Tulejanany Pakad Kulik

¹ Pa yisu yimwing, tukutwish twatongin anch twasadil kal nakash mudimu mu teritwar wetu chisu ni chisu ni antu akemp kusu itiyijina. Chikalap nchik mwamu, tukwet mayingishin mavud metwetu kujijaman nich kulejan.—Mat. 28:19, 20.

² Kikal Uman: Yesu wasambela kulond anch kulejan Want kukez kikal chikunku cha usey cha chijingidij chilejena “cha kwisudiel kwa mangand” ni anch kukulejan “kikal uman kudi michid yawonsu.” (Mat. 24:3, 14) Patumeningau antu mu mudimu wa kulejan rusangu ruwamp ra Want, tupanining uman wa usu nakash. Anch twadiokal mu mwab, antu amwing akutwish isambin mulong wa kwez kwetu kwa asaa ap kwa machuku, ap anch kateshinap kwau uruu wetu. Kusanger mayingishin ma mujikit wetu kutukwashining tudandamena nich. Tukat kumusangaresh Yehova pitusadila chikunku chetu mu kuwanyish uprofet wa Bibil kusutil ku kupan uman ni kukuyibabesh piur pa disheshik diezinaku.—2 Tes. 1:6-9.

³ Kudi Kuswir kwa Kujijaman: Kudi yom yivud yikata kuyizuwol antu ni akwatiken nakash, chawiy tuswiridina tujijaman pitusadila usu wa kulangwish kusanger kwau. Mband umwing adinga ni kumwendil pa rubing ni rubing mu muvu wa kabuj kurutu akwata mupak wa kuyit Atuman a Yehova asambish kwisamb nend piur pa Bibil kwol kwend. Wakata nakash yom yateshay ni witiyija kwilej Bibil, wasambisha kuya ku yikumangan, ni wamekesha impu yend ya kusot kubabatishiu.

⁴ Mikadil ya mangand yiyil ni kukarumuk nakash, mwamu mudiau kand ni antu. Antu avud adinga ni kutulik pasak katat itiyijin ruchingej ritudishina ritukata kuyilej. Anch muntu umwing kusu witiyij uruu wa Want, kujijaman kwetu kukez kwikal kwa usey.

⁵ Mu mangand mawonsu, antu avud akwet “ushon ni kwakam mulong wa yom yitakanena yisadilau.” (Ezek. 9:4) Yibudikin ya kulejan kwetu Want yilejen anch antu adia mu mwikadil ufanyidina itiyijin uruu wa Want. (Isay 2:2, 3) Chawiy lel, el tudandamenany kulejan pakad kulik nich kujijaman ni rukat mu kulejan “rusangu ruwamp, rawiy kamu rusangu ra chisambu.”—Isay 52:7; Mid. 5:42.