Ov, Nany Utakedila Chakin Kamu Mangand?

CHILONDINAY BIBIL

‘Mangand mawonsu amatakedil kud Sakudimban.’​—1 Yohan 5:19.

“Mwan a Nzamb weza mulong wa kushesh midimu ya [Djabul].”​—1 Yohan 3:8.

CHIRUMBURIKINA MAZU MINAM KUD EY

Kwijik mulong wak mu mangand mud mar nakash mwamu.​—Kujingunik 12:12.

Kukukwash kwitiyij anch mangand makuwap.​—1 Yohan 2:17.

OV, TUKUTWISH CHAKIN KAMU KWITIYIJ YILONDINAY BIBIL?

Mwaning, mulong wa mayingishin masatu:

• Winyikel wa Satan wakangeny kal. Yehova wakwatin kal mupak wa kushesh rawonsu winyikel wa Satan. Ndiy washilamu anch “ukumujiyish Sakudimban” ni milong yawonsu yaletinay kal.​—Hebreu 2:14.

• Nzamb wamutondin kal Yesu Kristu chakwel ayikela mangand. Yesu ushalijadin nakash ni nyikel uyikedila mangand katat, udia mwin chisum ni mwin kwitongin amwinend. Nzamb wakana piur pa winyikel wa Yesu anch: “Ukat kumwovil chimanamar riy, ni uburedina kand . . . Ukat kuyikwol ku kuzengol ni ku chisum.”​—Kuseng 72:13, 14.

• Nzamb kakutwishap kudimban. Bibil ulejen patok anch: “Nzamb kakutwishap kudimban.” (Hebereu 6:18) Anch Yehova wakan kusal chom kanang, ku mes mend chid mud chasadikang kal kwau! (Isay 55:10, 11) “Ndiy ukez kamwopat mwin kutakel wa mangand minam.”​—Yohan 12:31.