amatek mu chom cha argent. Mu mutapu umwing, tukutwish kwikal ni chom chiwamp cha kumulej muntu kanang. Pakwez, anch twatond chisu chiwamp cha kulond, tukutwish kumukwash muntu winou nakash. Mutapu ik tukutwisha kusal mwamu?
7 Anch twalonda chisu chiyimp, muntu kakutwishap kututesh ni kwitiy yom tulondina. (Tang Jinswir 15:23.) Chilakej, mwi ngond wa 3, 2011, kuzal kwa divu ni tsunami kwashesha misumb yivud ya kwingangel kwa Japon. Antu 15 000 ni kusut afa. Ap anch Atuman a Yehova avud ashadisha majuku mau ni arund nau, asadina Bibil mulong wa kuyikwash antu akwau adinga mu mutapu umwing. Pakwez, ijika anch antu avud a pakach pa antu inay ading in Buddha ni ading ij yom yikemp piur pa Bibil. Chawiy lel, pa ndond pa kuyilej piur pa divumbuk, akadivar ayikasikesha ni kuyirumburil mulong wak yom yiyimp yiney yayishikena antu awamp.
w15 1/12 paj 22 par. 15-16
Sadil Rudim Rey mu Mutapu Uwamp
15 Mutapu tulondina nau antu akwau ukutwish kwikal wa usey mudi mudia yom tulondina. Antu ading akatin kumutesh Yesu mulong wading kulond ‘nawamp,’ ap mu mutapu uwamp. (Luka 4:22) Anch tulondin mu mutapu uwamp, antu akwikal ni musangar wa kutesh ni kwitiy yom tulondina. (Jinswir 25:15) Tukutwish kulond ni antu mu mutapu uwamp anch tuyilimishin ni tutongin piur pa yovil yau. Chawiy chasalay Yesu. Chilakej, chisu chamanay chisak chijim cha antu chadinga kusal usu mulong wa kumutesh, Yesu wasangara mulong wa kusutish nau chisu ni kuyifundish. (Marko 6:34) Ap anch antu amusaala, pakwez Yesu kachirishap masaal.—1 Pita 2:23.
16 Ap anch tuyikatin in mu dijuku dietu ni arund netu, tukutwish kulond yom yiyimp mulong tuyij nawamp. Tukutwish kutong anch tufanyidin kulond nau mu mitapu yawonsu tusotina. Pakwez, Yesu kalondap nau arund nend mu mutapu uyimp. Chisu chapwitijanau in kwilejend piur pa kwijik nany wading mujim pakach pau, Yesu wayiyula mu mutapu uwamp ni wasadila chilakej cha mwan mukemp mulong wa kuyikwash kuswimp yitongijok yau. (Marko 9:33-37) Amakurump akutwish kwimburij chilakej cha Yesu pa kuyiyul antu akwau mu mutapu uwamp.—Galatia 6:1.
“Tupandakeshany Kukasikeshijan” Umwing ni Mukwau
8 Kadiap kwau ching amakurump afanyidina kuyikasikesh antu akwau. Paul wayikasikesha in Kristu awonsu kulond “mazu mawamp makutwisha kukasikesh antu kukul mu ritiy mudi muchifanyidina, ni kuyiyukish” antu akwau. (Efes 4:29) Etu awonsu tufanyidin kushinshikin pa yom yikwetau nich antu akwau maswir, mwamu tukutwish kuyikwah. Paul wayifundina in Kristu In Hebereu anch: “Kasikeshany makas men maziyila, ni manungun men mazalizadina! Endany salal mudi antu endidila mu jinjil jitentamina, chakwel mwin kubet kangal wawa, pakwez ayerika kwend.” (Hebereu 12:12, 13) Etu awonsu tukutwish kukasikeshijan umwing ni mukwau kusutin yom tulondina, ap anch tudi an akemp nakash.
