Ov, Utongijokin ik Piur pa Machuku ma Kurutu?

CHILONDINAY BIBIL

“Nzamb . . . ukez kayikuswol mansoj mawonsu ku mes mau. Kukez kikalap kand rufu, ap madil, ap kwishikokin, ap kusansan, mulong yom yikur kiyamekanap kand.”​—Kujingunik 21:3, 4.

CHIRUMBURIKINA MAZU MINAM KUD EY

Mudimu uwamp ni usangareshina.​—Isay 65:21-23.

Mayej ni mar ma mitapu yawonsu makupwa.​—Isay 25:8; 33:24.

Ey, dijuku diey, ni arund ney ukwikalany ni musangar, ni mwom wa chikupu.​—Kuseng 37:11, 29.

OV, TUKUTWISH CHAKIN KAMU KWITIYIJ YILONDINAY BIBIL?

Mwaning, mulong wa mayingishin maad:

• Nzamb ukwet usu wa kuwanyish kushilamu kwend. Bibil umutazukin Yehova Nzamb anch “Mwin Dikand Diawonsu”, mulong ukwet usu wakad mimbu. (Kujingunik 15:3) Chawiy, ndiy ukwet usu wa kuwanyish kushilamu kwend mulong wa kuwapish mangand metu. Mud mulondinay Bibil: “Kudi Nzamb yom yawonsu yikasikenip.”​—Mateu 19:26, TMK.

• Nzamb ukwet impu ya kuwanyish kushilamu kwend. Chilakej, Yehova ukwet impu ya kuyichirish antu afila kal ku mwom.​—Job 14:14, 15.

  Bibil ulejen kand anch Yesu, Mwan a Nzamb, wayoka ayej. Ov, mulong wak wasala mwamu? Mulong wading ukatin kusal mwamu. (Marko 1:40, 41) Yesu wamekesha mu mutapu uwanyidina wuntu wa Tatukwend kusutil kuyikwash antu ading aswirikedina ukwash.​—Yohan 14:9.

  Chawiy, tukutwish kwikal nich kashinsh anch Yehova ni Yesu awonsu aad asotin kutukwash chakwel twikala ni machuku ma kurutu ma musangar!​—Kuseng 72:12-14; 145:16; 2 Pita 3:9.