Ov, Uvurikinany?

Ov, wasanger pawatangina manimero masu ma Chinong cha Kalam? El tutala anch ukutwish wakul ku yipul yilondwilaku ey:

• In Kristu amwing arishining nich milong ik anch atijan, ni afanyidin kusal wa kusal yom ik?

In Kristu amwing akutwish ajingunin anch kovijadinap mu yom yivud ni mwin ikend. In anch kujip uruw kiwawiyap mutapu uwamp wa kupwish milong, aswiridin asala usu alama uruw wau.— 15/4, paj wa 17.

• Yikokujol ik yikutwishay kurish nich mwin Kristu udia mu chikumbu cha kuyilam amapal?

Ukutwish wikal wakad kwijikanik ku chikumangen cha teritwar mushichay. Antu avud adia ku chikumbu chinech akutwish ikal akweta yitiyijin ya chirelijon kushalijan ni awiy akusot amwandjika mu mijikit ya chirelijon. Anamaku in Kristu ni yid y chikumangen cha pol pau afanyidin kwijik yikokujol yiney ni kumukwash ni kumulam.—15/4, paj wa 25-27.

• Jisu nzau jinying jikutwisha kuyikwash antu atijadina chakwel apwisha milong yau?

Kwitekin chisu cha kwisambin milong. (Mul. 3:1, 7) Lond yitongij yey nich kashinsh ni kalimish. (Efes 4:25) Tesh ni itiyij nawamp yovil ya mwin nkwey. (Mat. 7:12) Ovujonany mutapu wa kuupwish, ni sadilany en awonsu pamwing. (Mut. 4:9, 10)—1/7, paj wa 20-22.

• Patukasikeshay Yesu anch tulembilang mulong wa kutulikish mabaz metu, mabaz ik minam?

Kwisikej Mateu 6:12 ni Luka 11:4 kwovikeshin zwang anch Yesu kadingap wisambidina mabaz ma nfalang. Ndiy wadinga wisambidin yitil. Tufanyidin twimwimburij Nzamb mu kwikalang tayat kulikishinang.—15/5, paj wa 9.

• Yid ya Chisak Chitakedila yidiling mu makomite ik?

Komite wa Kutenchik; Komite wa in Mudimu wa ku Bethel; Komite wa Kupalangesh Mikand; Komite wa Mudimu; Komite wa Malejan; Komite wa in Kufund.—15/5, paj wa 29.

• Mutapu ik twija anch Mabeb masadika mu machuku ma Nowa madinga ma ngand ya kabuj?

Yesu witiyija anch Mabeb masadika ni masadika ngand ya kabuj. Kubabesh kwa Bibil kushindamedin pa winikashinsh wa Mabeb masadika ngand ya kabuj.—1/6, paj wa 8, (Français).

• Mwikadil ulejenau mu Rome 1:24-32 ulondin mulong wa Amuyud anch mulong wa Akamichid?

Kurumburil kukutwish kwashalijan, pakwez mupostol Paul ndiy walonda mulong wa in Isarel a pakur mu mivu yivud alika kulondul Chijil cha Yehova. Adinga ij mipak ya Nzamb pakwez kashakamap kukwatijan nich.—15/6, paj wa 29.

• Kwisu kudia Tel Arad, ni mulong wak kudi kwa usey?

Mukandu winou mu Isarel wading ulejen musumb wau wa pakur Arad wadinga kurand kwa Karung wa Rufu. Pa mukandu pinap, atanap muruz wa yom ya kam wasadinangau mulong wa masalet ma kufundin. Mamwing madinga ni majin ma mu Bibil, ni mamekesha anch dijin dia Nzamb adisandinanga kamu pakur.—1/7, paj wa 23-24, (Français).

• Mulong wak kuvudish mwikadil wa manangu kukat kumekeshang musangar?

Anch twaswiriken kuwanyish jintong ja manangu pa yom yadia yitukasikedina tukutwish kukepish milong yetu. Chikwau kand, tukutwishap kwiyakamish, mu kusadinang mimbu yetu ni kwitang dilikishin mulong wa mudimu wetu tusadila pakemp-pakemp.—15/7, paj wa 29.

• Yom ik yiyikasikedininga anvaj kwambamb ni ansand?

Yom yiyikangeshining ansand yikutwish yikal usany wovilingau, akweting wan ipau, ni maswir mau. Anvaj afanyidin kwikasikesh kwambambang ni anau ni kuyikwashang kujingunin yom yitongidinau ansand.—1/8, paj wa 10-11, (Français).