Mapit ma mu Spiritu
El Kwitudish Kwikal Usu Wey
Kwitudish ud mwikadil ukata kulet usu, kadiap kuziy. Chifanyidin kwikal ni usu winou wa mukach mulong wa kulik kuzazat anch kwashiken chom chipakina kwitudish. Kwitudish ud mwikadil udiokila ku ‘dibuj dia spiritu utumbila.’ (Gal. 5:22, 23) Dizu dia Grek dikarumwinau anch “kwitudish” adisadinang yisu yimwing mulong wa kurumburil piur pa kabar wa mu masuku upitinau kud muntu. Tong bil piur pa kabar wa mu masuku wasambisha kal kwitudish. Ap anch witudishin katat, pakwez ukwet usu. Mutapu ik tukutwisha kwikal itudishina, ni chisu chawiy chimwing kwikal akash? Tukutwishap kusal mwamu kusutil usu wetu ayinetu. Tufanyidin kulembil mulong wa kwit spiritu utumbila, ni kumwit Nzamb chakwel atukwasha kukudish mwikadil winou upandakena kuwap. Kud antu avud ilejina kal kwikal itudishina. Chilakej Atuman avud ikasikeshin kal kwakul nich kwitudish chisu chayisarumunau. Chinech chayikwasha antu akwau kwikal ni chitongijok chiwamp piur pa atuman a Yehova. (Tang 2 Timote 2:24, 25.) Mutapu ik ukutwisha kusal anch kwitudish kwikala usu wey?
RUBING RA 11-17 NGOND WA 8
YOM YA USEY YIDA MU DIZU DA NZAMB JINSWIR 26
Imen Palemp ni “Muntu Chisup”
it-2 paj 729 par. 6
Ruval
Yirung. Yirung yaad yading mwi Ngand ya Kushilamu: chirung cha marungul ni cha mashik, tukutwish kuyiman mud chirung cha chishipu ni cha ruval. (Ilakej ni Kus 32:4; Mum 2:11.) Kusambish pakach ni pakach pa Ngond wa 4 djat pakach ni pakach pa Ngond wa 10 kukat kunak ruval mukemp. Ruval ukasikening nakash pa chirung chinech chikatau kwangul. Jinswir 26:1 umekeshina anch chadingap chitwishikina ruval kunak pa chirung cha kwangul. (Ilakej ni 1Sa 12:17-19.) Pa chirung cha ruval, ruval kakatap kunak nakash, kwiur kukat kucha. Chirung chinech chiding cha mashik, chawiy anch ruval wakunakin ukwov mashik nakash. (Esi 10:9, 13) Chawiy chid cha usey nakash kwikal ni ndond yiwamp ya kushakam.—Isa 4:6; 25:4; 32:2; Job 24:8.
w87 1/10 paj 19 par. 12
Dipup Dikat Kulet Dibuj da Chisambu
12 Kud antu amwing, chikutwish kwikal cha usey kukwat mupak ukash, mud mulondinay Jinswir 26:3 anch: “Nfimbu yidi ya kumubul nich kabar, ni rumbwambu ra ku kan ridi ra kumutek chimbur, mwamu kand ni diland didi dia kubul nich pa nyim pa ayisup.” Yisu yimwing Yehova walikidila chakwel muchid wend wa Isarel uman mar mading mikimbidinau ayinau: “Amana mar mwamu mulong amubwambwila Nzamb, adiula malejan ma Nzamb Mwin Dikand. Michim yau yaziya, awiy awa wakad kuman mwin kuyikwash. Mu mar mau amutazuka [Yehova,] chad ndiy wayikamunina.” (Kuseng 107:11-13). Pakwez ayisup achinchikisha muchim kushik mu chilik cha kulik kubangaku ku dipup din dawonsu datambulau: “Muntu ukat kwelau lejee, ndiy chakachinchikay ukez kakashimuk amubukun wakad kuyerik.”—Jinswir 29:1.
it-2 paj 191 par. 4
Chilim, Ulim
Kulond mu chishimu. Mwant wa manang Salomon walonda anch: “Muntu mwawonsu ukata kutumen uruu ku makas ma chisup, ndiy kamu ukata kwikatul mend yend ni kuna yom ya ubaj.” Chakin kamu, muntu mwawonsu ukata ukata kutenchik yom ni kumwinkishay chisup chakwel amuwanyishinay ukat kwimesh mar amwinend. Ukwet kashinsh anch kutenchik kwend kukukangany, ni mwamu chikumusal amwinend nayimp.—Jnsw 26:6.
Mapit ma mu Spiritu
it-1 paj 846
Chisup
Muntu ukumwakula chisup “mudi mudia usup wend” charumburik anch kusutin kulond mud mulondinay ndiy mu mutapu uda uyimp, ukutwish kwilakan ni chisup winou mu mutapu wa kutong ni mu yisal. Mulong wa kulik kwikal mud chisup pa mulong winou, Jinswir utwinkin chiyul chilondina anch: “Kangal wamwakul chisup mudi mudia usup wend.” Ku mutambu ukwau, Jinswir 26:4, 5 umekeshin anch kumwakul “mudi mudia usup wend” charumburik anch kusutin kushinshikin yom yilondinay ni kumekesh anch yid ya usup, ni kumekesh anch yom yitonginay yidap mwi njil, kusal mwamu kukwikal kwa usey.
