BIBLIOTEK Udia pa Kapend
BIBLIOTEK
UDIA PA KAPEND
Uruund
  • BIBIL
  • MIKAND
  • YIKUMANGAN
  • wp19 no. 2 map. 10 ​-​ 11
  • Anch Urishin ni Mayej Makash

Kwikil video ukimbina

Video winou umukimbinap amboku nawamp.

  • Anch Urishin ni Mayej Makash
  • Chinong cha Kalam Chilejen Want wa Yehova (Cha antu awonsu)—2019
  • Tumitu twa milong
  • Yom Yifanakena
  • YIYUL YIMWING YIKUTWISHA KUKUKWASH KUJIJAMAN
  • Ukwet Usey Nakash ku Mes ma Yehova Nzamb Wey!
    Chinong cha Kalam Chilejen Want wa Yehova (Cha Kwilej)—2020
  • Malembil Makutwish Kukukwash Mutapu ik?
    Chinong cha Kalam Chilejen Want wa Yehova (Cha antu awonsu)—2021
  • Kumwongoj Udia Pifil
    Chinong cha Kalam Chilejen Want wa Yehova—2008
  • Mutapu wa Kuyikwash Antu Akweta Milong ya Ukash wa mu Manangu
    Chinong cha Kalam Chilejen Want wa Yehova (Cha antu awonsu)—2023
Tal Yom Yivud
Chinong cha Kalam Chilejen Want wa Yehova (Cha antu awonsu)—2019
wp19 no. 2 map. 10 ​-​ 11

Anch Urishin ni Mayej Makash

Linda ukweta mivu 71 ulondin anch: “Chisu chanlejau anch nikwet musong wa kanser ku michim yitok ni ku mul wa dishin, nading nij anch nikufa kwam. Pakwez pinadiokala kwa dokter mulong wa kuchirik ku chikumbu, nalonda anch: ‘Kwikil mulong, nadiap nitongidina anch yikutwish yanshiken, pakwez katat nifanyidin kukimb mutapu wa kushakam ni mayej minam.’”

Elise ukweta mivu 49 ulondin anch: “Nayela mayej masansena nakash makwata ku tumijir twa ku wong (nerf) twa ku mutambu wa kamaku ku chifu cham. Dichuku dimwing, kusansan kwapandikana ni kwanziyisha nakash. Yisu yivud, niyovang mudi nidi amwinam ni natongang anch nijipa kwam.”

Ikundj uyedina ushicha mu chitwam cha ayilim amunyingumukin kudi antu amukatina

ANCH ey ap mukatish ney uyedin mayej ma kumushikija ku rufu, ukutwish kwijik yakamish yikata kwikalaku. Kuwejin pa mayej ukweta, ukutwish kand kurish ni wom ni yakamish. Yakamish yiney yikutwish kand kupandikan nakash mulong chikutwish kukasikan kumanijan ni dokter chisu chawonsu, chikutwish kukasikan kwikal ni mwon ap nfalang mulong wa kwiyokish, ni ukutwish kurish ni kuziy kudiokila ku mwon unila. Chawiy anch yakamish yabombakan ni mayej, yikutwish kumusal muntu nayimp nakash.

Kwisu ukutwisha kutan ukwash? Antu avud akat kutan rongoj ripandikena kusutil kumuchingejin Nzamb ni kumulembil ni kutang maverse makasikeshina madia mu Bibil. Tukutwish kutan kand ukwash kusutil rukat ni kubangin kudiokila ku dijuku dietu ni kudi arund netu.

YIYUL YIMWING YIKUTWISHA KUKUKWASH KUJIJAMAN

Robert ukweta mivu 58 ulondin anch: “Tek ritiy mudiay Nzamb ni ndiy ukukukwash kujijamen mayej mey. Mulembila Yehova. Muleja mutapu wiyovila. Mwita spiritu utumbila. Mwita chakwel akukwash kwikal ni chitongijok chiwamp ni kuyikasikesh antu a mu dijuku diey ni chakwel ulika kuzazat chisu urishina ni mayej mey.

Chiding cha usey nakash kuyilejamu antu a mu dijuku diey mutapu wiyovila chakwel akukwash kurish ni yovil yey. Dichuku diawonsu antazukang kudi muntu umwing ap aad a mu dijuku diam ku telefon ni angipulang anch: ‘Udi nchik?’ Ankasikeshang kand nakash kudi arund nam ading ku jindond kushalijan. Angongojang ni ankasikeshang chakwel nidandamena kujijaman.”

Shinshikin yom yilondinay Linda anch uyil kumutal murund ney uyedina. Ulondin anch: “Muntu uyedina ukatining kwikal ni mashakamin mudi ma antu awonsu, chawiy kakatiningap chisu chawonsu kwisamb piur pa mayej mend. Chawiy ambambany piur pa yom yikwau.”

Kusutil kukasikesh kudiokila kudi Nzamb ni rongoj tutanina mu Bibil, pamwing ni ukwash wa antu a mu dijuku ni arund akweta rukat, tukutwish kwikal nich kashinsh anch mwom ukwet usey nakash ap anch turishin ni mayej makash.

Maverse ma Bibil Makutwisha Kukukwash

Muchingejina Nzamb.

“Am [namukimba Yehova], Ndiy wangakula wankamunina ku wom wam wawonsu. Nshon kazwendj ou wadila, [Yehova] wamwova.”​—Kuseng 34:4, 6, TMK.

Linda wajimbulangau kwinsambishil ulondin anch: “Kandikal nimulembilangap Nzamb anch, ‘nkwasha niyerika.’ Pakwez chisu chawonsu nikat kumulembil anch, ‘nginkisha usu chakwel nijijamen mayej mam.’”

Tambul usu kusutil kutang Dizu dia Nzamb.

‘Kwikil muntu ap umwing ukeza kulond anch: “Niyedil.”’​—Isay 33:24.

Tongijokin pa kushilamu kwa Nzamb mulong wa machuku ma kurutu. Kusal mwamu kukukukwash kwikal ni ruchingej rikukwinkisha usu wa kujijaman.

It ukwash kudi anamakwey ni arund ney

“Murund ukat kumekesh rukat machuku mawonsu. [Udi] mwanamaku wavadika mulong wa kukwash mu yom yikash.”​—Jinswir 17:17.

Elise wajimbulangau kwinsambishil upanin chiyul ech: “Kangal wakat kwikal pa ndond ya amwiney. Itiy ukwash udiokila kudiau arund ney. Kukutwish kwikal yisu yimwing ukutwisha kutong anch yey kwey umena mar minam ni kutong anch Nzamb kakuteshinap, chawiy kangal kukat kwikal pa ndond ya amwiney.”

    Mikand ya Uruund (1999-2025)
    Budik
    Andam
    • Uruund
    • Kwangan
    • Yom ukatina
    • Copyright © 2025 Watch Tower Bible and Tract Society of Pennsylvania
    • Mbil ja Kusadin
    • Mbil ja Ujindj
    • Paramètres de confidentialité
    • JW.ORG
    • Andam
    Kwangan