Dandamen

Yom Yasalay Paul

VIDEO: Paul Udandamedin mu Efes

1. Tal VIDEO, ap tang Midimu 19:8-10. Kupwa shinshikin yipul ey:

1. Pa ndond pa kuziy chisu chamupompatau kud antu amwing, mutapu ik wadandamenay Paul kuyikwash antu asangera rusangu ruwamp?

2. Tupamp twinch twachirikay Paul kuyifundish antu inay ading asangaredina rusangu ruwamp, ni wasala mwamu mu mivu yinch?

Chilakej cha Paul Chitufundishin ik?

2. Mulong wa kwikal ni yibudikin yiwamp mu kuyichirikin antu ni mulong wa kusambish malejan ma Bibil, chitin kwitekin chisu ni kusal usu.

Mwimburija Paul

3. Kwatikesh program wey nich chisu chikatinay muntu. Iyipula anch: ‘Chisu ik chiwapina nakash kumwendin? Chisu ik ni ndond ik yikutwisha kwikal yiwamp kud ndiy mulong wa kwambamb nend?’ Sal usu wa kumuchirikin muntu ap anch chidiap chisu chiwamp kud ey.

4. Ovijan nend piur pa chisu. Tupamp twawonsu wisambina nend, kwinsudien kwa mambamb ovijan nend piur pa chisu ukwambambanya kand. Limish program mud muwovijananganya.

5. Lam ruchingej. Kangal waswakal kutong anch muntu wakad kutanolang ku chikumbu ap ukwatikening yisu yivud kasangaredinap kwend uruu wetu. (1 Kor. 13:4, 7) Ap mwamu ikal wisikena; sal usu wa kumukimb muntu, pakwez sadin kand nawamp chisu chey.—1 Kor. 9:26.