RUBING RA 18-24 NGOND WA 8
YOM YA USEY YIDA MU DIZU DA NZAMB JINSWIR 27
Mutapu Tukata Kutaninamu Anch Tukwet Arund Awamp
Yehova Uyikwatin Nich Usey Atushalapol End Ikepishina
12 Muntu wikepishina ukat kujikitishang anch amuyul. Chilakej: Tong bil anch udi ku chikumangan. Kupwa kwa kwambamb nau ambay in Kristu avud, umwing pakach pau wakupwitin kuns ni wakulej anch ukwet yipapal ya yom wadiang mu mazeu. Pakad kwidjidjek, ukwovaku kamu usany. Pakwez, ukumujikitish mulong wakulejang patok. Chakin kamu, ukutong anch ing muntu mukwau wasambelang kukulej! Chilik chimwing, tufanyidin kwikepish ni kujikitish anch mukadivar ap nambaz watwinkish chiyul. Tufanyidin kumuman muntu winou mudi murund, kangal mudi mukankuny.—Tang Jinswir 27:5, 6; Gal. 4:16.
it-2 paj 491 par. 3
Mutej
Jinswir ukasikeshin kukudish mwikadil wa kushinshaman ni kumuchingejin murunetu, ni umekeshin kand anch chisu tuda mu maswir, chid cha usey kukimb ukwash kud muntu umekeshina mikadil yiney. Ulondin anch: “Kangal wamulik murund ney ap murund nend a tatukwey. Kangal wakaya ku chikumbu cha mwanamakwey pa dichuku dia mar mey makash. Chidi chiwamp kwikal ni mukwen udia nend piswimp, kupandakan mwanamakwey udia kulemp. ” (Jnsw 27:10). Chimeken anch pinap mwin kufund umekeshin anch tufanyidin kumukwat nich usey murund wa piswimp ni kukimb ukwash wend kusutamu kukimb ukwash wa mwanamaku uda kulemp, mulong pamwing ap kakwetapu mutapu wa kutukwash, ap kand kadap kamu mu mwikadil uwamp wa kutukwash mud murund wa piswimp.
En Ansand—Mwom Wa Mutapu ik Ukatinanya Kwikal Nich?
7 Dilejan diakusambish tukutwisha kwilejin ku mupak uyimp wa Jowas did anch tufanyidin kutond arund awamp akutwisha kutukwash,amukatina Yehova ni asadina yom yimusangareshina. Tufanyidinap kutond ching arund akweta mivu yimwing ni yetwetu. Vurik anch, Jehojada wading mukurump kumusutamu Jowas. Tufanyidin kwiyipul piur pa mupak wa kutond arund anch: ‘Ov, ankwashin kukasikesh ritiy ram mudiay Yehova? Ankasikeshin kulimish yijil ya Nzamb? Akat kwisambinang piur pa Yehova ni piur pa uyakin wend? Amekeshining anch akat kulimish yijil ya Nzamb? Akat kwinlej yom nikatina kutesh, ap akat kwinyul ni kutakaman?’ (Jnsw. 27:5, 6, 17) Chakin kamu, anch arund ney kamukatinap Yehova, ufanyidinap kwikat nau. Pakwez ufanyidin kukat arund amukatina Yehova, awiy afanyidina kwikal arund ney.—Jnsw. 13:20.
Mapit ma mu Spiritu
w06 1/11 paj 11 par. 11
Manans Majim ma Buku wa Jinswir
27:21. Katumb kakutwish kumekesh untu wetu. Kwikepish kukumekan anch katumb katubachikin ku kwitiyij anch tufanyidin kumujikitish Yehova ni kutukasikesh kudandamen kumusadin. Kuburen kwikepish kukat kumekan anch katumb kamekeshin yovil ya kwitutul.
RUBING RA 25-31 NGOND WA 8
YOM YA USEY YIDA MU DIZU DA NZAMB JINSWIR 28
Kushalijan Kuda Pakach pa Muntu Muyimp ni Muntu Utentamina
w93 15/5 paj 26 par. 2
Ov, Umulondwil Yehova Nich Muchim wey Wawonsu?
