Ov, Want wa Nzamb Chom Ik?

CHILONDINAY BIBIL

“Nzamb wa mwiur ukez kukasikesh want ukwau wakad kwez kwikal nich disudiel chikupu.”​—Daniel 2:44.

‘Atwinkishin kal mwan ikundj; ni want ukez kwikal pa chikij chend.’​—Isay 9:6, NWT.

CHIRUMBURIKINA MAZU MINAM KUD EY

• Kud guvernema utentamina ukukuyukisha.​—Isay 48:17, 18.

• Mu mangand masu mezina, ukwikal ni ukash wa mujimbu uwanyidina ni musangar.​—Kujingunik 21:3, 4.

OV, TUKUTWISH CHAKIN KAMU KWITIYIJ YILONDINAY BIBIL?

Mwaning, mulong wa mayingishin maad:

• Yesu wamekesha yom yikeza Want wa Nzamb kuwanyish. Yesu wayileja in kwilejend alembila chakwel Want wa Nzamb weza ni rusot ra Nzamb risadika pa divu. (Mateu 6:9, 10) Yesu wamekesha mutapu ukezau kwakul ku malembil minam.

  Padingay pa divu, Yesu wayidisha antu ading ni nzal, wayoka ayej ni wayivumbula afu! (Mateu 15:29-38; Yohan 11:38-44) Mulong ud Ntakel wa Want wa Nzamb, Yesu wamekesha yom yikuyisadinau antu kud Want.​—Kujingunik 11:15.

• Yom yisadikina mu mangand yimekeshin anch Want wa Nzamb ukwez piswimp ap. Yesu wasambela kulejan anch kurutu Want uleta chisambu pa divu, pa mangand pakwikal njit nakash, kamungun ni kuzal kwa divu.​—Mateu 24:3, 7.

  Nlel unou, tumen yom yiney. Chawiy tukutwish kwikal nich kashinsh anch Want wa Nzamb ukupwish piswimp ap milong yiney yawonsu.