Ov, Wisu Musul wa Musangar mu Mashakamin ma mu Dijuku?

CHILONDINAY BIBIL

“Ayuk kwau antu akata kutesh dizu dia Nzamb ni kudisadil!”​—Luka 11:28.

CHIRUMBURIKINA MAZU MINAM KUD EY

Mu dijuku diey mukwikal rukat rakin.​—Efes 5:28, 29.

Mukwikal kalimish.​—Efes 5:33.

Mukwikal diking.​—Marko 10:6-9.

OV, TUKUTWISH CHAKIN KAMU KWITIYIJ YILONDINAY BIBIL?

Mwaning, mulong wa mayingishin maad:

• Nzamb ndiy Sakatang wa dijuku. Bibil ulondin anch Yehova Nzamb “ndiy ukata kupil dijin . . . ku dijuku diawonsu”. (Efes 3:14, 15) Chinech chirumburikin anch dijuku didiaku mulong Yehova ndiy waditanga. Mulong wak chid cha usey kwijik chom chinech?

  Tong bil anch wadia yakudia yitadina ni usotin kwijik yom yisukangau nich. Ov, nany ukwipula? Chakin kamu, ukumwipul muntu wisukang yakudia yiney.

  Chilik chimwing kand, mulong wa kujingunin yom yikuleta musangar mu dijuku, tufanyidin kumwipul Yehova, udia Sakatang wa dijuku.​—Disambishil 2:18-24.

• Nzamb ukat kukubangin. Majuku mafanyidin kukimb yiyul ya Yehova yitwinkinay mu Dizu diend. Ov, mulong wak? “Mulong ukat kukulamany.” (1 Pita 5:6, 7) Yehova ukimbin uwamp wey—ni yiyul yend yiding ya ukwash chisu chawonsu!—Jinswir 3:5, 6; Isay 48:17, 18.