Ov, Mutapu ik Umeninga Bibil?
Ukutwish kulond anch . . .
ud buku wa antu in manangu?
ud buku wa jingany ni jinsangu ja makasu?
did Dizu dia Nzamb?
CHILONDINAY BIBIL
“Mazu mawonsu ma mukand wa Nzamb madiokala ku [s]piritu wa Nzamb.”—2 Timote 3:16.
CHIRUMBURIKINA MAZU MINAM KUD EY
Yakul yisangareshina ku yipul yijim ya mwom.—Jinswir 2:1-5.
Umutakel wa kuchingejin mu mashakamin ma pichuku pichuku.—Kuseng 119:105.
Ruchingej rakin ra machuku ma kurutu.—Rom 15:4.
OV, TUKUTWISH CHAKIN KAMU KWITIYIJ YILONDINAY BIBIL?
Mwaning, mulong wa mayingishin masatu:
Wovijadin nakash. Bibil amufunda mu mivu 1 600, kud antu kushalijan piswimp 40. Avud pakach pau kadingap kijikijadina umwing ni mukwau. Chikwau kand, mikand yawonsu yovijadin ni yimedin pa mutu wa mulong umwing!
Win kashinsh wa jinsangu. In kufund jinsangu ja antu akat kujindjik kurumbok ni kukangany kwa antu au. Pakwez, in kufund Bibil afunda kurumbok ni kukangany kwau ni kwa michid yau.—2 Jinsangu 36:15, 16; Kuseng 51:1-4.
Kuwanyin kwa uprofet. Bibil wasambela kulejan piur pa kusheshik kwa musumb wa Babilon wa pasak mivu 200 kurutu. (Isay 13:17-22) Kalejanap ching kusu mutapu Babilon welay kusheshik, pakwez walejana kand ni dijin dia kalal wafanyina kumupandakan!—Isay 45:1-3.
Mauprofet makwau mavud nakash ma Bibil mawanyina kand kachom ni kachom. Ov, yom yiney kiyimekeshinap anch Bibil did Dizu dia Nzamb?—2 Pita 1:21.
CHA KUTONGIJOKIN
Ov, mutapu ik ukutwisha Dizu dia Nzamb kuwapish mashakamin mey?
Bibil wakwil ku chipul chinech mu ISAY 48:17, 18 ni mu 2 TIMOTE 3:16, 17.