Mekesh Kusanger kwa Pakampwil—Ku Kuyijikitish
1 Kujikitish kwakin kuyikasikeshing antu muspiritu, kukat kuyibachik ku chisal ni kuyiletin musangar. In kulejan avud amen kal anch dizu dimwing kusu dia kujikitish kwakin dikat kuyibachik antu kutesh chisu tudia mu mudimu. Mutapu ik tukutwisha kuyijikitish antu chisu tuyilejina rusangu ruwamp?
2 Ikal Mwin Kushinshikin: Yesu Kristu, pachirikay mwiur washinshikina yisal yiwamp ya yikumangen sambwad ya mu Aziy Mukemp. (Kuj. 2:2, 3, 13, 19; 3:8) Chilik chimwing, kuyisanger kwakin antu tusankena mu mudimu wetu kukez kutubachik kukimb mitapu ya kuyijikitish. Chilakej, shinshikin mutapu ukwakinau nawamp kud nzamu, kud nvaj uyikatina anend chipandakena, ap masip ni kulangwish kwa urund kwa mwin chikumbu, yiney yawonsu yitwinkishin mitapu ya kuyijikitish. Ov, ukat kushinshikin yom yiney ni kusadil nakash mitapu yiney chakwel kuyijikitish?
3 Ikal Mwin Kutesh Nawamp: Chisu uyilejina antu akwau, yita kulond yitonginau kusutil ku kuyipul yipul yifanyidina. Yilimisha kusutil ku kutesh yilondilau. (Rom 12:10) Chakin kamu, anch watesh yilondilau ukutwish kutesh chom chikukubachika kuyijikitish chakin ni kupwa ukutwish kukasikesh pa mufulandal wa yom yiufundishina.
4 Sadil Njingunin: Ov, yom ik tufanyidina kusal anch mwin chikumbu walond yom yakad kukwatijan ni uyakin wa Bibil? Pa ndond pa kutadikijan nend, mujikitisha mwin chikumbu mulong wa yitongijok yend ni dandamen kulond anch “Nimen anch mulong winou ukukwatin kamu niyey.” (Kol. 4:6) Ap anch muntu ukatin kutadikijan, tufanyidin chisu chawonsu kumujikitish mulong wa kusanger kwend kwakin mu mambamb. Mutapu winou wa kusal kwa kwitudish ukutwish kumutudish muntu ulikina nakash kutesh rusangu ruwamp.—Jinsw. 25:15.
5 Chakwel kujikish kwikal nich usey, tufanyidin kujikitish mutapu wakin. Kusadil kulond kwinoku kuwamp kumutumbishin Yehova ni kukat kuyipwitin antu akwau ku rusangu ra Want.