“In kutentam akwet ulabu mudi ntambu.” (Jinswir 28:1) Akwet ritiy, achingejidin mu Dizu da Nzamb, ni ayil kurutu mu mudimu wa Yehova chikalap nchik ubaj.
it-2 paj 1139 par. 3
Manang
Antu akata komb nyim ku Musul. Muntu ukata kusal chitil ukat kusambish kulik kumuchingejin Nzamb mu mipak yend yikwatinay ni mu yom yitenchikinay (Job 34:27). Muchim wend ukat kumudimb, ni kakatap kuman anch jinjil jiyilay jid jiyimp ni ukat kushadish manang (Kus 36:1-4). Ap anch wafa mukan anch umwifukwidin Nzamb, ukat kutek yitongijok ya antu piur pa yitongijok ya Nzamb, ni yawiy yikatay kutond (Isay 29:13, 14). Ukat kurumburil ni kuyingish nich mwikadil wend uyimp kusutin kulond anch mad kwau ‘masengan.’ (Jnsw 10:23.) Ukat kwikal ni mwikadil uyimp, yaku ya winnam ni manang ma usup, kushik ni muchilik cha kulond anch Nzamb kamenap kwend yom yiyimp yisadinay, mud Kusutin mwikadil ni yisal yend ukat kulond anch: “Kwikiling kwau Nzamb” (Kus 14:1-3), ni kabanginingapaku. Mulong kamutakedinap kud mbil ja Nzamb, kakutwishap kwikal ni chitongijok chiwamp piur pa yom, kuyiman nawamp, kujingunin uwamp ni uyimp kukwat mipak yiwamp.—Jnsw 28:5.
it-1 paj 1211 par. 4
Kushinshaman
Chitwishikin kushal ushinshamena, kadap kusutin ku usu wa muntu amwinend, pakwez kusutin ritiy ni ruchingej muday Yehova ni mu usu Wend wa kupandish. (Kus 25:21) Nzamb ushidinamu anch ukwikal “rukibu” ni “dipat,” mulong wa kuchidij njil ya antu akata kwend nich kushinshaman. (Jnsw 2:6-8; 10:29; Kus 41:12) Rusot rau ra kwikal ni dilau da Yehova rikat kuyikwash kwikal ni mwom usangareshina ni kwendin mwi njil yitentamina yikuyishikija ku kuwanyish rutong rau. (Kus 26:1-3; Jnsw 11:5; 28:18) Chakin, mud mwamanay Job, muntu ushinshamena ukutwish kuman mar mulong wa kuyikel kwa muntu muyimp ni kufa mud ndiy; pakwez Yehova upanin kashinsh anch wij mwom wa muntu ushinshamena, ni anch uswan wend ukwikal wa chikupu, anch ukwikal ni chisambu mu machuku ma kurutu ni ukuswan yom yiwamp (Job 9:20-22; Kus 37:18, 19, 37; 84:11 ; Jnsw 28:10). Mud muchading piur pa Job, usey wa muntu ni kalimish kend yidokilingap ku mapit makwetay, pakwez ku kushinshaman kwend (Jnsw 19:1 ; 28:6). An akweta tatuku mud winou akutwish kuyel anch ayukin (Jnsw 20:7), mulong akat kwikal ni uswan uwamp nakash: Chilakej chiwamp cha mwom wend, ni kutaninamu mu katumb kawamp ni kalimish ka tatukwau.
Mapit ma mu Spiritu
w01 1/12 paj 11 par. 3
Ukutwish Kwipuk Mayej wa Rudung ma mu Spiritu
Kwichingejin nakash. Antu avud ading akweta musong wa rudung ading atongidin anch akasiken kwau kushik ni pasadinau kriz kardiak. Yisu yivud, aduwulang kwau kuya kwipimish mulong wa kwijik mutapu usadina mujimbu wau. Chilik chimwing, antu amwing akat kutong anch mulong ad in Kristu pasut kal mivu yivud, kwikil chom chikuyishikena. Pa chinech, akat kulik kushinshikin ukash wau wa mu spiritu djat ni pakushikena kusheshik kwau kwa mu spiritu. Chid cha usey kulam mu manang chiyul cha kambuy Paul piur pa kwichingejin nakash chilondina anch: “Chawiy muntu mwawonsu utongina anch wiminy ababal chakwel kangal wawa.” Chid cha usey kwijik anch tud antu akad kuwanyin ni kusal usu wa kwishinshikin mu spiritu chisu chawonsu.—1 Kor 10:12; Jnsw 28:14.